প্রেরিত্‌ 21:9 - Chakma Bible

⁹ তার্ চের্‌বো গাবুজ্জ্যে ঝি এলাক্। সিগুনে মানুচ্চুনো ইধু ভাববাদী ইজেবে গোজেনর্ কধা কধাক্।

প্রেরিত্‌ 21:9 Iomraidhean Croise

২ রাজাবলী 22:14

এ কধাগান্‌ শুনিনে ধর্মগুরু হিল্কিয়, অহীকাম, অক্‌বোর, শাফন আর অসায় মিলে-ভাববাদী হুল্‌দা ইদু যেইনে তা লগে কধাবার্তা কলাক্‌। হুল্‌দা অলদে কাবড়-চুগোর্‌ রোক্ষ্যেগুরিয়্যে শল্লুমো মোগ্‌। শল্লূম অলদে হর্হসের নাদিন, অত্তাৎ তিক্‌বর পুয়ো। হুল্‌দা যিরূশালেমর দ্বিলম্বর্‌ ভাগত্‌ বজত্তি গুরিদো।

নহিমিয় 6:14

ও মর্‌ গোজেন, টোবিয় আর সন্‌বল্লটে যিয়েনি গোজ্যন্‌ সিয়েনি তুই মনত্‌ রাগা। মিলে-ভাববাদী নোয়াদিয়া আর বাদবাগি যিদুক্কুন্‌ ভাববাদীয়্যে মরে দোরেবাত্তে চেট্ট্যা গোজ্যন্‌ তারার্‌ কধানিয়ো মনত্‌ রাগেচ্‌।

যাত্রা 15:20

হারোণর বোন্নো মরিয়মে এলদে এক্কো মিলে-নবী। তে চিগোন্‌ ঢুল্‌ আঢত্‌ নেযেল, আর তার্‌ পিজে পিজে অন্য মিলেগুনেয়ো চিগোন্‌ ঢুল্‌ আঢত্‌ নেযেনে নাচ্যে নাচ্যে নিগিলি এলাক্‌।

যিহিষ্কেল 13:17

সে পরেদি লগেপ্রভু মরে কলঅ, ও মান্‌জ্যর্ পুয়োবো, তঅ জাদর্ যে মিলেগুনে ভাববাদী ইজেবে নিজোরে মনেমনজক্কা কধা কন্ ইক্কিনে তুই তারা বিরুদ্ধে থিয়্যে। তুই তারা বিরুদ্ধে এ কধানি কঅ,

যোয়েল 2:28

সে পরেদি মুই বেক্ মানুচ্চুনো উগুরে মঅ আত্মাগান ঢালি দিম। সেক্কে তঅ পুয়োগুনে আর ঝিগুনে ভাববাদী ইজেবে গোজেন কধা কবাক্, তমা বুড়ো মানুচ্চুনে স্ববন দেগিবাক্ আর তমা গাবুজ্যেগুনে দর্শন পেবাক্।

লূকে লেখ্যে গম্ হবর্ 2:36

সে অক্তত্ হান্না নাঙে এক্কো মিলে-ভাববাদী এলঅ। তে আশের গুট্টির পনূয়েল ঝি। তার্ বোউত্ বয়স ওইয়্যে। সাত বজর্ নেগ সমারে ঘর্ গরানার্ পরেদি চুরোশি বজর্ বয়জ সং তে রানি মিলের্ জিংকানি কাদেয়্যে। উবোসনা-ঘর্ ফেলেইনে তে কনত্তে ন-যেদঅ বরং উবোস আর তবনা গুরিনে দিন-রেত্ গোজেনর সেবা গুরিদো।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 2:17

শেচ্‌ কালত বেক্‌ মানুচ্চুনো উগুরে মুই মঅ আত্মাগান ঢালি দিম্; সেক্কে তমা পুয়োগুনে আর ঝিগুনে ভাববাদী ইজেবে গোজেন কধা কবাক্, তমা গাবুজ্যেগুনে দর্শন পেবাক্, তমা বুড়ো মানুচ্চুনে স্ববন্ দেগিবাক্।

১ করিন্হীয় 7:38

সালে দেগা যায়, যে তা ঝিবোরে বৌ দে তে গম্ কাম্ গরে, আর যে তারে বৌ ন-দে তে আরঅ গম্ কাম গরে।

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।

বিচের গুরিয়্যেগুন 4:4

সে সময়োত্‌ লপ্পীদোতর মোক্কো দবোরা এক্কো মিলে-ভাববাদী এলঅ‌। তেয়ই সেক্কে ইস্রায়েলীয়গুনোরে শাজন্ গুরিদো।