প্রেরিত্‌ 22:1 - Chakma Bible

¹ “ভেইলগ্ আর বাব্‌‌লগ্, ইক্কিনে মুই মঅ নিজোর্ পক্ষে কধা কোম্, শুনো।”

প্রেরিত্‌ 22:1 Iomraidhean Croise

লূকে লেখ্যে গম্ হবর্ 12:11

মান্‌‌জ্যে তমারে যেক্কে সমাজ ঘরত, শাসনগুরিয়্যে আর খেমতাবলা মানুচ্চুনো ইধু নেযেবাক্, সেক্কে কিবাবোত্যেগুরি নিজো পক্ষে কধা কবা বা কি জোব্ দিবা সে পৌইদ্যেনে চিদে ন-গোজ্য।

লূকে লেখ্যে গম্ হবর্ 21:14

তুমি ইক্কিনে মনে মনে ঠিগ্ গুরি ফেলঅ, সেক্কে নিজোর্ পক্ষে কধা কবাত্যে তুমি আগেত্তুন্ ধুরি যুক্কোল্ ন-অবা,

প্রেরিত্‌ 13:26

ভেইলগ্, অব্রাহাম গুট্টিগুন্ আর গোজেনভক্ত অযিহূদীগুন, পাপত্তুন্ উদ্ধোরর্ এই যে হবরান্ সিয়েন আমা ইধু দিপাদা ওইয়্যে।

প্রেরিত্‌ 19:33

যিহূদীগুনে আলেক্‌সান্দররে মুজুঙোত্ ঠিলি দিলে পরেদি কয়েক্কো মান্‌জ্যে তারে কোই দিলাক্ কি কুয়ো পরিবো। সেক্কে আলেক্‌সান্দরে মানুচ্চুনো মুজুঙোত্ নিজো পক্ষে কধা কবাত্যে আঢ ইজিরেলোই মানুচ্চুনোরে জুরো গুরিবাত্তে চেষ্টা গুরিলো।

প্রেরিত্‌ 23:1

পৌলে সোজা দাঙর্ তেম্মাঙ মানুচ্চুনো ইন্দি রিনি চেইনে কলঅ, “মর্ ভেইয়ুন, মুই এচ্চ্যে সং গম্ বিবেক্ দিইনে গোজেনরে ভাবিনে মর্ কামানি পালেয়োং।”

প্রেরিত্‌ 23:6

সেই দাঙর্ তেম্মাঙর্ এক দল যে সদ্দূকী আর অন্য দল অলঅ ফরীশী, এ কধাগান হবর্ পেইনে পৌলে দাঙর্ তেম্মাঙত্ রঅ ছাড়িনে কলঅ, “মর্ ভেইয়ুন, মুই এক্কো ফরীশী আর ফরীশীর পুয়ো। মর্ বিচের্ অর্ কিয়া মুই বিশ্বেজ্ গরং, মরাগুনে আরঅ জেদা ওই উদিবাক্।”

প্রেরিত্‌ 24:10

সেক্কে আজল্ শাসনগুরিয়্যেবো পৌলরে ইজিরে দিলে পৌলে কুয়ো ধুরিলো, মুই কোই পারং, বেশ্ ভালোক্ বজর্ ধুরিনে তুই এই যিহূদী জাদর্ বিচের্ গুরি এজর্; সেনত্তে মুই অমকদ হুজি ওইনে নিজোর্ পক্ষে কধা কঙর্।

প্রেরিত্‌ 25:16

মুই তারারে কলুং, কনঅ মান্‌জ্য বিরুদ্ধে যুনি কনঅ আবিত্তি গরা অয় সালে যিগুনে আবিত্তি গোজ্জ্যন্ তারা মুজুঙোত্ নিজোরে নিদ্দুজি বিলি প্রমাণ্ গুরিবার সুয়োগ ন-পানা সং তারে সাজা দিবার্ কধা রোমীয়গুনোর নুয়ো সুদোমত্ নেই।

প্রেরিত্‌ 25:8

সেক্কে পৌলে নিজোর্ পক্ষেদি এ কধাগান্ কলঅ, “মুই যিহূদীগুনোর্ রীতি-সুদোম বা উবোসনা-ঘর বা রোম-সম্রাটর্ বিরুদ্ধে কনঅ অন্যেয় ন-গরং।”

প্রেরিত্‌ 26:24

পৌলে এবাবোত্যেগুরি যেক্কে নিজো পক্ষে কধা কর্ সেক্কে ফীষ্ট তারে মানা গুরি রঅ ছাড়িনে কলঅ, “পৌল, তুই পাগল্ ওই যেয়োচ্। তুই বোউত্ পড়াশুনো গোজ্জ্যস্ আর সেই পড়াশুনোগানে তরে পাগল্ বানেয়্যে।”

প্রেরিত্‌ 28:17

তিন দিন পরেদি পৌল সিধুগো যিহূদী নেতাগুনোরে ডাগিনে একসমারে এগত্তর্ গুরিলো। তারা এগত্তর্ অনার্ পরেদি পৌল তারারে কলঅ, “মঅ ভেইয়ুন, যুনিয়ো মুই আমা জাদর্ বিরুদ্ধে বা পূরোণি মানুচ্চুনোর সুদোম বিরুদ্ধে কিচ্চু ন-গরং, তো যিরূশালেমত্ মরে ধরা ওইয়্যে আর রোমীয়গুনো আঢত্ দিয়্যে ওইয়্যে।

প্রেরিত্‌ 7:2

জোবত্ স্তিফানে কলঅ, ও মর্ ভেইয়ুন্ আর বাব্‌লগ্, মঅ কধাগান শুনো। আমা পূরোণি মানুচ্ অব্রাহামে হারণ শঅরত্ বজত্তি গুরিবার আগেদি যেক্কে মেসোপতেমিয়া দেজত্ এলঅ সেক্কে বাঈনী গুরিবার গোজেনে তারে দেগা দিইনে কোইয়্যেদে,

রোমীয় 2:15

ইয়েনত্ দেগা যায়, রীদি-সুদোম মজিম যিয়েন গরানা উজিত্ সিয়েন তারা মনত্ লেগা আঘে। তারার্ বিবেক্-অ সেই এক্কুই সাক্ষ্য দে। তারার্ চিন্তেগানিয়ে কনঅ কনঅ সময় তারারে দুষী গরে, আরঅ কনঅ কনঅ সময় তারা পক্ষেয়ো থায়।

১ করিন্হীয় 9:3

যিগুনে মর্ প্রচারক অনা পৌইদ্যেনে প্রশ্ন তুলোন্ তারা ইধু মর্ জোব্‌‌পান ইয়েন-

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

২ করিন্হীয় 7:11

চিন্তে গুরি চঅ, গোজেনে যেক্কে তমারে দুঘ্ দিয়্যে সেক্কে তুমি পিজেদি ন-পড়, সেক্কে নিদ্দুজি বিলিনে নিজোরে প্রমাণ গুরিবাত্যে তমার্ কদক্ আওজ্ ওইয়্যে, কদক্ চিন্তে-ভাবনা ওইয়্যে আর পাপর্ সাজা দিবাত্যে কদক্ আওজ্ ওইয়্যে। এবাবোত্যেগুরি বেক্কানিত্তুন্ তুমি প্রমাণ গুরিলেদে যে, সেই পৌইদ্যেনে তুমি নিদ্দুজি।

ফিলিপীয় 1:17

মাত্তর্ ঐ পত্তম দলর্ মানুচ্চুনে নিজোর স্বার্থত্যে খ্রীষ্ট পৌইদ্যেনে প্রচার গুরি থান্; কনঅ গম উদ্দেচ্চ্যলোই সিয়েন ন-গরন্। সিগুনে মনে গরন্, ইয়েন্দোই মর্ বন্দী অবস্থায় তারা মরে দুঘ্ দি পারিবাক্।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

২ তীমথিয় 4:16

পত্তম্‌বার যেক্কে মর্ বিচের ওইয়্যে সেক্কে কেঅ মরে এজাল ন-দুয়োন্, বরং বেক্কুনে মরে ফেলেই যেইয়োন; মাত্তর্ ইয়েন যেন তারা বিরুদ্ধে ধরা ন-অয়।

১ পিতর 3:15

বরং খ্রীষ্টরে তমা মন ভিদিরে প্রভু ইজেবে জাগা দুয়ো। তমার্ আজা-ভরসা পৌইদ্যেনে যুনি কেঅ পুযোর্ গরন্ সালে তারে জোব্ দিবাত্যে নিত্য যুক্কোল্ থেয়ো, মাত্তর্ ইয়েনর্ জোব্‌পান্ চিদে আর ভোক্তি গুরিনে দুয়ো।