প্রেরিত্‌ 26:9 - Chakma Bible

⁹ মুই নিজে বিশ্বেজ্ গত্তুং, নাসরত যীশুর্ বিরুদ্ধে যিয়েনি গরা যায় সিয়েনি বেক্কানি মর্ গরানা উচিত্,

প্রেরিত্‌ 26:9 Iomraidhean Croise

যোহন 15:21

তারা মত্যে তমা উগুরে ইয়েনি বেক্কানি গুরিবাক্, কিয়া যে মরে দিপাধেয়্যে তারা তারে ন-চিনোন্।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

প্রেরিত্‌ 22:4

যীশুর্ পধেদি যিগুনে আঢিদাক্ মুই তারারে অত্যেচার্ গুরিনে ভালোক্ জনরে মারে ফেলেদুং আর মরদ্ আর মিলেগুনোরে ধুরিনে জেলোত্ দিদুং।

প্রেরিত্‌ 22:8

মুই পুযোর্ গুরিলুং, প্রভু তুই কন্না? তে কলঅ, মুই নাসরতর্ যীশু, যিবে উগুরে তুই অত্যেচার্ গরর্।

প্রেরিত্‌ 24:5

“আমি দেক্ক্যেই এ মানুচ্চো এক্কো ফি-বলা; আমিযে তে যাগুলুগ্ বাজেই দি থায়। গোদা পিত্‌থিমীর্ যিহূদীগুনো ইধু তে যাগুলুগ্ বাজেই দিইনে বেড়ায়। তে নাসরতীয় নাঙে এক্কো ধর্ম-বিরুদ্ধ দলর্ নেতা।

প্রেরিত্‌ 3:17

ইক্কুনি ভেইলগ্, মুই কোই পারং তমা নেতাগুনো ধোক্ক্যেন্ তুমিয়ো ন-বুঝিনে যীশুরে ক্রুশোত্ দুয়ো।

প্রেরিত্‌ 3:6

সেক্কে পিতরে কলঅ, “মঅ ইধু সোনা-রূবো কিচ্চু নেই, মাত্তর্ যিয়েন আঘে সিয়েনই তরে দোঙর্। নাসরতর যীশু খ্রীষ্টর নাঙে উদিনে থিয়্যে আর আঢি বেড়া।”

প্রেরিত্‌ 9:1

ইন্দি শৌলে প্রভুর শিচ্চ্যগুনোরে মারে ফেলেব বিলি দর্ দেগার্। দামেস্ক শঅরর্ সমাজ-ঘরানিত্ দিবাত্যে তে দাঙর্ ধর্মগুরুবো ইধু যেইনে চিধিগান চেলঅ। যিদুক্কুন্ মান্‌জ্যে যীশুর পধেদি চলন্, তারা মরদ্ ওক্‌ কি মিলে ওক্‌, তারারে পেলে যেন তারারে বানিনে যিরূশালেমত্ আনি পারে সেই খেমতাগানত্তে তে সেই চিধিগান চেইয়্যে।

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

রোমীয় 10:2

তারা পৌইদ্যেনে মুই এ সাক্ষ্যগান্ দোঙর্, গোজেন উগুরে তারার্ অমকদ আওজ্ আঘে, মাত্তর্ কেধোক্ক্যেন্ গুরি গোজেনর্ মানি লোইয়্যে উয়ো যায় সিয়েন তারা হবর্ ন-পান্।

ফিলিপীয় 3:6

ধর্ম পৌইদ্যেনে মুই এমন্‌ একবুচ্চ্যে এলুং, খ্রীষ্ট মন্ডলী উগুরে মুই অত্যেচার্ গত্তুং; আর গোজেনর্ মানি লোইয়্যে অবার্ আজায় মোশির আইন-কানুন্ পালানা পৌইদ্যেনে কেঅ মরে বদ্‌নাঙ্ গুরি ন-পাত্তাক্।

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।

বিচের গুরিয়্যেগুন 6:30

সেক্কে তারা যোয়াশ ইদু যেইনে কলাক্‌, “তঅ পূঅবোরে নিগিলেনেই আন্‌। তাত্তুন্‌ মরা পুরিবো, কিত্তেই তে বাল দেবেদার ডালি পূজোবো ভাঙি ফেলেয়্যে আর তার কায়-কুরে আশেরা-খুঁদোবো কাবি ফেলেয়্যে।”