প্রেরিত্‌ 4:17 - Chakma Bible

¹⁷ মাত্তর্ মানুচ্চুনো ইধু যেন কধাগান আরঅ ছিদি ন-পরে সেনত্তে এ মানুচ্চুনোরে দর্ দেগা পুরিবো, যেন তারা কাররেয়ো যীশু পৌইদ্যেনে আর কনঅ কধা ন-কন্।”

প্রেরিত্‌ 4:17 Iomraidhean Croise

যিরমিয় 38:4

সেক্কে রাজার চাগরুনে রাজারে কলাক্, “এ মানুচ্চোরে মারে ফেলানা উজিত্। যিদুক্কুন সৈন্য আর মানুচ্ এ শঅরত্ আগন্ তে এই কধানি কোইনে তারারে আমক্ গুরি দের্। তে এ মানুচ্চুনোর ভালেদি ন-চেইনে অমংগল চার্।”

আমোষ 2:12

মাত্তর্ তুমি সেই নাসরীয়গুনোরে আংগুর-রস হাবেইয়ো আর ভাববাদী ইজেবে কধা ন-কবাত্তে ভাববাদিগুনোরে উগুম দুয়ো।

মথি লেখ্যে গম্ হবর্ 27:64

সেনত্তে উগুম গর্ যেন তিন্ দিন সং গৌর্‌বো চুগি দিয়্যে অয়। ন অলে তা শিচ্চ্যগুনে অয়ত এইনে তা কিয়্যেগান্ চুর্ গুরি নেযেইনে মানুচ্চুনোরে কবাক্, ‘তে মরণত্তুন্ জেদা ওই উঠ্যে।’ সালে পত্তম্ ছলনাত্তুন্ শেজ্ ছলনাগান্ আরঅ ভান্ন্যেই অবঅ।”

মথি লেখ্যে গম্ হবর্ 9:30

আর তারার্ চোগ্‌কুন মিলি গেলঅ। যীশু অমকদ কড়াগুরিনে তারারে কলঅ,

যোহন 15:21

তারা মত্যে তমা উগুরে ইয়েনি বেক্কানি গুরিবাক্, কিয়া যে মরে দিপাধেয়্যে তারা তারে ন-চিনোন্।

প্রেরিত্‌ 4:21

সেক্কে তারা পিতর আর যোহনরে আরঅ দর্‌বুক্ লাগেইনে ইরি দিলাক্। মানুচ্চুনো দরে তারা ঠিগ্ গুরি ন-পাত্তন্ কেধোক্ক্যেন্ গুরি তারারে সাজা দিয়্যে যায়, কিয়া যিয়েন ঘোট্যে সিয়েনত্যে বেক্‌ মানুচ্চুনে গোজেনরে বাঈনী গুরিলাক্।

প্রেরিত্‌ 5:24

এ কধাগান শুনিনে উবোসনা-ঘরর্ আজল্ চাগর্‌বো আর আজল্ ধর্মগুরুগুনে বুদ্ধি-আরা ওইনে ভাবদন্ ইয়েনর ফল্ কি অবঅ।

প্রেরিত্‌ 5:28

“সে মানুচ্চো পৌইদ্যেনে শিক্ষ্যে ন-দিবাত্যে আমি তমারে কড়া উগুম দিয়্যেই, মাত্তর্ তুমি তমা শিক্ষ্যেলোই যিরূশালেমান্ পুরেইয়ো আর সে মানুচ্চোর্ মরণত্যে আমারে দায়ী গুরিবাত্তে চর্।”

ইফিষীয় 6:9

তুমি যিগুনে গিরোজ্, তুমিয়ো তমার চাগরুনো উগুরে ঠিগ্ সেবাবোত্যে বেবহার গরঅ। তারারে দর্‌বুগ্ দেগানা বাদ্ দুয়ো, কিয়া তুমি দঅ কোই পারঅ যে, তারার্ আর তমার একই প্রভু আর তে স্বর্গত্ আঘে; তা চোগেদি বেক্কুনে সং সং।

১ থিষলনীকীয় 1:8

বানা ম্যাসিডোনিয়া আর আখায়া রেজ্যত্ যে তমাত্তুন্ প্রভুর কধানি ছিদি পোজ্জ্যে এমন নয়, মাত্তর্ গোজেন উগুরে তমার বিশ্বেজর্ কধায়ো বেক্‌ জাগানিত্ যেইনে লুম্মেগোই। এ পৌইদ্যেনে আমার্ কিচ্চু কনা দরকার নেই,

১ পিতর 2:23

মান্‌জ্যে তারে যেক্কে অগমান গোজ্জ্যন্ সেক্কে তে তারারে ফিরিনে অগমান ন-গরে, আর দুঘ্ ভুগোনার সময়োত্ হেনা সুজিবার দর্‌‌অ ন-দেগায়, বরং যিবে ন্যায় বিচের গরে তা আঢত্ তে নিজোরে ইরি দিয়্যে।