প্রেরিত্‌ 27:6 - Chakma Bible

⁶ শত উগুরে সেনাপতিবো সিধু আলেক্‌জান্দ্রিয়ার্ এক্কান্ জাহাজ পেলঅ। সেই জাহাজ্‌চান ইটালী দেজত্ যার্ বিলিনে তে আমারে লোইনে সেই জাহাজ্‌চানত্ উদিলো।

প্রেরিত্‌ 27:6 Iomraidhean Croise

প্রেরিত্‌ 18:2

সিধু আকিলা নাঙে এক্কো যিহূদী সমারে তার্ দেগা অলঅ। পন্ত রেজ্যত্ আকিলার্ জর্ম ওইয়্যে। সম্রাট ক্লৌদিয় বেক্‌ যিহূদীগুনোরে রোম ছাড়ি যেবাত্যে উগুম্ দিয়্যে। সেনত্তে কয়েক্ দিন আগে আকিলা তা মোক্কো প্রিষ্কিল্লারে লোইনে ইটালিত্তুন্ করিন্থত্ এচ্চ্যে। পৌলে তারা ইধু গেলঅ।

প্রেরিত্‌ 18:24

এ ভিদিরে আপল্লো নাঙে এক্কো যিহূদী ইফিষত্ লুমিলো। আলেক্‌জান্দ্রিয়া শঅরত্ তার্ ঘর এলঅ। তে এক্কো গম্ কধা কোইয়্যে এলঅ আর পবিত্র বোইবো গমেডালে জানিদো।

প্রেরিত্‌ 27:1

জাহাজত্ গুরিনে আমারে ইটালীত নেযানা ঠিগ্ অলে পরেদি পৌল আরঅ কয়েক্কো বন্দীরে যুলিয় নাঙে এক্কো শত উগুরে সেনাপতি আঢত্ দিয়্যে অলঅ। যুলিয় এলঅ সম্রাটর নিজোর্ সৈন্যদলর্ এক্কো শত উগুরে সেনাপতি।

প্রেরিত্‌ 28:11

ইয়েনর্ তিন মাস পরেদি আমি এক্কান্ জাহাজত্ গুরি লদ্ দিলোং। জাহাজ্‌চান্ সেই দ্বীপোত্ জার্‌কাল্লো কাদেয়্যে। সিয়েন এলদে আলেক্‌জান্দ্রিয়া শঅরর্ জাহাজ আর তা মাঢাত্ যামা দেবেদার্ মূর্ত্তিবো নক্‌সা গোজ্যে এলঅ।

প্রেরিত্‌ 6:9

যে সমাজ ঘরানরে উদ্ধোর্-গোজ্যে মানুচ্চুনোর সমাজ-ঘর কুয়ো অদঅ সেই সমাজ-ঘরর্ কয়েক্কো মান্‌জ্যে স্তিফানর্ পিজেদি লাগিলাক্। তারা এলাক্ কুরীণী আর আলেক্‌জান্দ্রিয়া শঅরর্ আর কিলিকিয়া আহ্ এশিয়া রেজ্যর্ কয়েক্কো যিহূদী।