প্রেরিত্‌ 26:7 - Chakma Bible

⁷ আমা বারবো গুট্টির্ মানুচ্চুনে দিনে-রেদে মন্-পরাণ্ দিইনে গোজেনর্ সেবা গুরিনে সেই এগেমান্ দেগিবার্ আজায় আঘন্।

প্রেরিত্‌ 26:7 Iomraidhean Croise

ইষ্রা 6:17

গোজেনর্ ঘরান থিদেবর্ গুরিবাত্যে তারা একশত্ বলদ্ গোরু, দ্বিশত্ ভেড়া আর চেরশত্ ভেড়ার্ ছঅ উৎসর্গ গুরিলাক্। ইয়েনবাদে বেক্ ইস্রায়েলর পাপ-উৎসর্বত্যে ইস্রায়েলর্ গুট্টির মানুচ্ মজিম তারা বারবো ছাগল উৎসর্ব গুরিলাক্।

ইষ্রা 8:35

বন্দীদজাত্তুন্ ফিরি এচ্চ্যে মানুচ্চুনে ইস্রায়েলর গোজেনর্ নাঙে পুজ্যে-উৎসর্বর অনুষ্ঠান গুরিলাক্। তারা পুরো ইস্রায়েল জাদত্যে বারবো বলদ্, ছিয়েনব্বইবো ভেড়া, সাতাত্তুরবো ভেড়া ছঅ আর পাপ-উৎসর্বত্তে বারবো ছাগল দিলাক্। ইগুন বেক্কুন্ লগেপ্রভুর নাঙে পুজ্যে-উৎসর্ব ইজেবে দিয়্যে অলঅ।

মথি লেখ্যে গম্ হবর্ 19:28

যীশু তারারে কলঅ, মুই তমারে ঘেচ্চেকগুরি কঙর্, তুমি যিগুনে মঅ শিচ্চ্য ওইয়ো, নুয়ো সিরিষ্টিত্ যেক্কে মান্‌জ্য পুয়োবো তা সর্মানর্ সিংহাসনত্ বুজিবো সেক্কে তুমিয়ো বারগান্ সিংহাসনত্ বুজিবা আর ইস্রায়েলর্ বারবো গুট্টির বিচের্ গুরিবা।

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

লূকে লেখ্যে গম্ হবর্ 22:30

সেক্কে মঅ রেজ্যত্ তুমি মঅ সমারে হানা-দানা গুরিবা আর সিংহাসনত্ বৈইনে ইস্রায়েলর্ বারবো গুট্টির বিচের্ গুরিবা।

প্রেরিত্‌ 20:31

ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

প্রেরিত্‌ 24:15

তারা যেবাবোত্যে আজা গরন্ সেবাবোত্যে আমার্‌অ গোজেন উগুরে এ আজাগান্ আগেদে যে, গম্ বা বজং বেক্কুনোরে আরঅ জেদা গরা অবঅ।

প্রেরিত্‌ 26:2

ও রাজা আগ্রিপ্প, যিহূদীগুনে মরে যেদক্কানি দুষ্ দুয়োন্ সিয়েনি বিরুদ্ধে তঅ মুজুঙোত্ এচ্চ্যে মর্ নিজোর্ পক্ষে কধা কবার্ সুযোগ্ পেইয়োং বিলি মুই নিজোরে ভাগ্যত্তে মনে গরঙর্,

প্রেরিত্‌ 26:3

বিশেষ গুরিনে যেক্কে যিহূদীগুনোর্ সুদোম আর তর্কর্ বেপারানি তর্ গমেডালে জানা আঘে। ইয়েনত্তে ধৈজ্জ্য ধুরি মঅ কধানি শুনিবাত্যে মুই তরে বিশেষ্ গুরি কোজোলি গরঙর্।

প্রেরিত্‌ 28:20

ইয়েনত্যে মুই তমা সমারে দেগা গুরিবাত্তে আর কধা কবাত্তে চেইয়োং। ইস্রায়েল জাদর্ যে আজা আঘে সেই আজাগানত্তে মরে এ শিগোলান্দোই বানা ওইয়্যে।”

ফিলিপীয় 3:11

সেনত্যে যিয়েন অদঅ সাৎ মুই ঘেচ্চ্যেকগুরি মরণত্তুন্ জেদা ওই উদিম।

১ থিষলনীকীয় 3:10

আমি দিন-রেত্ গোজেন ইধু রিবেঙত্তুন্ কোজোলি গুরির্ যেন আমি তমারে চেই পারিই আর তমার বিশ্বেজ্ ভিদিরে যে অভাব আঘে সিয়েন পুরেই দি পারিই।

১ তীমথিয় 5:5

যে রাণী মিলেবোর্ কেঅ নেই তে গোজেন উগুরে আজা রাগেইনে দিন-রেত্ গোজেন ইধু তবনা আর কোজোলি গরানাত্ থায়।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।