প্রেরিত্‌ 21:11 - Chakma Bible

¹¹ তে আমা ইধু এইনে পৌলর্ কমর্-বিজোনিগান্ খুলি নেযেল আর সিয়েন্দোই নিজো আঢ্-টেঙানি বানিইনে কলঅ, পবিত্র আত্মাগানে কোইয়্যেদে, যিরূশালেমর্ যিহূদীগুন এই কমর্-বিজোনির্ গিরোজ্‌সোরে এবাবোত্যেগুরি বানিবা আর অযিহূদীগুনো আঢত্ দিবা।

প্রেরিত্‌ 21:11 Iomraidhean Croise

১ রাজাবলী 22:11

সেক্কে কনানার পূঅ সিদিকিয় লুয়োর্‌ শিং বানেইনে এ কধাগান্‌ ফগদাঙ্‌ গুরিলো, “লগেপ্রভু কত্তে, অরামীয়গুনে শেজ্‌ ওই ন-যানা সং তুই ইয়েনিলোই তারারে খাত্যেবে।”

যিশাইয় 20:2

যে বজর তে আক্রমন গোজ্যে সে বজরত্ লগেপ্রভু আমোসর পুয়ো যিশাইয়রে কোইয়্যেদে, “তঅ কিয়্যেগানত্তুন্ বস্তা পাদা আর টেঙত্তুন্ জদা খুলি ফেলা।” সেনে যিশায়ই লাংটা ওইনে সুদো টেঙোই ঘুরি বেড়া ধুরিলো।

যিরমিয় 19:1

লগেপ্রভু কোইয়্যেদে, তুই যেইনে কুমর ইত্তুন এক্কো মাদির্ পিলে কিনি আন। তঅ লগে মানুচ্চুনোত্তুন্ কয়েক্কো বুড়ো নেতা আর বয়স ওইয়্যে ধর্মগুরুনোরে নেযা।

হোশেয় 12:10

মুই ভাববাদীগুনো ইধু কধা কোইয়োং, তারারে বোউত্ দর্শন দুয়োং আর তারা ভিদিরেদি রূপক অত্তে বোউত্ কধা কোইয়োং।”

যোহন 18:1

এ বেক্‌ কধানি কনার্ পরেদি যীশু তা শিচ্চ্যগুনো সমারে কিদ্রোণ নাঙে এক্কান কলগর্ উকুলে গেলাক্। সিধু এক্কান্ বাগান এলঅ। যীশু আর তা শিচ্চ্যগুনে সেই বাগানানত্ গেলাক্।

প্রেরিত্‌ 13:2

তারা যেক্কে উবোচ্‌ থেইনে প্রভুর উবোসনা গত্তন্ সেক্কে পবিত্র আত্মাগানে তারারে কলঅ, “বার্ণবা আর শৌলরে মুই যে কামানত্যে ডাক্কোং মর্ সেই কামানত্যে ইক্কিনে তারারে জুদো গরঅ।”

প্রেরিত্‌ 16:6

পবিত্র আত্মাগানে পৌল আর তা সমাজ্যেগুনোরে এশিয়া রেজ্যত্ প্রচার গুরিবাত্তে ন-দিলো। সেক্কে তারা ফরুগিয়া আর গালাতিয়া রেজ্যর্ বেক্‌ জাগানিত্ গেলাক্।

প্রেরিত্‌ 20:23

মুই বানা এ কধাগান্ হবর্ পাং, পবিত্র আত্মাগানে পত্তি শঅরত্ মরে এ কধাগান্ জানেই দেত্তে, মত্তুন্ জেলোত্ যাহ্ পড়িবো আর দুঘ্ পাহ্ পড়িবো।

প্রেরিত্‌ 21:33

সেক্কে আজল্ সেনাপতিবো এইনে পৌলরে বন্দী গুরিলো আর দ্বিয়েন শিগোল্লোই তারে বানিবার্ উগুম্ দিলো। সে পরেদি তে পুযোর্ গুরিলো, মানুচ্চো কন্না?

প্রেরিত্‌ 21:4

সিধুগোর্ শিচ্চ্যগুনোরে তোগেই পেইনে আমি তারা সমারে সাত দিন সং থেলং। সেই শিচ্চ্যগুনে পবিত্র আত্মালোই পৌলরে কোজোলি গুরিলাক্ যেন তে যিরূশালেমত্ ন-যায়।

প্রেরিত্‌ 22:25

যেক্কে পৌলরে চাবুক্ মারিবাত্যে বানা অলঅ, সেক্কে যে সেনাপতিবো সিধু থিয়্যেই এলঅ পৌলে তারে কলঅ, “যিবেরে দুষী বিলিনে এজঅ ঠিগ্ গরা ন-অয় এবাবোত্যে এক্কো রোমীয়রে চাবুক্ মারানা কি তমা পক্ষে আইন মজিম্ কাম্ অর্?”

প্রেরিত্‌ 24:27

দ্বি বজর্ পার্ ওই গেলে পরেদি ফীলিক্স জাগানত্ পর্কীয় ফীষ্ট এলঅ। ফীলিক্সে যিহূদীগুনোরে হুজী গুরিবাত্যে পৌলরে জেল্‌খানাত্ থোই গেলঅ।

প্রেরিত্‌ 26:29

পৌলে কলঅ, “সময় কম্ ওক্ বা বেশ্ ওক্, মুই গোজেন ইধু এ তবনাগান্ গরং যে, বানা তুই নয়, মাত্তর্ যিগুনে এচ্চ্যে মঅ কধানি শুন্ন্যন্ তারা বেক্কুনে যেন মঅ ধোক্ক্যেন্ অন্-বানা এই শিগোলান্ বাদে।”

প্রেরিত্‌ 28:17

তিন দিন পরেদি পৌল সিধুগো যিহূদী নেতাগুনোরে ডাগিনে একসমারে এগত্তর্ গুরিলো। তারা এগত্তর্ অনার্ পরেদি পৌল তারারে কলঅ, “মঅ ভেইয়ুন, যুনিয়ো মুই আমা জাদর্ বিরুদ্ধে বা পূরোণি মানুচ্চুনোর সুদোম বিরুদ্ধে কিচ্চু ন-গরং, তো যিরূশালেমত্ মরে ধরা ওইয়্যে আর রোমীয়গুনো আঢত্ দিয়্যে ওইয়্যে।

প্রেরিত্‌ 28:20

ইয়েনত্যে মুই তমা সমারে দেগা গুরিবাত্তে আর কধা কবাত্তে চেইয়োং। ইস্রায়েল জাদর্ যে আজা আঘে সেই আজাগানত্তে মরে এ শিগোলান্দোই বানা ওইয়্যে।”

প্রেরিত্‌ 28:25

পৌল কধালোই তারা ভিদিরে কধা মানা-মানি ন-অলঅ আর তারা সিয়েনত্তুন্ গেলাক্‌কোই। তারা যেবার্ আগেদি পৌলে কলঅ, পবিত্র আত্মাগানে ভাববাদী যিশাইয় মাধ্যমে তমা পূরোণি মানুচ্চুনো ইধু সত্য কধাগান কোইয়্যেদে যে,

প্রেরিত্‌ 8:29

সেক্কে পবিত্র আত্মাগানে ফিলিপরে কলঅ, “সে রথ্‌তান কুরে যাহ্ আর সিয়েন সমারে সমারে যাহ্।”

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

ইফিষীয় 3:1

ইয়েনত্যে মুই পৌল গোজেন ইধু তবনা গরঙর্। তুমি যিগুনে অযিহূদী তমাত্যে মুই খ্রীষ্ট যীশুর্ বন্দী ওইয়োং।

ইফিষীয় 4:1

প্রভুত্যে বন্দী অবস্থায় মুই তমা ইধু এ কোজোলীগান গরঙত্তে, গোজেনে যিয়েনত্যে তমারে ডাক্ক্যে সিয়েনর যগাজ্যে ওইনে চলঅ।

ইফিষীয় 6:20

এই গম্ হবরান্ প্রচারত্যে মুই শিগোলত্ বান্যে খেলেয়ো খ্রীষ্টর দূতোর্ কাম গরঙর্। তবনা গরঅ যেন জেলো ভিদিরে থেইনে যেবাবোত্যে গুরি সেই গম্ হবরান মর্ প্রচার গরানা উচিত সেবাবোত্যেগুরি সাহচ্ গুরিনে সিয়েন গুরি পারং।

১ তীমথিয় 4:1

পবিত্র আত্মাগানে গমেডালে কোইয়্যেদে, ভবিচ্চ্যদে কুদুক্কুন মানুচ্‌ খ্রীষ্টীয় ধর্ম-বিশ্বেজত্তুন্ সুরি যেবাক্ আর ছলনাগুরিয়্যে আত্মা আর ভান্ন্যেই আত্মাগুনোর্ শিক্ষ্যে ইন্দি মনানি দিবাক্।

২ তীমথিয় 2:9

আর এই গম হবরান ফগদাঙত্যে মুই দুঘ্ গরঙর্; এন্‌ কি, দুষি ধোক্ক্যেন মরে বানা ওইয়্যে। মাত্তর্ গোজেনর্ কধাগানিরে দঅ বানা ন-অয়।

ইব্রীয় 10:34

আর যিগুনে জেলোত্ যেয়োন তারার্ দুঘে দুঘী ওইয়োন। তমার পযাপিরানি লুট ওই যানাগান তুমি হুজি মনে মানি লোইয়ো, কিয়া তুমি কোই পারিদা যে, আরঅ গম আর থিদেবর্ ধন তমাত্যে আঘে।

ইব্রীয় 3:7

সেনত্যে পবিত্র আত্মাগানে কোইয়্যেদে, “আহ্, এচ্চ্যে যুনি তুমি তা কধালোই কান্ দুয়ো!

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।