প্রেরিত্‌ 23:7 - Chakma Bible

⁷ তার্ এ কধাগান্দোই ফরীশী আর সদ্দূকীগুনো ভিদিরে কোল্-কোজ্জ্যে আরাম্ভ অলঅ। ইয়েন্দোই দাঙর্ তেম্মাঙ মানুচ্চুনে ভাগ্ ওই গেলাক্,

প্রেরিত্‌ 23:7 Iomraidhean Croise

গীতসংহিতা 55:9

ও প্রভু, তুই তারা উগুরে ভস্তগান্ আন্, তারার্ কধা বাত্তাত্ যাগুলুক্ বাজেই দে; মুই শঅরত্ মারামারি আর কোল্-কোজ্যে দেগঙর্।

মথি লেখ্যে গম্ হবর্ 10:34

মুই পিত্‌থিমীত্ শান্তি দিবাত্তে এচ্চ্যং এ কধাগান মনে ন-গোজ্য। মুই শান্তি দিবাত্তে ন-এজং বরং তলোয়ার দিবাত্তে এচ্চ্যং;

প্রেরিত্‌ 14:4

ইয়েন্দোই শঅর মানুচ্চুনে ভাগ্ ওই গেলাক্; কেঅ কেঅ যিহূদীগুনো পক্ষে, আরঅ কেঅ কেঅ দিপাধেয়্যেগুনো পক্ষে গেলাক্।

প্রেরিত্‌ 23:6

সেই দাঙর্ তেম্মাঙর্ এক দল যে সদ্দূকী আর অন্য দল অলঅ ফরীশী, এ কধাগান হবর্ পেইনে পৌলে দাঙর্ তেম্মাঙত্ রঅ ছাড়িনে কলঅ, “মর্ ভেইয়ুন, মুই এক্কো ফরীশী আর ফরীশীর পুয়ো। মর্ বিচের্ অর্ কিয়া মুই বিশ্বেজ্ গরং, মরাগুনে আরঅ জেদা ওই উদিবাক্।”

প্রেরিত্‌ 23:8

কারন সদ্দূকীগুনে কন্দে, “মরাগুনে আর্ জেদা ওই ন-উদিবাক্।” ইয়েন বাদে তারা আরঅ কন্, স্বর্গদূত্-অ নেই, কনঅ আত্মায়ো নেই; মাত্তর্ ফরীশীগুনে ইয়েনি বেক্কানি বিচ্চ্যেজ্ গরন্।