প্রেরিত্‌ 4:13 - Chakma Bible

¹³ পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

প্রেরিত্‌ 4:13 Iomraidhean Croise

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

মথি লেখ্যে গম্ হবর্ 26:71

ইয়েনর্ পরেদি পিতরে বারেদি গেদো কুরে গেলঅ। তারে দেগিনে আর এক্কো চাগরানীয়ে সিদুগোর্ মানুচ্চুনোরে কলঅ, “এ মানুচ্চো নাসরদত্ যীশু সমারে এলঅ।”

মথি লেখ্যে গম্ হবর্ 26:73

যে মানুচ্চুনে সিয়েনত্ থিয়্যেই এলাক্ তারা হানক্কণ্ পরেদি পিতররে এইনে কলাক্, “হামাক্কায় তুই সিগুনোত্তুন্ একজন; তঅ কধানিয়ে তরে ধুরি দের্।”

যোহন 19:26

যীশু তা মারে আর যে শিচ্চ্যবোরে কোচ্‌পেদঅ তারে থিয়্যেই থাগদে দেগিলো। পত্তমে তে তা মারে কলঅ, “উইয়ো চাহ্, তঅ পুয়োবো।”

যোহন 7:15

“এ মানুচ্চো কনঅ শিক্ষ্যে ন-পেইনে কিবাবোত্যেগুরি ইয়েনি পৌইদ্যেনে কোই পারে?”

যোহন 7:49

মাত্তর্ এই যে সাধারণ মানুচ্চুন্, ইগুনে দঅ মোশির রীতি-সুদোম ন-জানন্; ইগুনো উগুরে অভিশাব্ আঘে।”

প্রেরিত্‌ 4:14

যে মানুচ্চো গম্ ওইয়্যে তারে পিতর আর যোহন সমারে থিয়্যেই থাগদে দেগিনে তারার্ উল্লোমী গুরি কবার্ আর কিচ্চু ন-থেলঅ।

প্রেরিত্‌ 4:19

জোবত্ পিতর আর যোহনে কলাক্, “তমা উগুমানি পালেবং, না গোজেনর্ উগুম্ পালেবং? গোজেন চোগেদি কুবোন্ ঠিগ্, তুমি সিয়েন বিচের্ গুরি চঅ।

প্রেরিত্‌ 4:29

আর ইক্কিনে, ও প্রভু, ইগুনে আমারে কেধোক্ক্যেন গুরি দর্ দেগাদন্, সিয়েন তুই খিয়েল্ গর্। তঅ চাগরুনোরে এমন খেমতা দে যাতে খুব সাহস গুরিনে তারা তঅ কধানি কোই পারন্।

প্রেরিত্‌ 4:31

যে জাগানত্ তারা এগত্তর্ ওইয়োন, তবনা গরানার্ পরেদি সে জাগায়ান গির্‌গিরে উদিলো। আর তারা বেক্কুনে পবিত্র আত্মালোই পুরেইনে সাহচ্‌ গুরিনে গোজেনর কধা কুয়ো ধুরিলাক্।

প্রেরিত্‌ 9:27

মাত্তর্ বার্ণবা তারে সমারে গুরি দিপাধেয়্যে প্রচারক্কুনো ইধু নেযেইনে তারারে জানেল, দামেস্কর্ পধত্ শৌলে কেধোক্ক্যেন্ গুরি প্রভু যীশুরে দেগিলো আর প্রভু তা সমারে কেধোক্ক্যেন গুরি কধা কোইয়্যে, আর দামেস্কত্ যীশু পৌইদ্যেনে তে কেধোক্ক্যেন্ গুরি সাহজ্ গুরিনে প্রচার গোজ্জ্যে।

প্রেরিত্‌ 9:28

ইয়েন পরেদি শৌলে যিরূশালেমত্ শিচ্চ্যগুনো সমারে থেলঅ আর তারা সমারে আঢাউদো গুরিদো আর প্রভু পৌইদ্যেনে সাহচ্‌ লোইনে প্রচার গুরি বেড়েদ।

১ করিন্হীয় 1:27

মাত্তর্ জগদ্‌তানে যিয়েনরে মূর্খতা বিলি মনে গরে গোজেনে সিয়েনই বেঈ লোইয়্যে যেন জ্ঞানীগুনে লাজান্। জগদ্‌তানে যিয়েনরে খেমতা নেইয়্যে মনে গরে গোজেনে সিয়েনই বেঈ লোইয়্যে যেন যিয়েন খেমতাবলা সিয়েন খেমতানেইয়্যে অয়।

১ করিন্হীয় 14:25

সেক্কে তা মনত্ গুমুরো বেপারানি নিগিলি এবঅ, আর তে সেক্কে মাদিত্ মাঢা নিগিরিনে গোজেনরে বাঈনী গুরিনে কবঅ, “ঘেচ্চ্যেকগুরি, গোজেনে তমা ভিদিরে আঘে।”

২ করিন্হীয় 3:12

আমার্ এবাবোত্যে আজা আঘে বিলিনে আমি খুলোখুলি গুরি কধা কোই।