প্রেরিত্‌ 3:13 - Chakma Bible

¹³ অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

প্রেরিত্‌ 3:13 Iomraidhean Croise

যাত্রা 3:13

সেক্কে মোশি গোজেনরে কলঅ “মাত্তর্‌ মুই যেইনে ইস্রায়েলীয়গুনোরে যেক্কে কোম্‌ তারার্‌ পুরোণি মানুচ্চুনোর্‌ গোজেনে মরে তারা ইধু পাদেয়্যে, সেক্কে তারা দগেনলে মরে পুযোর্‌ গুরিবাক্, ‘তা নাঙান্‌ কি?’ সে সময়োত্‌ মুই তারারে কি জোব্ দিম?”

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

মথি লেখ্যে গম্ হবর্ 20:19

তারা তা বিচের্ গুরিনে তারে মরণর যোগাজ্যে বিলি থির্ গুরিবাক্। তারা তারে ঠাট্টা-মশকারী গুরিবাক্ আর চাবুক্ মারিবাক্ আর ক্রুশোত্ দিবাত্তে অযিহূদীগুনো আঢত্ দিবাক্; পরেদি তিন দিনোত্ তে মরণত্তুন্ জেঈ উদিবো।”

মথি লেখ্যে গম্ হবর্ 22:32

সিয়েনত্ লেগা আঘে, ‘মুই অব্রাহামর্ গোজেন, ইস্‌হাকর্ গোজেন আর যাকোবর্ গোজেন।’ মাত্তর্ গোজেনে দঅ মরাগুনোর্ গোজেন নয়, তে জেদাগুনোর্ গোজেন।”

মথি লেখ্যে গম্ হবর্ 27:2

তারা যীশুরে বানি নেযেইনে রোমীয় আজল্ শাসনগুরিয়্যে পীলাত আঢত্ দিলাক্।

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

মার্ক 15:11

মাত্তর্ আজল্ ধর্মগুরুগুনে মানুচ্চুনোরে খাট্যেয়োন্ যেন তারা যীশুর বদলে বারাব্বারে মাগি লন্।

লূকে লেখ্যে গম্ হবর্ 22:57

পিতর অস্বীগের্ গুরিনে কলঅ, “মুই তারে ন-চিনোং।”

লূকে লেখ্যে গম্ হবর্ 23:4

সেক্কে পীলাতে আঝল্ ধর্মগুরুগুনোরে আর বেক্ মানুচ্চুনোরে কলঅ, “মুই দঅ এ মানুচ্চোর্ কনঅ দুচ্‌ ন-দেগঙর্।”

লূকে লেখ্যে গম্ হবর্ 6:37

“অন্যগুনোর দুষ্ ধুরিবাত্তে ন-নিগিল্ল্য, সেক্কে তমারেয়ো দুষি ধরা ন-অবঅ। অন্যগুনোরে সাজা পেবার্ যগাজ্যে বিলি মনে গরা ন-অবঅ। অন্যগুনোরে খেমা গরঅ, সেক্কে তমারেয়ো খেমা গরা অবঅ।

যোহন 12:16

যীশুর্ শিচ্চ্যগুনে পত্তমে ইয়েনি বুঝি ন-পারিলাক্। যেরেদি যীশুর্ মহিমাগান্ যেক্কে ফগদাং অলঅ সেক্কে তারার্ মনত্ পড়িলো পবিত্র বোইবোর্ সে কধাগান্ যীশু পৌইদ্যেনে লেগা ওইয়্যে। তারার্ আরঅ মনত্ পড়িলো মানুচ্চুনে যীশুত্যে ইয়েনি বেক্কানি গোজ্যন্।

যোহন 18:40

সেক্কে বেক্কুনে রঅ ছাড়িনে কলাক্, “তারে নয়, বারাব্বারে।” সেই বারাব্বা এক্কো ডাগেদ্ এলঅ।

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

যোহন 19:12

এ কধাগান্ শুনিনে পীলাতে যীশুরে ইরি দিবার্ চেষ্টা গরা ধুরিলো, মাত্তর্ যিহূদী নেতাগুনে রঅ ছাড়িনে কলাক্, “তুই যুনি এ মানুচ্চোরে ইরি দুয়োচ্ সালে তুই সম্রাট কৈসরর্ সমাজ্যে নয়। যে কেঅ নিজোরে রাজা বিলি দাবি গরে তে দঅ সম্রাট কৈসরর্ শত্রু।”

যোহন 19:15

সেক্কে তারা রঅ ছাড়িনে কলাক্, “দূর্ গর্, দূর্ গর্; তারে ত্রুুশোত্ দুয়ো।” পীলাতে তারারে কলঅ, “তমা রাজাবোরে কি মুই ত্রুুশোত্ দিম্?” আজল্ ধর্মগুরুগুনে জোব্ দিলাক্, “সম্রাট কৈসর বাদে আমার আর কনঅ রাজা নেই।”

যোহন 7:39

যীশু উগুরে বিশ্বেজ্ গুরিনে যিগুনে পবিত্র আত্মাগানরে পেবাক্ সেই পবিত্র আত্মাগান পৌইদ্যেনে যীশু এ কধাগান কলঅ। পবিত্র আত্মাগানরে সেক্কেয়ো দিয়্যে ন-অয় কিয়া সেক্কেয়ো যীশু তা মহিমাগান্ ফিরি ন-পায়।

প্রেরিত্‌ 22:14

সেক্কে অননিয় কলঅ, আমা পূরোণি মানুচ্চুনোর গোজেনে তরে বেঈ লোইয়্যে যেন তুই তার্ আওজ্‌চানি জানি পারচ্, আর সেই ন্যায়বলা মানুচ্চোরে, অত্তাৎ যীশু খ্রীষ্টরে দেগচ্ আর তা মুয়ো কধানি শুনোচ্।

প্রেরিত্‌ 24:14

যিয়েন ওক্‌, এ কধাগান্ মুই তইধু স্বিগের্ গরঙর্ যে, যীশু খ্রীষ্টর্ পধতান্, যিবেরে তারা ধর্ম-বিরুদ্ধে পধ্ কন্, মুই সে পধেদি মর্ পুরোণি মানুচ্চুনোর গোজেন উবোসনা গুরি থাং। মোশির রীতি-সুদোম লগে যিয়েনির্ মিল্ আঘে সিয়েনি আর ভাববাদীগুনোর্ লেঘানি মুই বিশ্বেজ্ গরং।

প্রেরিত্‌ 3:12

শলোমন নাঙে যে বারান্দাগান এলঅ তারা সেক্কে সিয়েনত্ এলাক্। এ বেপারান্ দেগিনে পিতরে মানুচ্চুনোরে কলঅ, ইস্রায়েলীয়গুন, ইয়েন্দোই তুমি কিত্ত্যেই আমক্ অর্? আমা নিজো বল্লোই বা গোজেন উগুরে ভক্তির্ গুণে ইবেরে আঢিবার বলান্ দুয়োং মনে গুরিনে কিত্ত্যেই বা তুমি আমা ইন্দি রিনি চেই আঘঅ?

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”

প্রেরিত্‌ 4:27

“তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।

প্রেরিত্‌ 4:30

তঅ আঢ্‌তানি বাবেই দে যেন তর্ পবিত্র চাগর্ যীশুর নাঙে তারা মানুচ্চুনোরে গম্ গুরি পারন্ আর আমক্ অইদ্যে কাম্ আহ্ চিহ্নো-কাম গুরি পারন্।”

প্রেরিত্‌ 7:32

মুই তর্ পূরোণি মানুচ্চুনোর গোজেন-অব্রাহাম, ইস্‌হাক আর যাকোবর গোজেন। সেক্কে মোশি দরে গির্‌গিরা ধল্ল; রিনি চেবার্ সাহচ্‌ তার্ ন-অলঅ।

রোমীয় 9:5

গোজেনর্ দাঙর্ ভক্তগুনে তারার্ পুরোণি মানুচ্ এলাক্ আর মানুচ্ ইজেবে মশীহ তারা গুট্টিত্ জোর্মেয়্যে। তেয়ই গোজেন, যিবে বেক্কুনো উগুরে; বেক্ বাঈনীগান্ তার্। আমেন।

ইব্রীয় 2:9

মাত্তর্ যীশুরে দঅ আমি দেগির্। তারে স্বর্গদূত্‌তুনোত্তুন্ সামান্য নীজো গরা ওইয়্যে, যেন গোজেনর্ দোয়্যেই পত্তি মান্‌জ্যর পৌইদ্যেনে তে নিজেই মুরি পারে। তে দুঘে মোজ্জ্যে বিলি জিদেনার মালা ইজেবে বাঈনী আর সর্মান তারে দান গরা ওইয়্যে।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।