প্রেরিত্‌ 27:12 - Chakma Bible

¹² বন্দর্‌বো জার্‌কাল কাদেবার্ যগাজ্যে জাগা নয় বিলিনে বেশ্ ভাগ্ মান্‌জ্যে ঠিগ্ গুরিলাক্, সিয়েনত্তুন্ লদ্ দিইনে সম্ভব অলে ফৈণীকত্ যেইনে জার্‌কাল্লো কাদা অবঅ। ফৈণীক্‌কান এলদে ক্রীট দ্বীপর্ জাহাজ্ থামেবার জাগা। এ জাগানর্ দোগিণ-পজিমে আর উত্তর-পোজিমে খুলো-মেলা এলঅ।

প্রেরিত্‌ 27:12 Iomraidhean Croise

গীতসংহিতা 107:30

দোজ্যে সাগরান গুজুরোনি থামেলে তারা হুজি অলাক্; যে বন্ধরত্ তারা যেবাত্তে চেইয়োন সিদু তে তারারে নেযেল।

প্রেরিত্‌ 2:11

ক্রীট দ্বীপ মানুচ্চুন আর আরবীয়গুন-আমি বেক্কুনে দঅ আমার নিজো নিজো ভাষায় গোজেনর মহৎ কামর্ কধা তারারে কধে শুন্ন্যেই।”

প্রেরিত্‌ 27:13

পরেদি যেক্কে লারে লারে দোগিণো বৈয়্যের্ বাহ্ ধুরিলো সেক্কে তারা মনে গুরিলাক্ তারা যিয়েন চেয়োন্ সিয়েনই ওইয়্যে। ইয়েনত্তে তারা জাহাজর্ নোংগর্ তুলিনে ক্রীট দ্বীপর্ পারেদি গেলাক্।

প্রেরিত্‌ 27:21

মানুচ্চুনে ভালোক্ দিন ধুরিনে কিচ্চু ন-খান্ বিলি পৌলে তারা মুজুঙোত্ থিয়্যেইনে কলঅ, “চঅ, মঅ কধাগান্ শুনিনে ক্রীট দ্বীপত্তুন্ জাহাজ্‌চান ন-ছাড়ানা তমার্ উচিত্ এলঅ। সালে এ দযা আর ক্ষতিগানত্তুন্ তুমি রোক্ষ্যে পেদা।

প্রেরিত্‌ 27:7

আমা জাহাজ্‌চান্ ভালোক্ দিন ধুরিনে অমকদ লারে লারে চলিনে কনবাবদে ক্লীদোন্ শঅরর্ কায়কুরে লুমিলো, মাত্তর্ বৈয়্যেরানে আমারে আর্ উজেই যেবাত্তে ন-দিলো। সেক্কে আমি ক্রীত দ্বীপর্ যে ধাগেদি বৈয়্যের্ ন-এলঅ সেই ধাগেদি গুরিনে সল্‌মোনীর কায়-কুরেদি গেলং।

প্রেরিত্‌ 27:8

সাগর পার্ ধুরিনে কনবাবদে যেইনে আমি দোল্ বল্‌‌‌পেইয়্যে জাগা (পোতাশ্রয়) নাঙে এক্কান জাগাত্ লুমিলোং। সিয়েন কায়কুরে এলদে লাসেয়া শঅরান্।

তীত 1:12

তারার্ নিজোর এক্কো ভাববাদীয়ে এ কধাগান কোইয়্যেদে, “ক্রীট দ্বীবোর মানুচ্চুনে আজলে মিজে মাদিয়্যে, ঝার্‌বো য়েমান ধোক্ক্যেন, আল্‌সি আর পেদুক্।”

তীত 1:5

ক্রীট দ্বীবোত্ যে কামানি এজঅ সং আদ্‌ধান্ন্যেগুরি রোইয়্যে সিয়েনি ঠিগ্ গুরিবাত্যে মুই তরে ক্রীট দ্বীবোত্ থোই এচ্চ্যং। মুই তরে যে উগুমানি দুয়োং সেই মজিম পত্তি শঅর মন্ডলীর্ আজল্ নেতাগুনোরে কামত্ অদেঅদে রাগা।