প্রেরিত্‌ 23:10 - Chakma Bible

¹⁰ সেই কোল্-কোজ্জ্যেগান্ এদক্ দাঙর্ অলঅ যে, আজল্ সেনাপতিবো দোরেলদে যে যুনি তারা পৌলরে কট্টা কট্টা গুরি ফেলান্। তে সৈন্যগুনোরে উগুম্ দিলো যেন তারা যেইনে মানুচ্চুনো আঢত্তুন্ পৌলরে ছাড়েই আনিনে কেম্পত্ নেযান্।

প্রেরিত্‌ 23:10 Iomraidhean Croise

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

গীতসংহিতা 7:2

সিয়েন ন-অলে সিংহ ধোক্ক্যেন গুরি তারা মরে ছিনি ফেলেবাক্; তারা মরে কট্টা কট্টা গুরি ফেলেবাক্, মরে বাজেবার্ কনজন ন-থেবাক্।

মীখা 3:3

তুমি মঅ মানুচ্চুনোর য়েরানি খর্, তারার্ চামাড়াগানি তুলি ফেলেইনে আড়ুন্ কট্টা কট্টা গুরি ভাঙর্; তুমি আড়ি ভিদিরে য়েরা ধোক্ক্যেন গুরি তারারে কট্টা কট্টা গুরি কাবর্।

প্রেরিত্‌ 21:37

সৈন্যগুনে পৌলরে লোইনে কেম্পত্ সোমেবাত্তে যেবাক্ এমন্ সময়োত্ পৌলে আজল্ সেনাপতিবোরে কলঅ, “তরে কি কিজু কোই পারিম্?” আজল্ সেনাপতিবো কলঅ, “তরে দেগঙত্তে গ্রীক ভাষা জানস্!

প্রেরিত্‌ 22:24

সেক্কে আজল্ সেনাপতিবো পৌলরে কেম্পত্ নেযেবার্ উগুম্ দিলো। কিত্ত্যে মানুচ্চুনে পৌল বিরুদ্ধে এবাবোত্যেগুরি রঅ ছাড়দন্ সিয়েন জানিবাত্তে তে তারে চাবুক্ মারিনে জেরা গুরিবাত্তে উগুম দিলো।

প্রেরিত্‌ 23:16

মাত্তর্ পৌল ভাগিনেবো এ কুজুরোমির্ কধাগান শুনিনে কেম্পত্ গেলঅ আর পৌলরে সেই হবরান্ জানেল।

প্রেরিত্‌ 23:27

“যিহূদীগুনে এ মানুচ্চোরে ধুরিনে প্রায় খুন্ গুরি ফেল্ল্যন্, মাত্তর্ মুই মঅ সৈন্যগুনোরে নেযেইনে তারে উদ্ধোর্ গুরি আন্ন্যং; কিয়া মুই কোই পারিলুং তে এক্কো রোমীয়।

প্রেরিত্‌ 23:28

পরেদি মুই জানিবাত্তে চেলুং কিত্ত্যে মান্‌জ্যে তারে দুষী গত্তন্। সেনত্তে তারার্ দাঙর্ তেম্মাঙ ইধু মুই তারে নেযেলুং।

প্রেরিত্‌ 23:32

তার্ কেল্যে তারা ঘোড়াবলা সৈন্যগুনো সমারে পৌলরে পাধেই দিইনে কেম্পত্ ফিরি গেলাক্।

২ করিন্হীয় 11:26

মুই বোউত্ দেশ্ ঘুজ্জ্যং। বান্, দাগেত্, নিজো জাদর্ মানুচ্‌ আর অযিহূদীগুনোত্যে মুই দজাত্ পোজ্জ্যং। সিয়েন বাদে শঅরত্, ধূল্যেচর-চাগালাত, সাগরত্ আর ভন্ড ভেইয়ুনো ইধুয়ো মুই দজাত্ পোজ্জ্যং।

যাকোব 1:19

মর্ কোচ্‌‌পেইয়্যে ভেইয়ুন্, মর্ এ কধাগান খিয়েল্ গরঅ-তুমি বেক্কুনে শুনিবাত্যে আওজি অ, মাত্তর্ যাদিমাদি গুরি কধা কবাত্যে ন-যেয়ো বা রাগ ন-গোজ্জ্য;

যাকোব 3:14

মাত্তর্ তমা রিবেঙানি যুুদি ইংসেলোই ভুরি উদে আর নিজো লুভে ভরা থায় সালে জ্ঞানর্ দেমাগ্ ন-দেগেয়ো, সত্যগানরে মিজে ন-বানেয়ো।