প্রেরিত্‌ 21:5 - Chakma Bible

⁵ মাত্তর্ সেই দিনুন্ বিদি গেলে পরেদি আমি তারারে ফেলেইনে আমা পধ্‌থানদি লদ্ দিলোং। বেক্ শিচ্চ্যগুন আর তারা মোগ্‌কুন আহ্ ঝি-পুয়োগুনে আমা লগে লগে শঅর বারেদি এলাক্। যেরেদি সাগর পারত্ আমি আঢু পাড়িনে তবনা গুরিলোং।

প্রেরিত্‌ 21:5 Iomraidhean Croise

১ রাজাবলী 8:54

লগেপ্রভু ইদু এ তবনাগান্ আর কোজোলিগানি থুম্‌ গরানার পরেন্দি শলোমন লগেপ্রভুর ডালিপূজোবোর্‌ মুজুঙোত্তুন্‌ উদিলো; এদক্ষণ সং তে আদু পাড়িনে স্বর্গ ইন্দি আঢ্ বাড়েয়্যে এলঅ।

২ বংশধর 20:13

সে অক্তত্‌ যিহূদার বেক্‌ মানুচ্চুনে তারার্‌ মোক্‌, ঝি-পুয়োগুনে আর চিগোন্‌ পুয়োগুনোরে লোইনে সিদু লগেপ্রভুর মুজুঙোত্‌ থিয়্যেই এলাক্‌।

নহিমিয় 12:43

গোজেনে তারারে বোউত্‌ হুজি দান গোজ্যে বিলিনে সেদিন্যে মানুচ্চুনে দাঙর্‌ এক্কো উৎসর্বর অনুষ্ঠান গুরিলাক্‌ আর অমকদ ফুুত্তি গুরিলাক্‌। তারার্‌ মিলেগুনে আর ঝি-পূঅগুনে ফুত্তি গুরিলাক্‌। যিরূশালেমর মানুচ্চুনোর এ হুজির্‌ রঅগুন্‌ বোউত্‌ দূরোত্তুন্‌ শুনো গেলঅ।

গীতসংহিতা 95:6

এজঅ, আমা মাঢাগুন্ নিগিরিনে তারে শ্রদ্ধা জানেই; আমা সিরিষ্টি গুরিয়্যে লগেপ্রভুর মুজুঙোত্ মাঢা নিগিরিই।

মথি লেখ্যে গম্ হবর্ 14:21

যিগুনে হেইয়োন্ তারা ভিদিরে মিলে আর চিগোন্ গুরো বাদে কমবেশ্ পাচ্ আজার্ মরদ এলাক্।

মার্ক 1:40

পরেদি এক্কো ফারাঙীবলা পিড়েল্ল্যে যীশু ইধু এইনে তা মুজুঙোত্ আঢু পাদিনে কলঅ, “তুই আয়োচ্ গুরিলে মরে গম্ গুরি পারচ্।”

লূকে লেখ্যে গম্ হবর্ 22:41

সে পরেদি যীশু শিচ্চ্যগুনোত্তুন্ এক্কেনা দূরোত্ যেইনে আদু পারিনে তবনা গরা ধল্ল,

প্রেরিত্‌ 15:3

আন্তিয়খিয়া মন্ডলী তারার্ যেবার্ বেবস্থা গুরি দিলাক্। ফৈনিকিয়া আর শমরিয়া রেজ্যর্ ভিদিরেদি যেবার্ অক্তত্ পৌল আর বার্ণবা মানুচ্চুনোরে জানেলাক্, অযিহূদীগুনে কেধোক্ক্যেন গুরি গোজেন ইন্দি ফিজ্জ্যন্। এ হবরান্ শুনিনে বিশ্বেজি ভেইয়ুন বেক্কুনে অমকদ হুজি অলাক্।

প্রেরিত্‌ 17:10

রেত্ অলে পরেদি বিশ্বেজি ভেইয়ুনে পৌল আর সীলরে বিরয়াত্ পাধেই দিলাক্। সিধু লুমিনে তারা যিহূদীগুনোর্ সমাজ-ঘরত গেলাক্।

প্রেরিত্‌ 20:36

এ কধাগান্ কনার্ পরেদি পৌলে বেক্কুনো সমারে আদু পাড়িনে তবনা গুরিলো।

প্রেরিত্‌ 20:38

পৌলর্ মুয়োন্ আর্ তারা ন-দেগিবাক্, বিশেষ গুরিনে এ কধাগানত্যে তারা অমকদ মনত্ দুঘ্ পেলাক্। ইয়েনর্ পরেদি তারা তা লগে লগে জাহাজ্‌চান সং গেলাক্।

প্রেরিত্‌ 9:40

সেক্কে পিতরে তারারে বেক্কুনোরে ঘরত্তুন্ নিগিলেই দিইনে আদু পারিনে তবনা গুরিলো। পরেদি সেই মরা মিলেবো ইন্দি ফিরিনে কলঅ, “টাবিথা, উঠ্।” সেক্কে দর্কা চোগ্‌কুন মেলিলো আর পিতররে দেগিনে উদিনে বলঅ।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

যিহোশূয় 8:35

মোশি এ পৌইদ্যেনে যেদক্কানি উগুম দিয়্যে তার এক্কো শব্দয়ো বাদ ন-দিইনে যিহোশূয় পুরো ইস্রায়েল সমাজরে সিয়েন পোড়েই শুনেল। এ সমাজ ভিদিরে মিলে, পূঅ-ঝি আর তারা ভিদিরে বজত্তি গোজ্যে অন্য জাদর্ মানুচ্চুনেয়ো এলাক্‌।