প্রেরিত্‌ 2:41 - Chakma Bible

⁴¹ যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 2:41 Iomraidhean Croise

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

যোহন 14:12

মুই তমারে ঘেচ্চ্যেক্‌গুরি কঙর্, কেঅ যুনি মঅ উগুরে বিশ্বেজ্ গরে সালে মুই যেদক্কানি কাম্ গোজ্যং তেয়ো সিয়েনি গুরিবো। আর মুই বাবা ইধু যাঙর্ বিলি তে ইয়েনিত্তুন্ আরঅ দাঙর্ দাঙর্ কাম্ গুরিবো।

যোহন 21:11

শিমোন-পিতরে নগানত্ যেইনে জালান্ কুলো-চরত্ টানি আনিলাক্। একশ তিপ্পান্নবো দাঙর্ মাছে জালান্ ভরা এলঅ। যুনিয়ো এদক্ মাছ এলাক্ তো জালান্ ন-ফাদিলো।

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

প্রেরিত্‌ 13:48

অযিহূদীগুনে এ কধাগান শুনিনে হুজী অলাক্ আর প্রভুর্ কধানি বাঈনী গুরিলাক্; আর উমর্‌‌অ জিংকানি পেবাত্যে গোজেনে যিগুনোরে থিগ্ গুরি থোইয়্যে তারা বিশ্বেজ্ গুরিলাক্।

প্রেরিত্‌ 2:37

এ কধাগান শুনিনে মানুচ্চুনে মনত্ আঘাত্ পেলাক্। তারা পিতর আর অন্য দিপাধেয়্যেগুনোরে পুযোর্ গুরিলাক্, “ভেইলগ, আমি কি গুরিবোং?”

প্রেরিত্‌ 2:47

তারা নিত্য গোজেনরে বাঈনী গুরিদাক্ আর বেক্‌ মানুচ্চুনে তারারে সর্মান গুরিদাক্। যিগুনে পাপত্তুন্ উদ্ধোর্ পাদন্ প্রভু বিশ্বেজি দল সমারে পত্তিদিন তারারে যোগ গরা ধোল্ল্য।

প্রেরিত্‌ 27:37

আমি জাহাজত্ বেক্কুনে দ্বিশ ছিয়েত্তুর্‌‌জন এলং।

প্রেরিত্‌ 3:23

যে তার কধাগান ন-শুনিবো তারে তা মানুচ্চুনোত্তুন্ এক্কুবারে ভস্ত গরা অবঅ।

প্রেরিত্‌ 4:4

মাত্তর্ যিগুনে পিতর কধা শুন্ন্যন্ তারাত্তুন্ ভালোকজনে বিশ্বেজ্ গুরিলাক্; সেক্কে বিশ্বেজিগুন বাড়িনে কমেদি পাঁচ আজার্ অলাক্।

প্রেরিত্‌ 7:14

ইয়েন পরেদি যোষেফে তা বাব্‌পো যাকোবরে আর পরিবারর অন্য বেক্কুনোরে ডাগি আনিবাত্যে দিপাধেল। তারা জনেদি বেক্কুনে মিলিনে পাচাত্তোরজন এলাক্।

রোমীয় 13:1

বেক্কুনে দেজর্ শাসনগুরিয়্যেগুনোরে মানি চোলোদোক্, কিয়া গোজেনে যারে শাসনগুরিয়্যে বানায় তে বাদে আর কনজনে শাসনগুরিয়্যে ওই ন-পারন্। গোজেনে শাসনগুরিয়্যেগুনোরে বেঈ লয়;

১ থিষলনীকীয় 1:6

বোউত্ অত্যেচারর্ ভিদিরেয়ো পবিত্র আত্মার দিয়্যে হুজিলোই সেই গম হবরান মানি লোইনে তুমি আমার আর প্রভু ধোক্ক্যেন গুরি চলর্।

১ পিতর 3:20

ভালোক্ দিন আগে নোহর সেই জাহাজ্‌চান বানেবার সময়োত্ গোজেনে যেক্কে ধৈয্য ধুরিনে বাজ্জেই রোইয়্যে সেক্কে যিগুনে অবাধ্য ওইয়োন এ আত্মাগুন তারার্। সেই জাহাজত্ উদিনে বানা কয়েক্‌জন, অত্তাৎ বানা আস্‌টোজন সেই পানিগানত্তুন্ বাচ্চ্যন্।

ফগদাং পেইয়্যে 16:3

দ্বি-লম্বর স্বর্গদূত্‌‌তো তা কদরাবো সাগর উগুরে উবোত্ গুরিলো। সেক্কে সাগর পানিগান মরা মান্‌জ্যর্ লো ধোক্ক্যেন অলঅ, আর সাগরর্ বেক্‌ প্রাণীগুন মুরি গেলাক্।