প্রেরিত্‌ 26:3 - Chakma Bible

³ বিশেষ গুরিনে যেক্কে যিহূদীগুনোর্ সুদোম আর তর্কর্ বেপারানি তর্ গমেডালে জানা আঘে। ইয়েনত্তে ধৈজ্জ্য ধুরি মঅ কধানি শুনিবাত্যে মুই তরে বিশেষ্ গুরি কোজোলি গরঙর্।

প্রেরিত্‌ 26:3 Iomraidhean Croise

যিরমিয় 32:11

মুই দ্বিয়েন দলিল নিলুং-সুদোম আর শত্ত লেঘা সীলমহর্ গোজ্যে এক্কান আর সীলমহর্ ন-গোজ্যে আর এক্কান।

প্রেরিত্‌ 21:21

তারা হবর্ পেইয়োন, অযিহূদীগুনো ভিদিরে যিদুক্কুন্ যিহূদী থান্ তারারে তুই মোশির রীতি-সুদোম বাদ দিইনে চলিবাত্তে শিক্ষ্যে দি থাচ্, অত্তাৎ তুই তারার্ পুয়োগুনোরে চুনুগুলো মাঢাবো কাবিবাত্তে আর যিহূদীগুনোর্ চলেদে সুদোম্ পালেবাত্তে মানা গুরি থাচ্। ইক্কিনে আমি কি গুরিই।

প্রেরিত্‌ 24:10

সেক্কে আজল্ শাসনগুরিয়্যেবো পৌলরে ইজিরে দিলে পৌলে কুয়ো ধুরিলো, মুই কোই পারং, বেশ্ ভালোক্ বজর্ ধুরিনে তুই এই যিহূদী জাদর্ বিচের্ গুরি এজর্; সেনত্তে মুই অমকদ হুজি ওইনে নিজোর্ পক্ষে কধা কঙর্।

প্রেরিত্‌ 24:4

মাত্তর্ তর্ সময় যেন আর বর্‌বাদ্ ন-অয় ইয়েনত্তে মুই এ কোজোলিগান্ গরঙর্, তুই দোয়্যে গুরিনে আমা কধাগান্ শুন্। আমি এক্কেনা কধালোই বেক্কানি কবং।

প্রেরিত্‌ 25:26

মাত্তর্ দাঙর্ সম্রাট ইধু লেগেদে ধোক্ক্যেন্ এমন্ সঠিগ্ কিজু ন-পেলুং। সেনত্তে মুই তমা বেক্কুনো মুজুঙোত্, বিশেষ গুরি রাজা আগ্রিপ্প তঅ মুজুঙোত্ তারে আন্ন্যং যাতে তারে জেরা গুরিনে কিজু অন্তত: মুই লিগি পারং;

প্রেরিত্‌ 26:2

ও রাজা আগ্রিপ্প, যিহূদীগুনে মরে যেদক্কানি দুষ্ দুয়োন্ সিয়েনি বিরুদ্ধে তঅ মুজুঙোত্ এচ্চ্যে মর্ নিজোর্ পক্ষে কধা কবার্ সুযোগ্ পেইয়োং বিলি মুই নিজোরে ভাগ্যত্তে মনে গরঙর্,

প্রেরিত্‌ 26:26

রাজা দঅ ইয়েনি বেক্কানি হবর্ পায় আর মুই তা সমারে বেক্‌ কধানি খুলোমেলা গুরি কোই পারং। আর এ কধাগান্ মুই ঘেচ্চেকগুরি হবর্ পাং যে, ইয়েনির্ কিচ্চু তার্ অজানা নয়, কারন এ বেক্‌ ঘটনাগানি দঅ ঘুমুরোত্ ন-ঘদে।

প্রেরিত্‌ 26:7

আমা বারবো গুট্টির্ মানুচ্চুনে দিনে-রেদে মন্-পরাণ্ দিইনে গোজেনর্ সেবা গুরিনে সেই এগেমান্ দেগিবার্ আজায় আঘন্।

প্রেরিত্‌ 28:17

তিন দিন পরেদি পৌল সিধুগো যিহূদী নেতাগুনোরে ডাগিনে একসমারে এগত্তর্ গুরিলো। তারা এগত্তর্ অনার্ পরেদি পৌল তারারে কলঅ, “মঅ ভেইয়ুন, যুনিয়ো মুই আমা জাদর্ বিরুদ্ধে বা পূরোণি মানুচ্চুনোর সুদোম বিরুদ্ধে কিচ্চু ন-গরং, তো যিরূশালেমত্ মরে ধরা ওইয়্যে আর রোমীয়গুনো আঢত্ দিয়্যে ওইয়্যে।

প্রেরিত্‌ 6:14

আমি তারে এ কধাগান কধে শুন্ন্যেই, সেই নাসরত্ আদামর যীশু এ উবোসনা-ঘরান ভাঙি ফেলেব আর মোশি যে চলেদে সুদোমানি আমারে দি যেয়্যে সিয়েনিয়ো বুদুলি ফেলেব।”

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

দ্বি’লম্বর বিররণ 17:18

লেবীয়গুনো ভিদিরে যিগুনে ধর্মগুরু তারা ইদু রীদি-সুদোমর্ যে বোইয়ুন আগন্‌ সিংহাসনত্‌ বঝিবার অক্তত্‌ তাত্তুন্‌ সেই বোইয়ুনোত্তুন তার নিজোত্তে বেক্‌ রীদি-সুদোমানি এক্কো বোইয়োত্‌ নকল গুরি নেযা পুরিবো।