প্রেরিত্‌ 4:21 - Chakma Bible

²¹ সেক্কে তারা পিতর আর যোহনরে আরঅ দর্‌বুক্ লাগেইনে ইরি দিলাক্। মানুচ্চুনো দরে তারা ঠিগ্ গুরি ন-পাত্তন্ কেধোক্ক্যেন্ গুরি তারারে সাজা দিয়্যে যায়, কিয়া যিয়েন ঘোট্যে সিয়েনত্যে বেক্‌ মানুচ্চুনে গোজেনরে বাঈনী গুরিলাক্।

প্রেরিত্‌ 4:21 Iomraidhean Croise

মথি লেখ্যে গম্ হবর্ 15:31

মানুচ্চুনে যেক্কে দেগিলাক্ ববা কধা কর্, আঢুড়ে গম্ অর্, লেঙ্ মান্‌জ্যে আঢাউদো গত্তন্ আর কান্ মান্‌জ্যে দেগদন্, সেক্কে তারা আমক্ অলাক্ আর ইস্রায়েলীয়গুনোর গোজেনরে বাঈনী গরা ধুরিলাক্।

মথি লেখ্যে গম্ হবর্ 21:46

সেক্কে তারা যীশুরে ধুরিবাত্তে চেলাক্, মাত্তর্ মানুচ্চুনো দরে সিয়েন্ ন-গুরিলাক্, কিয়া মান্‌জ্যে তারে ভাববাদী বিলি মনে গুরিদাক্।

মথি লেখ্যে গম্ হবর্ 26:5

মাত্তর্ তারা কলাক্, “পরবর্ সময়োত্ নয়; সেক্কে মানুচ্চুনো ইধু অয়ত কোল্-কোজ্যে আরাম্ভ অবঅ।”

মথি লেখ্যে গম্ হবর্ 9:33

যীশু সেই ভুদ্‌তোরে ধাবেই দেনার্ পরেদি মানুচ্চো কধা কুয়ো ধুরিলো। সেক্কে বেক্কুনে আমক্ ওইনে কলাক্, “ইস্রায়েল দেজত্ আর কনদিন্‌অ এবাবোত্যে দেগা ন-যায়।”

মথি লেখ্যে গম্ হবর্ 9:8

মানুচ্চুনে এ ঘটনাগান্ দেগিনে দোরেলাক্, আর গোজেনে মান্‌জ্যরে এমন্ খেমতা দিয়্যে বিলিনে গোজেনরে বাঈনী গরা ধুরিলাক্।

লূকে লেখ্যে গম্ হবর্ 13:17

তে এ কধাগান্ কনার্ পরেদি যিগুনে তা বিরুদ্ধে এলাক্ তারা বেক্কুনে লাজেলাক্। মাত্তর্ অন্য মানুচ্চুনে তার্ এই বেক্‌ দাঙর্ কামানি দেগিনে হুজি অলাক্।

লূকে লেখ্যে গম্ হবর্ 20:19

ধর্ম-মাষ্টরুনে আর আজল্ ধর্মগুরুগুনে যীশুরে সেই জাগানত্ ধুরিবাত্তে চেলাক্, কিয়া তারা বুঝিলাক্ যে, সেই কধাগান্ যীশু তারা বিরুদ্ধে কোইয়্যে; মাত্তর্ তারা মানুচ্চুনোরে দোরেলাক্।

লূকে লেখ্যে গম্ হবর্ 20:6

মাত্তর্ যুনি কোই, ‘মান্‌‌‌‌জ্যত্তুন্,’ সালে মানুচ্চুনে আমারে পাত্তর্ মারিবাক্, কিয়া তারা যোহনরে ভাববাদী বিলি বিশ্বেজ্ গুরিদাক্।”

লূকে লেখ্যে গম্ হবর্ 22:2

আঝল্ ধর্মগুরুগুনে আর ধর্ম-মাষ্টরুনে মানুচ্চুনোরে দোরেদাক্, আর তারা যীশুরে ভিদিরে ভিদিরে মারে ফেলেবাত্যে পধ্ তগাদন্।

লূকে লেখ্যে গম্ হবর্ 5:26

সেক্কে বেক্কুনে অমকদ আমক্ অলাক্ আর ভোক্তিবলা দরে গোজেনরে বাঈনী গুরিনে কলাক্, “এইচ্চ্চ্যে আমি কি আমক্ অইদ্যে বেপার দেগিলোং!”

প্রেরিত্‌ 4:17

মাত্তর্ মানুচ্চুনো ইধু যেন কধাগান আরঅ ছিদি ন-পরে সেনত্তে এ মানুচ্চুনোরে দর্ দেগা পুরিবো, যেন তারা কাররেয়ো যীশু পৌইদ্যেনে আর কনঅ কধা ন-কন্।”

প্রেরিত্‌ 4:22

যে মানুচ্চো আমক্ অইদ্যে ধোক্ক্যেন গুরি গম্ ওইয়্যে তা বয়স্‌চান এলঅ চল্লিশ বজরত্তুন্অ বেশ্।

প্রেরিত্‌ 5:13

যুনিয়ো মানুচ্চুনে তারারে অমকদ সর্মান গুরিদাক্ তো আর কনজনে তারা সমারে মিজেবাত্তে সাহচ্‌ ন-গুরিলাক্।

প্রেরিত্‌ 5:26

সেক্কে চাগর নেতাবো তা তলেদি চাগরুনোরে নেযেইনে দিপাধেয়্যে প্রচারক্কুনোরে ধুরি আনিলো। মাত্তর্ মানুচ্চুনে সেই চাগরুনোরে পাত্তর্ মারি পারন্ সেই দরে তারা দিপাধেয়্যে প্রচারক্কুনো উগুরে কনঅ জোরাজোরি ন-গরন্।

প্রেরিত্‌ 5:40

সেক্কে গমলীয়েল কধালোই নেতাগুনে একমত অলাক্। তারা দিপাধেয়্যে প্রচারক্কুনোরে ভিদিরে ডাগি আনিনে বেত্ মারিবাত্তে উগুম দিলাক্। সে পরেদি তারা তারারে ইরি দিলাক্ আর উগুম দিলাক্ যেন তারা যীশু পৌইদ্যেনে কনঅ কধা ন-কন্।