প্রেরিত্‌ 22:8 - Chakma Bible

⁸ মুই পুযোর্ গুরিলুং, প্রভু তুই কন্না? তে কলঅ, মুই নাসরতর্ যীশু, যিবে উগুরে তুই অত্যেচার্ গরর্।

প্রেরিত্‌ 22:8 Iomraidhean Croise

সখরিয় 2:8

বেগত্তুন খেমতাবলা লগেপ্রভু তার বাঈনীগান্ ফগদাং গুরিবাত্তে মরে সেই বেক্ জাদ্‌তুনো ইধু পাদেয়্যে যিগুনে তমারে লুদেয়োন। তে কত্তে, “যে কনজনে তমারে ধরন্ তে মর্ চোগো মানেক্কো ধরে।

মথি লেখ্যে গম্ হবর্ 2:23

আর নাসরত্ নাঙে এক্কান আদামত্ যেইনে বজত্তি গরা ধুরিলো। ইয়েন ঘুদিলো যেনে ভাববাদীগুনোরে দিইনে এই যে কধানি কুয়ো ওইয়্যে সিয়েনি পরিপূরোন্ অয়: “তারে নাসরতীয় বিলি ডাগা অবঅ।”

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

মথি লেখ্যে গম্ হবর্ 25:45

“জোবত্ তে তারারে কবঅ, ‘মুই তমারে ঘেচ্চেকগুরি কঙর্, তুমি যেক্কে এই সামান্য মানুচ্চুনো ভিদিরে কনঅ একজনত্তে সিয়েন্ ন-গরঅ সেক্কে সিয়েন্ মত্তেয়ো ন-গরঅ।’ ”

প্রেরিত্‌ 10:14

পিতরে কলঅ, “না, না, প্রভু, কনঅ বাবদে না। অপবিত্র বা অসিজি কনঅ কিজু মুই কনদিন্অ ন-হাং।”

প্রেরিত্‌ 22:7

মুই মাদিত্ পড়ি গেলুং আর শুনিলুং কন্না যেন মরে কত্তে, শৌল, শৌল, কিত্ত্যে তুই মঅ উগুরে অত্যেচার্ গরর্?

প্রেরিত্‌ 26:9

মুই নিজে বিশ্বেজ্ গত্তুং, নাসরত যীশুর্ বিরুদ্ধে যিয়েনি গরা যায় সিয়েনি বেক্কানি মর্ গরানা উচিত্,

প্রেরিত্‌ 3:6

সেক্কে পিতরে কলঅ, “মঅ ইধু সোনা-রূবো কিচ্চু নেই, মাত্তর্ যিয়েন আঘে সিয়েনই তরে দোঙর্। নাসরতর যীশু খ্রীষ্টর নাঙে উদিনে থিয়্যে আর আঢি বেড়া।”

প্রেরিত্‌ 4:10

সালে তুমি আর বেক্‌ ইস্রায়েলীগুন এ কধাগান ইদোত্ রাগঅ, নাসরতর সেই যীশু খ্রীষ্ট, যিবেরে তুমি ক্রুশোত্ দুয়ো আর যিবেরে গোজেনে মরণত্তুন্ জেদা গুরি তুল্ল্যে, তা বল্লোই এ মানুচ্চো পুরোপুরি গম্ ওইনে তমা মুজুঙোত্ থিয়্যেই আঘে।

প্রেরিত্‌ 6:14

আমি তারে এ কধাগান কধে শুন্ন্যেই, সেই নাসরত্ আদামর যীশু এ উবোসনা-ঘরান ভাঙি ফেলেব আর মোশি যে চলেদে সুদোমানি আমারে দি যেয়্যে সিয়েনিয়ো বুদুলি ফেলেব।”

১ করিন্হীয় 12:12

এক্কান্ কিয়্যের্ যেবাবোত্যে ভালোক্কানি ভাগ্ থায় আর সেই ভাগ্‌‌কানি ভালোক্কানি অলেয়ো যেবাবোত্যেগুরি বেক্কানি মিলিনে এক্কানগুরি কিয়্যে অয়, খ্রীষ্টয়ো ঠিগ্ সেবাবোত্যে।

১ শমূয়েল 8:7

সেক্কে লগেপ্রভু তারে কলঅ, “মানুচ্চুনে তরে যিয়েনি কদন্‌ তুই সিয়েনই গর্‌। তারা তরে এলাফেলা ন-গরন্‌, আজলে মরেই এলাফেলা গোজ্যন্‌ যেনে মুই তারা উগুরে রাজাগিরি ন-গরং।