প্রেরিত্‌ 19:4 - Chakma Bible

⁴ পৌলে কলঅ, “পাপত্তুন্ মন ফিরেইনে যে বাপ্তিষ্ম লনা, সিয়েনই এলঅ যোহনর্ বাপ্তিষ্ম। যোহনে মানুচ্চুনোরে কোইয়্যেদে, তা পরেদি যিবে এজের্ তা উগুরে, অত্তাৎ যীশু উগুরে বিশ্বেজ্ গরা পড়িবো।”

প্রেরিত্‌ 19:4 Iomraidhean Croise

যোহন 1:15

যোহনে তা পৌইদ্যেনে রঅ ছাড়িনে সাক্ষ্য দিইনে কলঅ, “তেয়ই সে মানুচ্চো যিবে পৌইদ্যেনে মুই কোইয়োং, যে মঅ পরেদি এজের্ তে মত্তুন্ বেশ্ দাঙর্, কিয়া তে মর্ বোউত্ আগেত্তুন্ ধুরি আঘে।”

যোহন 1:26

যোহনে জোবত্ কলঅ, “মুই পানিত্ বাপ্তিষ্ম দুয়োঙর্ ঠিগ্, মাত্তর্ তমা ভিদিরে এমন্‌ একজন আঘে যিবেরে তুমি ন-চিনো।

যোহন 1:27

যিবে মঅ পরেদি এবার্ কধা এলঅ। মুই তার্ জদা ফিটেগানি খুলিবার্ যগাজ্যে নয়।”

যোহন 1:7

তে পহ্‌র পৌইদ্যেনে সাক্ষী ইজেবে সাক্ষি দিবাত্যে এচ্চ্যে যেনে বেক্কুনে তা সাক্ষিগান্ শুনিনে বিশ্বেজ্ গুরি পারন্।

প্রেরিত্‌ 1:5

যোহনে পানিত্ বাপ্তিষ্ম দিদো, মাত্তর্ কয়েক দিনো ভিদিরে বাবর্ সেই এগেম্ মজিম পবিত্র আত্মালোই তমার্ বাপ্তিষ্ম অবঅ।”

প্রেরিত্‌ 11:16

সেক্কে প্রভু যিয়েনি কোইয়্যে সে কধানি মর্ মনত্ পড়িলো, ‘যোহনে পানিত্ বাপ্তিষ্ম দিদো, মাত্তর্ তমার্ বাপ্তিষ্ম অবঅ পবিত্র আত্মালোই।’