প্রেরিত্‌ 23:1 - Chakma Bible

¹ পৌলে সোজা দাঙর্ তেম্মাঙ মানুচ্চুনো ইন্দি রিনি চেইনে কলঅ, “মর্ ভেইয়ুন, মুই এচ্চ্যে সং গম্ বিবেক্ দিইনে গোজেনরে ভাবিনে মর্ কামানি পালেয়োং।”

প্রেরিত্‌ 23:1 Iomraidhean Croise

গম্ উপদেজ্ 28:1

কনজনে ন-লোড়েলেয়ো পাজি মান্‌‌জ্যে ধেই যান, মাত্তর্ গোজেন ভক্ত মান্‌‌জ্যে সিংহ ধোক্ক্যেন্ ন-দোরেয়্যেগুরি বজত্তি গরে।

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

প্রেরিত্‌ 22:1

“ভেইলগ্ আর বাব্‌‌লগ্, ইক্কিনে মুই মঅ নিজোর্ পক্ষে কধা কোম্, শুনো।”

প্রেরিত্‌ 22:30

যিহূদীগুনে কিত্ত্যে পৌলরে দুষ্ দেদন্ সিয়েন গমেডালে জানিবাত্তে তার্ কেল্যে আজল্ সেনাপতিবো পৌলরে বান্যেগান্ খুলি দিলো আর আজল্ ধর্মগুরুগুনোরে আহ্ দাঙর্ তেম্মাঙর্ মানুচ্চুনোরে এক সমারে মিলিবার উগুম দিলো। সে পরেদি তে পৌলরে আনিনে তারা মুজুঙোত্ থিয়্যেবাত্যে দিলো।

প্রেরিত্‌ 22:5

এ কধাগান্ যে সত্য, সিয়েনর্ সাক্ষী দাঙর্ ধর্মগুরু আর দাঙর্ তেম্মাঙর্ বেক্কুন্ । এমন্‌ কি, মুই তারাত্তুন্ দামেস্ক শঅরর্ ধর্ম নেতাগুনোরে দিবাত্যে চিধি নেযেয়োং আর সেবাবোত্যে মানুচ্চুনোরে বন্দী ইজেবে যিরূশালেমত্ আনিনে সাজা দিবাত্যে সিধু যাঙর্।

প্রেরিত্‌ 23:15

ইক্কিনে তুমি আর দাঙর্ তেম্মাঙর্ মানুচ্চুনে এ পৌইদ্যেনে আরঅ গমেদালে বিজিরে-চেবার্ নাঙে পৌলরে তমা মুজুঙোত্ আনিবাত্যে আজল্ সেনাপতিবো ইধু হবর্ পাধ। তে ইধু লুমিবার আগে আমি তারে শেজ্ গুরি ফেলেবাত্যে যুক্কোল্ ওই আঘিই।”

প্রেরিত্‌ 23:20

সেই গাবুজ্জ্যে পুয়োবো কলঅ, “যিহূদীগুনে ঠিগ্ গোজ্জ্যন্দে, পৌল পৌইদ্যেনে আরঅ গমেডালে হবর্ লবার্ নাঙে তারে এজেত্তে কেল্ল্যে দাঙর্ তেম্মাঙ মুজুঙোত্ নেযেবাত্যে তরে কোজোলি গুরিবাক্।

প্রেরিত্‌ 23:28

পরেদি মুই জানিবাত্তে চেলুং কিত্ত্যে মান্‌জ্যে তারে দুষী গত্তন্। সেনত্তে তারার্ দাঙর্ তেম্মাঙ ইধু মুই তারে নেযেলুং।

প্রেরিত্‌ 23:6

সেই দাঙর্ তেম্মাঙর্ এক দল যে সদ্দূকী আর অন্য দল অলঅ ফরীশী, এ কধাগান হবর্ পেইনে পৌলে দাঙর্ তেম্মাঙত্ রঅ ছাড়িনে কলঅ, “মর্ ভেইয়ুন, মুই এক্কো ফরীশী আর ফরীশীর পুয়ো। মর্ বিচের্ অর্ কিয়া মুই বিশ্বেজ্ গরং, মরাগুনে আরঅ জেদা ওই উদিবাক্।”

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

প্রেরিত্‌ 6:15

যিগুনে সেই দাঙর্ তেম্মাঙত্ বৈঈ এলাক্ তারা বেক্কুনে সেক্কে স্তিফান ইন্দি রিনি চেলাক্, তা মুয়োন এক্কো স্বর্গদূতো মুয়ো ধোক্ক্যেন্ ওই যেইয়্যে।

১ করিন্হীয় 4:4

মর্ বিবেক্‌কান্ সাব্, মাত্তর্ সিয়েন্দোই ইয়েন প্রমাণ ন-অত্তে যে, মুই নিদ্দুজি। প্রভু মর্ বিচের্ গুরিবো।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

২ তীমথিয় 1:3

মর্ পূরোণি মানুচ্চুনে যেবাবোত্যে গুরি গোজেনর্ সেবা গুরিদাক্ সেবাবোত্যে গুরি মুইয়ো গমেডালে গোজেনরে সেবা গুরি থাং; আর তত্যে দিনরেত্ আমিঝে তবনা গুরিবার্ অক্তত্ মুই তারে ভালেদি জানেই থাং।

ইব্রীয় 13:18

আমাত্যে তবনা গোজ্জ্য। বেক্কানি পৌইদ্যেনে আমি গমেডালে চলিবাত্যে চেই বিলিনে আমি কোই পারিই, আমা বিবেগ্‌‌কানি সাব্।

১ পিতর 3:16

তমা বিবেক্ সাব্ রাগঅ, যেন খ্রীষ্টর মানুচ্‌ ইজেবে তমার্ গম্ চালচলনত্ যিগুনে বদ্‌নাঙ্ গরন্ তারা তমারে নিন্দে গোজ্জ্যন বিলিনে লাজান্।