প্রেরিত্‌ 20:4 - Chakma Bible

⁴ বিরয়াত্তুন্ পুর্হর পুয়ো সোপাত্র, থিষলনীকীত্তুন্ আরিষ্টার্খ আর সিকুন্দ, দর্বীত্তুন্ গাইয়, তীমথিয় আর এশিয়াত্তুন্ তুখিক আর ত্রফিমোত্ পৌল সমারে গেলাক্।

প্রেরিত্‌ 20:4 Iomraidhean Croise

প্রেরিত্‌ 14:20

মাত্তর্ যেরেদি খ্রীষ্ট বিশ্বেজিগুনে তা চেরোকিত্ত্যে এগত্তর্ অলে পরেদি তে উদিনে শঅরত্ ফিরি গেলাক্। তার্ কেল্যে তে আর বার্ণবা দর্বী শঅরত্ গেলাক্‌‌কোই।

প্রেরিত্‌ 14:6

মাত্তর্ পৌল আর বার্ণবা সিয়েন কোই পারিনে লুকায়নিয়া রেজ্য ভিদিরে লুস্ত্রা আর দর্বী শঅরত্ আর তার্ কায়-কুরে জাগানিত্ ধেই ধেই বেড়া ধুরিলাক্।

প্রেরিত্‌ 16:1

পরেদি পৌল দর্বী আর লুস্ত্রা শঅরত্ গেলাক্। সিয়েনত্ তীমথিয় নাঙে এক্কো শিচ্চ্য থেদঅ। তার মাবো এলঅ খ্রীষ্ট উগুরে বিশ্বেজি এক্কো যিদূদী মিলে, মাত্তর্ তা বাবে জাদে গ্রীক এলঅ।

প্রেরিত্‌ 16:6

পবিত্র আত্মাগানে পৌল আর তা সমাজ্যেগুনোরে এশিয়া রেজ্যত্ প্রচার গুরিবাত্তে ন-দিলো। সেক্কে তারা ফরুগিয়া আর গালাতিয়া রেজ্যর্ বেক্‌ জাগানিত্ গেলাক্।

প্রেরিত্‌ 17:1

পৌল আর সীল আম্‌ফিপলি আর আপল্লোনিয়া শঅর ভিদিরেন্দি থিষলনীকী শঅরত্ গেলাক্। সিধু যিহূদীগুনোর এক্কান্ সমাজ-ঘর এলঅ।

প্রেরিত্‌ 17:13

থিষলনীকীর্ যিহূদীগুনে যেক্কে শুনিলাক্ পৌলে বিরয়াত্ গোজেনর্ কধা ফগদাং গরের্ সেক্কে তারা সিধুয়ো গেলাক্ আর মানুচ্চুনোরে উচ্চোমি তুলি দিইনে যাগুলুগ্ বাজেই দিলাক্।

প্রেরিত্‌ 19:29

আর দেগদে ন-দেগদে গোদা শঅরান্ যাগুলুগে ভুরি গেলঅ। গাইয় আর আরিষ্টার্খ নাঙে ম্যাসিডোনিয়ার যে দ্বিজন মানুচ্‌ সেক্কে পৌল সমারে যাদন্ মানুচ্চুনে তারারে ধুরিলাক্ আর বেক্কুনে একসমারে তেম্মাঙত্ গেলাক্।

প্রেরিত্‌ 2:9

পার্থীয়, মাদীয়, এলমীয় মানুচ্‌ আর মেসোপতেমিয়াত্ বজত্তি গুরিয়্যে মানুচ্চুন, যিহূদীয়া আর কাপ্পাদকিয়া, পন্ত আর এশিয়া রেজ্যত্,

প্রেরিত্‌ 20:16

এশিয়া রেজ্যত্ পৌলর্ যাতে দেরি গরা ন-পরে সেনত্তে তে ঠিগ্ গোজ্জ্যেদে, তে ইফিষত্ ন-থামেইনে তা কায়-কুরেদি যেবগোই। যিরূশালেমত্ লুমিবাত্যে তে হিজেহিচ্চ্যে গুরিলো যেন সম্ভব অলে পঞ্চাশত্তমী দিনোত্ সিধু থেই পারে।

প্রেরিত্‌ 20:18

তারা সিধু লুমিলে পরেদি পৌলে তারারে কলঅ, এশিয়া রেজ্যত্ এজানার্ পরেদি পত্তম্ দিনোত্তুন্ ধুরি নিত্য তমা সমারে মুই কেধোক্ক্যেন্ গুরি কাদেয়োং সিয়েন দঅ তুমি হবর্ পঅ।

প্রেরিত্‌ 21:29

তারা এ কধাগান্ কলাক্ কিয়া তারা আগে ইফিষীয় ত্রফিমরে পৌল সমারে শঅরত্ দেক্ক্যন্। সেনত্তে তারা মনে গোজ্জ্যন্, পৌলে ত্রফিমরে উবোসনা-ঘরত্-অ আন্ন্যে।

প্রেরিত্‌ 27:2

আমি আদ্রামুত্তীয় বন্দরর্ এক্কান্ জাহাজত্ উদিনে লদ্ দিলোং। এশিয়ার্ নানান্ বন্দরত্ যেবাত্যে জাহাজ্‌চান্ যুক্কোল্ ওই এলঅ। ম্যাসিডোনিয়া রেজ্যর্ থিষলনীকী শঅরর্ আরিষ্টর্খ আমা সমারে এলঅ।

রোমীয় 16:21

মঅ সমারে যিবে কাম্ গরে সেই তীমথিয় তমারে ভালেদি জানার্; লুকিয়, যাসোন আর সোষিপাত্রয়ো তমারে ভালেদি জানার্। তারায়ো মঅ ধোক্ক্যেন্ যিহূদী জাদর্ মানুচ্।

রোমীয় 16:23

মুই যিবের্ ঘরত্ থাং আর মন্ডলী মানুচ্চুনে যিবে ঘরত্ এক সমারে এগত্তর্ অন্ সেই গাইয় তমারে ভালেদি জানার্। এ শঅরর্ টেঙা-পৌইজ্যের্ ইজেব্ রাগেবার ভারান্ যিবে উগুরে আঘে সেই ইরাস্ত আর আমা ভেই কার্ত তমারে ভালেদি জানাদন্।

২ করিন্হীয় 1:1

মুই পৌল গোজেনর্ আওজে খ্রীষ্ট যীশুর এক্কো প্রচারক্ ওইয়োং। মুই আর আমা বিশ্বেজি ভেই তীমথিয় করিন্থ শঅরর্ গোজেন মন্ডলী আর আখায়া রেজ্যর্ গোজেনর্ বেক্‌ মানুচ্চুনো ইধু এ চিধিগান্ লেগঙর্।

২ করিন্হীয় 1:19

যিবের্ কধা সীলবান, তীমথিয় আর মুই তমা ইধু প্রচার গোজ্জ্যেই সেই যীশু খ্রীষ্ট, গোজেনর্ পুয়ো, একই সময়োত্ অয় আর নয়;

ইফিষীয় 6:21

মুই কেধোক্ক্যেন আঘং আর মর্ দিনুন্ কেধোক্ক্যেন গুরি কাদাঙর্ সিয়েন কোচ্‌পেইয়্যে ভেই আর প্রভুর বিশ্বেজি সেবাগুরিয়্যে তুখিকত্তুন্ জানি পারিবা।

ফিলিপীয় 2:19

মুই আজা গরং, প্রভু যীশুর্ আওজ্ অলে মুই তীমথিয়রে যাদিমাদি তমা ইধু পাধেম, যেন তমার হবর্ পেইনে মুইয়ো উচ্চোমি পাং।

কলসীয় 4:10

মঅ সমারে বন্দী ভেই আরিষ্টার্খ আর বার্ণবার কুদুম্মো মার্কয়ো তমারে পাত্তুরু তুরু জানার্। মার্কর পৌইদ্যেনে তুমি দঅ আগেদি উগুম পেয়ো, তে যুনি তমা ইধু এজে সালে তারে আদর্ গুরিনে মানি লোইয়ো।

কলসীয় 4:7

আমা কোচ্‌পেইয়্যে ভেই আর বিশ্বেজি সেবাগুরিয়্যে আহ্ প্রভুর কামত্ আমার সমাজ্যে তুখিকে মর্ বেক্‌ হবরানি তমারে দিবো।

১ তীমথিয় 1:1

আমার উদ্ধোর্ গুরিয়্যে গোজেন আর খ্রীষ্ট যীশুর উগুমে মুই পৌল যীশু খ্রীষ্টর এক্কো দূত ওইয়োং। খ্রীষ্ট যীশু উগুরে আমার বেক্‌ আজাগান।

২ তীমথিয় 1:2

এ চিধিগান মুই মর্ কোচ্‌পেইয়্যে পুয়ো তীমথিয় ইধু লেগঙর্। বাবা গোজেন আর আমা প্রভু খ্রীষ্ট যীশু তরে দোয়্যে, বর্ আর শান্তি-দান গোরোক্।

২ তীমথিয় 4:12

মুই তুখিকরে ইফিষোত্ পাধেয়োং।

২ তীমথিয় 4:20

ইরাস্ত করিন্থত্ থেইয়্যে আর ত্রফিমরে মুই পিড়েল্ল্যে অবস্থায় মিলীতত্ থোই এচ্চ্যং।

তীত 3:12

মুই আর্তিমা বা তুখিকরে তঅ ইধু দি-পাধেলে তুই নীকপলিত্ মঅ ইধু এবাত্যে বিশেষ গুরিনে চেষ্টা গুরিচ্, কিয়া মুই নীকপলিত্ যার্‌কাল্লো কাদেম্ বিলিনে ঠিগ্ গোজ্জ্যং।

ফিলীমন 1:24

ইয়েন বাদে মার্ক, আরিষ্টার্খ, দীমা আর লূক-মর্ এ সমাজ্জ্যে গুনেয়ো তরে ভালেদি জানাদন্।

৩ যোহন 1:1

গোজেনর্ সত্যর্ কারনে মুই যিবেরে কোচ্‌পাং মর্ সেই পরাণর্ সমাজ্জ্যে গাইয় ইধু সেই বুড়ো নেতাবো মুই এ চিধিগান লেগঙর্।