প্রেরিত্‌ 22:10 - Chakma Bible

¹⁰ সেক্কে মুই কলুং, প্রভু, মুই কি গুরিম? প্রভু কলঅ, উঠ্, দামেস্কত্ যাহ্। তত্যে যিয়েন্ ঠিগ্ গুরি থুয়ো ওইয়্যে সিয়েন তরে সিধু কুয়ো অবঅ।

প্রেরিত্‌ 22:10 Iomraidhean Croise

প্রেরিত্‌ 10:33

সেনত্তে মুই সেক্কে তরে ডাগি আনিবাত্যে মানুচ্‌ পাধেলুং, আর তুমি এইনে গম্ ওইয়্যে। ইধু আমি বেক্কুনে ইক্কিনে গোজেন মুজুঙোত্ আঘিই। প্রভু তরে আমা ইধু যিয়েনি কবাত্তে উগুম দিয়্যে আমি সিয়েনি বেক্কানি শুনিবোং।”

প্রেরিত্‌ 16:30

সে পরেদি তে পৌল আর সীলরে বারেদি আনিনে পুযোর্ গুরিলো, “কধে চাং, পাপত্তুন্ উদ্ধোর্ পেবাত্যে মত্তুন্ কি গরা পুরিবো?”

প্রেরিত্‌ 2:37

এ কধাগান শুনিনে মানুচ্চুনে মনত্ আঘাত্ পেলাক্। তারা পিতর আর অন্য দিপাধেয়্যেগুনোরে পুযোর্ গুরিলাক্, “ভেইলগ, আমি কি গুরিবোং?”

প্রেরিত্‌ 22:11

মঅ সমাজ্জ্যেগুনে আঢ্‌‌‌তানি ধুরিনে মরে দামেস্কত্ নেযেলাক্, কিয়া সেই জোল্‌‌জোল্যে পহ্‌‌রান্দোই মুই কান্ ওই যেইয়োং। ‌‌

প্রেরিত্‌ 9:6

তে কলঅ, “মুই যীশু, যিবে উগুরে তুই অত্যেচার্ গরর্। ইক্কিনে তুই উদিনে শঅরত্ যাহ্, কি গরা পুরিবো সিয়েন তরে কুয়ো অবঅ।”