প্রেরিত্‌ 2:11 - Chakma Bible

¹¹ ক্রীট দ্বীপ মানুচ্চুন আর আরবীয়গুন-আমি বেক্কুনে দঅ আমার নিজো নিজো ভাষায় গোজেনর মহৎ কামর্ কধা তারারে কধে শুন্ন্যেই।”

প্রেরিত্‌ 2:11 Iomraidhean Croise

১ রাজাবলী 10:15

ইয়েনিবাদেয়ো বণিক আর সদাগরুনোর্‌ ইত্তুন্‌, আরবীয় রাজাগুনো ইত্তুন্‌ আর দেজর্‌ শাজন্‌গুরিয়্যেগুনো ইত্তুনঅ সোনা এদঅ।

২ বংশধর 17:11

কয়েক্কো পলেষ্টীয় কর্‌ ইজেবে যিহোশাফট ইদু বক্‌শিজ্‌ আর রূবো লোই এলাক্‌ আর আরবীয়গুনে লোই এলাক্‌ সাত আজার সাতশঅ ভেড়া আর সাত আজার সাতশঅ ছাগল।

২ বংশধর 26:7

গোজেনে পলেষ্টীয়গুনোরে, গূরবালত্‌ বজত্তিগুরিয়্যে আরবীয়গুনোরে আর মিয়ূনীয়গুনোর বিরুদ্ধে তারে বল্‌ দিলো।

ইয়োব 9:10

তে এমন্‌ মহত্‌ কাম্‌ গরে যিয়েনি বুঝো ন-যায় আর এন্‌ আমক্‌ আমক্‌ কাম্‌ গরে যিয়েনি গুণো ন-যায়।

গীতসংহিতা 107:15

মান্‌জ্য ইদু লগেপ্রভুর আমক্ অবার্ কামানিত্তে আহ্ তার অমকদ কোচ্‌পানার কারনে তারা তারে ভালেদি জানাদোক্।

গীতসংহিতা 107:21

মান্‌জ্য ইদু লগেপ্রভুর আমক্ অবার্ কামানিত্তে আর তার অমকদ কোচ্‌পানার কারনে সিগুনে তারে ভালেদি জানাদোক্।

গীতসংহিতা 107:8

মান্‌জ্য উগুরে লগেপ্রভুর আমক্ অবার কামানিত্তে আর তার গভীন্ কোচ্‌পানার কারনে তারা তারে ভালেদি জানাদোক্।

গীতসংহিতা 111:4

তে তার্ আমক্ অইদে কামানি নাঙ্ গিনেদে ধোক্ক্যেন্ রাগেল; তে দোয়্যে-মেয়্যেন্দি ভরা।

গীতসংহিতা 136:4

যিবে গায় গায় বেক্ দাঙর্ দাঙর্ কামানি গরে তারে ভালেদি জানঅ; -তার কোচ্‌পানাগান উমরত্তে থিদেবর্ গোজ্যে-

গীতসংহিতা 26:7

যেনে রঅ ছাড়িনে মুই তরে ভালেদি জানেই পারং, আর তর্ বেক্ আমক্ অইদে কামর্ কধানি কোই পারং।

গীতসংহিতা 40:5

ও মর্ গোজেন লগেপ্রভু, গুণি ন-পুরেইয়্যে তর্ আমক্ অবার কামানি! কেধোক্ক্যেন সল্লা গোজ্যস্ আমাত্তে! মুই দঅ ফগদাং গুরিলে, কবাত্তে গেলে, কনদিন্‌অ থুম্ ন-অবঅ। কন্না আঘে তঅ ধোক্ক্যেন্?

গীতসংহিতা 71:17

ও গোজেন, গাবুজ্যে অক্তত্তুন্ ধুরি তুই মরে শিক্ষ্যে দুয়োর্; এজঅ সং মুই তর্ আমক্ অবার কামর কধানি ফগদাং গরঙর্।

গীতসংহিতা 77:11

লগেপ্রভুর বেক কামর কধানি মুই ইদোত্ তুলিম; অয়, ইদোত্ তুলিম পুরণ দিনোত্ তর্ গোজ্যে আমক্ অবার্ কামানির কধা।

গীতসংহিতা 78:4

তারার বংশগুনোর ইদু আমি সিয়েনি লুগেই ন-রাগেবং; আমি মুজুঙো বংশধরুনোর ইদু লগেপ্রভুর বাঈনীবলা কামর কধা কবং; তার খেমতার কধা আর তে যেদক্কানি আমক্ অবার কাম গোজ্যে সেই কধানি কোম।

গীতসংহিতা 89:5

ও লগেপ্রভু, স্বর্গর বেক্কানি তর্ দোল্ দাঙর কামানি নাঙ্ গিনিনে, পবিত্র দূত্‌তুনে তর্ বিশ্বেজর বাঈনী গরন্।

গীতসংহিতা 96:3

নানান্ জাদর ইদু তার মহিমার কধানি ফগদাং গরঅ; বেক মানুচ্চুনো ইদু তার বেক আমক্ অবার কামানি ফগদাং গরঅ।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যিশাইয় 13:20

সিয়েন ভিদিরে আর কনদিন্‌অ থেবার্ জাগা ন-অবঅ বা বংশর পর বংশ ধুরিনে কনজনে সিয়েনত্ বজত্তি ন-গুরিবাক্। কনঅ আরবীয় সিয়েনত্ তাম্বুল্ ন-ফেলেবাক্, কনঅ গরগে সিয়েনত্ তা এ্যামানুনোরে জিরেবাত্তে ন-দিবাক্।

যিশাইয় 21:13

আরব পৌইদ্যেনে আগাম্ কধা ইয়েন: ও দদানীয় যেইয়্যে দল্লো, তুমি যিগুনে আরবর্ ধূল্যেচর-চাগালাত্ তাম্বুল টাঙ,

যিশাইয় 25:1

ও লগেপ্রভু, তুয়ই মর্ গোজেন; মুই তর্ বাঈনী গুরিম আর তরে নাঙ্ গিনিম। যেদক্কানি আমক্ অবার্ কাম ভালোক্ দিন আগে তুই পরিকল্পনা গোজ্যস্ সিয়েনি তুই বেক্কানি গমেডালে গোজ্যস্।

যিশাইয় 28:29

এ বেক্ জ্ঞানানি বেগত্তুন্ খেমতাবলা লগেপ্রভু ইত্তুন্ এজে। তার সল্লাগান্ আমক্ অবার আর তা জ্ঞানান্ দোল্।

যিরমিয় 25:24

আরবর বেক্ রাজাগুনোরে; ধূল্যেচর-বামর্ বজত্তি গুরিয়্যে বিদেশী বেক রাজাগুনোরে;

যিরমিয় 3:2

“তুই চোগ্ মিলিনে গাজ্‌পালা নেইয়্যে মুড়োগুনো ইন্দি রিনি চাহ্। এমন্ কনঅ জাগা আঘে কি যিয়েনত্ তুই বেশ্যে ন-গরচ্? যিগুনো সমারে তুই বেশ্যে গোজ্যস্ তারারে তুই পধ পাজারাত্ বাজ্জেবাত্তে বুয়োই থেদে, ধূল্যেচরর আরবীয়গুনো ধোক্ক্যেন হাব্ পাদি থেদে। তর্ বেশ্যেগানি আর পাজিগানিলোই তুই দেজ্‌চানরে অসিজি গোজ্যস্।‌‌‌‌‌‍

প্রেরিত্‌ 2:10

ফরুগিয়া আর পাম্‌ফুলিয়া, মিসর আর কুরীণীর কায়কুরে লিবিয়ার কয়েক্কান জাগার মানুচ্চুন, রোম শঅরত্তুন্ যে যিহূদীগুন আর যিহূদী ধর্ম বিশ্বেজি অযিহূদীগুন এচ্চ্যন্ তারা,

প্রেরিত্‌ 2:12

তারা আমক্ আর বেদমা ওইনে একজন আরেক জনরে পুযোর্ গরা ধল্লাক্, “ইয়েনর মানেগান কি?”

প্রেরিত্‌ 27:12

বন্দর্‌বো জার্‌কাল কাদেবার্ যগাজ্যে জাগা নয় বিলিনে বেশ্ ভাগ্ মান্‌জ্যে ঠিগ্ গুরিলাক্, সিয়েনত্তুন্ লদ্ দিইনে সম্ভব অলে ফৈণীকত্ যেইনে জার্‌কাল্লো কাদা অবঅ। ফৈণীক্‌কান এলদে ক্রীট দ্বীপর্ জাহাজ্ থামেবার জাগা। এ জাগানর্ দোগিণ-পজিমে আর উত্তর-পোজিমে খুলো-মেলা এলঅ।

প্রেরিত্‌ 27:13

পরেদি যেক্কে লারে লারে দোগিণো বৈয়্যের্ বাহ্ ধুরিলো সেক্কে তারা মনে গুরিলাক্ তারা যিয়েন চেয়োন্ সিয়েনই ওইয়্যে। ইয়েনত্তে তারা জাহাজর্ নোংগর্ তুলিনে ক্রীট দ্বীপর্ পারেদি গেলাক্।

প্রেরিত্‌ 27:7

আমা জাহাজ্‌চান্ ভালোক্ দিন ধুরিনে অমকদ লারে লারে চলিনে কনবাবদে ক্লীদোন্ শঅরর্ কায়কুরে লুমিলো, মাত্তর্ বৈয়্যেরানে আমারে আর্ উজেই যেবাত্তে ন-দিলো। সেক্কে আমি ক্রীত দ্বীপর্ যে ধাগেদি বৈয়্যের্ ন-এলঅ সেই ধাগেদি গুরিনে সল্‌মোনীর কায়-কুরেদি গেলং।

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

গালাতীয় 1:17

এন্‌ কি, যিগুনে মঅ আগেদি প্রচারক ওইয়োন মুই যিরূশালেমত্ তারা ইধুয়ো ন-যাং। সেক্কে মুই আরব দেজত্ যেইয়োং আহ্ যেরেদি আরঅ দামেস্ক শঅরত্ ফিরি এচ্চ্যং।

গালাতীয় 4:25

হাগার আরব দেজর্ সিনাই মুড়োবোরে বুঝোয়। হাগার ইধুগোর্ যিরুশালেমর এক্কান ফোটু ধোক্ক্যেন্, কিয়া যিরূশালেমান তার্ পুয়ো-ছাগুনোরে নিইনে চাগরাণি ওইয়্যে।

তীত 1:12

তারার্ নিজোর এক্কো ভাববাদীয়ে এ কধাগান কোইয়্যেদে, “ক্রীট দ্বীবোর মানুচ্চুনে আজলে মিজে মাদিয়্যে, ঝার্‌বো য়েমান ধোক্ক্যেন, আল্‌সি আর পেদুক্।”

তীত 1:5

ক্রীট দ্বীবোত্ যে কামানি এজঅ সং আদ্‌ধান্ন্যেগুরি রোইয়্যে সিয়েনি ঠিগ্ গুরিবাত্যে মুই তরে ক্রীট দ্বীবোত্ থোই এচ্চ্যং। মুই তরে যে উগুমানি দুয়োং সেই মজিম পত্তি শঅর মন্ডলীর্ আজল্ নেতাগুনোরে কামত্ অদেঅদে রাগা।

ইব্রীয় 2:4

সে সমারে গোজেনেয়ো বোউত চিহ্নো আর আমক্ অবার কাম আর খেমতার কাম্‌বোই আর নিজোর্ আওজ্ মজিম পবিত্র আত্মার দিয়্যে দান্‌দোই সে পৌইদ্যেনে সাক্ষ্য দিয়্যে।