প্রেরিত্‌ 5:16 - Chakma Bible

¹⁶ যিরূশালেম কায়কুরে আদামত্তুন্ বোউত্ মান্‌জ্যে তারার্ পিড়েল্ল্যেগুনোরে আর ভান্ন্যেই আত্মা আদত্ দুঘ্-পেইয়্যে মানুচ্চুনোরে আনিনে ভিড় গরা ধুরিলাক্, আর তারা বেক্কুনে গম্ অলাক্।

প্রেরিত্‌ 5:16 Iomraidhean Croise

মথি লেখ্যে গম্ হবর্ 2:16

পন্ডিত্‌তুনে তারে ঠোগেয়োন দেগিনে হেরোদে জদবদে রাগ্ তুলিলো। সেই পন্ডিত্‌তুনোত্তুন্ যে সময়ো কধাগান তে জানি লোইয়্যে সে সময় ইজেব মজিম দ্বিবজর্ আর তাত্তুন্অ কম বয়জর্ যিদুক্কুন্ পুয়ো বৈৎলেহম আর সিয়েনর কায়কুরে জাগায়ানিত্ এলাক্ বেক্কুনোরে মারে ফেলেবাত্তে উগুম দিলো।

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মথি লেখ্যে গম্ হবর্ 8:16

সাজোন্যে অলে পরেদি মানুচ্চুনে ভুদে পেইয়্যে ভালোক্ জনরে যীশু ইধু আনিলাক্। তে মুয়ো কধালোই সেই ভুত্‌তুনোরে ধাবেল আর যিগুনে অসুগ্ এলাক্ তারারে বেক্কুনোরে গম্ গোরেল।

লূকে লেখ্যে গম্ হবর্ 5:17

একদিন্ন্যে যীশু যেক্কে শিক্ষ্যে দের্ সেক্কে ফরীশীগুনে আর ধর্ম-মাষ্টরুনে সিয়েনত্ বুয়োই এলাক্। গালীল রেজ্যর্ নানান্ আদামত্ আর যিহূদিয়া রেজ্যত্ আহ্ যিরূশালেম শঅরত্তুন্ ইগুনে এচ্চ্যন্। পীড়েল্যেগুনোরে গম্ গুরিবাত্তে প্রভুর খেমতাগান্ যীশু ভিদিরে এলঅ।

লূকে লেখ্যে গম্ হবর্ 6:18

তারা তা কধানি শুনিবাত্তে আর পীড়েত্তুন্ গম্ অবাত্তে সিয়েনত্ এচ্চ্যন্। যিগুনে বজং আত্মালোই দুঘ্ পাদন্ তারা গম্ অদন্।

লূকে লেখ্যে গম্ হবর্ 9:11

সেই হবরান্ হবর্ পেইনে বোউত্ মানুচ্ যীশু পিজে পিজে গেলাক্। তে সেই মানুচ্চুনোরে মানি ললঅ আর তারা ইধু গোজেন রেজ্যর্ কধা কলঅ। ইয়েনি বাদেয়ো যিগুনোর্ গম্ অবার্ দরকার এলঅ তে তারারে গম্ গুরিলো।

যোহন 14:12

মুই তমারে ঘেচ্চ্যেক্‌গুরি কঙর্, কেঅ যুনি মঅ উগুরে বিশ্বেজ্ গরে সালে মুই যেদক্কানি কাম্ গোজ্যং তেয়ো সিয়েনি গুরিবো। আর মুই বাবা ইধু যাঙর্ বিলি তে ইয়েনিত্তুন্ আরঅ দাঙর্ দাঙর্ কাম্ গুরিবো।

প্রেরিত্‌ 4:30

তঅ আঢ্‌তানি বাবেই দে যেন তর্ পবিত্র চাগর্ যীশুর নাঙে তারা মানুচ্চুনোরে গম্ গুরি পারন্ আর আমক্ অইদ্যে কাম্ আহ্ চিহ্নো-কাম গুরি পারন্।”

প্রেরিত্‌ 5:15

প্রচারক্কুনে যিয়েনি গোজ্যন্ সিয়েনি দেগিনে মানুচ্চুনে খাদ উগুরে আর পাদি উগুরে গুরিনে পিড়েল্ল্যেগুনোরে আনিনে পধে পধে থুয়ো ধুরিলাক্, যেন পধেদি যেবার অক্তত্ পিতর ছাবাগান্ অলেয়ো তারা কারঅ কারঅ উগুরে পড়ে।

প্রেরিত্‌ 5:17

সেক্কে দাঙর্ ধর্মগুরু আর তা সমারে সদ্দূকী দল মানুচ্চুনে ইংসেই জ্বলি উদিলাক্।

১ করিন্হীয় 12:9

অন্য কাররে কাররে সেই একই আত্মালোই বিশ্বেজ্ বা পীড়ে গম্ গুরিবার খেমতা বা আমক্ কাম গুরিবার খেমতা বা ভাববাদী ইজেবে গোজেনর্ কধা কবার্ খেমতা বা গম্ আর ভান্ন্যেই আত্মাগুনোরে চিনিবার্ খেমতা দিয়্যে অয়। আরঅ অন্য কাররে কাররে নানান্ ভাষায় কধা কবার্ খেমতা বা নানান্ ভাষায় অত্তগানি বুঝেই দিবার্ খেমতা দিয়্যে অয়।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।