প্রেরিত্‌ 3:12 - Chakma Bible

¹² শলোমন নাঙে যে বারান্দাগান এলঅ তারা সেক্কে সিয়েনত্ এলাক্। এ বেপারান্ দেগিনে পিতরে মানুচ্চুনোরে কলঅ, ইস্রায়েলীয়গুন, ইয়েন্দোই তুমি কিত্ত্যেই আমক্ অর্? আমা নিজো বল্লোই বা গোজেন উগুরে ভক্তির্ গুণে ইবেরে আঢিবার বলান্ দুয়োং মনে গুরিনে কিত্ত্যেই বা তুমি আমা ইন্দি রিনি চেই আঘঅ?

প্রেরিত্‌ 3:12 Iomraidhean Croise

পত্থম 40:8

জোবত্‌ তারা তারে কলাক্, আমি দ্বিজনে এক্কান গুরি স্ববন দেক্ক্যেই, মাত্তর্‌ সিয়েন অত্তগান্‌ কোইদি পারন এবাবোত্যে মানুচ্‌ ইধু নেই। যোষেফে তারারে কলঅ, অত্তগান্‌ কোই দিবার্‌ খেমতা কি গোজেনর নেই? তমা স্ববনর্ কধাগান্‌ মরে কঅ ।

পত্থম 41:16

জোবত্‌ যোষেফে ফরৌণরে কলঅ, “সে খেমতাগান মর্‌ নেই। মাত্তর্‌ গোজেনে রাজা বাবুর্ স্ববনর্‌ অত্তগান্‌ কোই দিইনে তা মনান্‌ শান্ত-গুরিবো।”

যোহন 7:18

যে নিজোত্তুন্ কধা কয় তে তার্ নিজোর্ নাঙ্ ফুদেবার্ চেষ্টা গরে, মাত্তর্ যে দিপাধেয়্যে, কেঅ যুনি তার নাঙ্ ফুদেবার্ চেষ্টা গরে সালে তে সত্যবাদী আর তা মনত্ কনঅ ছলনা নেই।

প্রেরিত্‌ 13:26

ভেইলগ্, অব্রাহাম গুট্টিগুন্ আর গোজেনভক্ত অযিহূদীগুন, পাপত্তুন্ উদ্ধোরর্ এই যে হবরান্ সিয়েন আমা ইধু দিপাদা ওইয়্যে।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

প্রেরিত্‌ 3:11

মাত্তর্ ভিখেরিবো পিতর আর যোহনর পিজেত্তুন্ ন-লুড়িলো। মানুচ্চুনে পিতরর্ সেই কামত্ আমক্ ওইনে তারা ইধু ধাবা ধাবা এলাক্।

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

রোমীয় 11:1

মুই সালে পুযোর্ গরং, গোজেনে কি তা মানুচ্চুনোরে এলাফেলা গোজ্জ্যে? কনদিন্অ নয়। মুই নিজেই এক্কো ইস্রায়েলীয়, অব্রাহাম গুট্টির্ আর বিন্যামীন-গুট্টির্ মানুচ্‌।

রোমীয় 9:4

তারা দঅ ইস্রায়েল জাদর্ মানুচ্‌। গোজেনে তারারে পুয়ো ইজেবে অধিকার্ দিয়্যে, নিজোর্ মহিমা দেগেয়্যে, তারাত্যে বেবস্থা থিদেবর্ গোজ্জ্যে, রীদি-সুদোম দিয়্যে, তারে সেবা আর উবোসনার্ পধ্ গুরি দিয়্যে আহ্ বোউত্ এগেম্‌অ গোজ্জ্যে।

২ করিন্হীয় 3:5

মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

ফগদাং পেইয়্যে 7:13

সেক্কে এক্কো নেতা মরে কলঅ, “ধুব্ কাবড় উজ্জ্যে এ মানুচ্চুন কন্না? আর কুত্তুনই বা ইগুনে এচ্চ্যন্?”