প্রেরিত্‌ 18:5 - Chakma Bible

⁵ সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

প্রেরিত্‌ 18:5 Iomraidhean Croise

যিরমিয় 20:9

মাত্তর্ যুনি মুই কং, “মুই তা কধাগান কোই ন-দিম বা তা নাঙান ধুরিনে আর কিচ্চু ন-কোম্,” মাত্তর্ তা কধাগান মঅ মনত্ যেন জোল্‌‌জোল্যে আগুন ওইনে আড় ভিদিরে বন্ধ ওই থায়। মুই সিয়েন ভিদিরে রাগাদে রাগাদে বল্‌‌পোজ্যে ওই পড়ং; ঘেচ্চেকগুরি মুই আর সিয়েনি ভিদিরে রাগেই ন-পারং।‍‍‍

যিরমিয় 6:11

মাত্তর্ মুই লগেপ্রভুর রাগে গুল্ ওইয়োং; মুই আর সিয়েন মঅ ইধু ধুরি রাগেই ন-পারঙর্। লগেপ্রভু জোবত্ কোইয়্যেদে, তুই সিয়েন পধত্ ঝি-পুয়োগুনো উগুরে আর এক সমারে এগত্তর্ ওইয়্যে গাবুজ্যেগুনো উগুরে ঢালি দে। নেগে-মোগে সিয়েন ভিদিরে ধরা পড়িবাক্, আর বুড়োগুনে আর অমকদ লুঙুর্ বুড়োগুনে রেহাই ন-পেবাক্।

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

মীখা 3:8

মাত্তর্ মুই যাকোবরে তার্ অন্যেয়, ইস্রায়েলরে তার পাপ পৌইদ্যেনে জানেবাত্তে লগেপ্রভুর আত্মার্ দিয়্যে বল্লোই, ন্যায়বিচেরে আর সাহসে ভর্‌‌পুনং ওইয়্যেই।

লূকে লেখ্যে গম্ হবর্ 12:50

মত্তুন্ এক্কো বাপ্তিস্ম লুয়ো পুরিবো, আর যেদক্ দিন সং সিয়েন ন-অয় সেদক্ দিন সং মর্ দুঘোর্ শেজ্ নেই।

লূকে লেখ্যে গম্ হবর্ 16:28

যেন তে মর্ পাচ্চো ভেইয়োরে উজিয়ার্ গুরি পারে; সিয়েন্ ন-গল্ল্যে তারায়ো দঅ এ দুঘো জাগাত্ এবাক্।

যোহন 1:41

আন্দ্রিয় পত্তমে তার্ ভেই শিমোনরে তোগেইনে নিগিলেল আর কলঅ, “আমি মশীহর (অত্তাৎ খ্রীষ্টর্) দেগা পেইয়্যেই।”

যোহন 10:24

সেক্কে যিহূদী নেতাগুনে যীশুর্ চেরোকিত্ত্যে থুবেইনে কলাক্, “আর কয়দিন তুই আমারে সন্দেহ ভিদিরে রাগেবে? যুনি তুই মশীহ ওই থাচ্ সালে গমেদালে আমারে কঅ।”

যোহন 15:27

আর তুমিয়ো মঅ পৌইদ্যেনে সাক্ষি দিবা, কিয়া পৌইল্যাত্তুন্ ধুরি তুমি মঅ সমারে সমারে আঘঅ।

যোহন 3:28

তুমি মরে কধে শুন্ন্য, মুই মশীহ নয়, মাত্তর্ মরে তা আগেদি পাধা ওইয়্যে।

প্রেরিত্‌ 10:42

তে আমারে উগুম দিয়্যে যেন আমি যিহূদীগুনো ইধু ফগদাং গুরিই আর সাক্ষি দিই যে, গোজেনে তারে জেদা গোজ্জ্যে আর মরাগুনোর্ বিচেরগুরিয়্যে ইজেবে বেঈ লোইয়্যে।

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 16:1

পরেদি পৌল দর্বী আর লুস্ত্রা শঅরত্ গেলাক্। সিয়েনত্ তীমথিয় নাঙে এক্কো শিচ্চ্য থেদঅ। তার মাবো এলঅ খ্রীষ্ট উগুরে বিশ্বেজি এক্কো যিদূদী মিলে, মাত্তর্ তা বাবে জাদে গ্রীক এলঅ।

প্রেরিত্‌ 16:12

সিয়োত্তুন আমি ফিলিপী শঅরত্ গেলং। এ ফিলিপীগান ম্যাসিডোনিয়ার সেই চাগালার্ আজল্ শঅর্। সিদুগো মানুচ্চুনে রোম রেজ্যর্ প্রজা এলাক্। আমি কয়েকদিন সেই শঅরত্ থেলং।

প্রেরিত্‌ 16:9

রেদোত্ পৌলে এক্কান দর্শনত্ দেগিলো, ম্যাসিডোনিয়া রেজ্যর্ এক্কো মানুচ্‌ থিয়্যেইনে তারে কোজোলি গুরিনে কত্তে, “ম্যাসিডোনিয়াত্ এইনে আমারে সাহায্য গত্তি।”

প্রেরিত্‌ 17:3

তে মানুচ্চুনোরে বুঝেল আর প্রমাণ গুরিলো, মশীহর্ দুঘ্ ভুগোনার আর মরণত্তুন্ জেদা ওই উদিবার্ দরকার্ এলঅ। তে কলঅ, “যে যীশুর্ কধানি মুই তমা ইধু ফগদাং গরঙর্ সেই যীশুই অলঅ মশীহ।”

প্রেরিত্‌ 18:28

যীশু যে মশীহ সিয়েন তে পবিত্র বোইবো ভিদিরেত্তুন্ প্রমাণ গুরিলো আর বেক্কুনো মুজুঙোত্ অমকদ দরমর যুক্তিলোই তর্কাতুর্কিত্ যিহূদীগুনোরে ওদেই দিলো।

প্রেরিত্‌ 2:36

“ইয়েনত্যে গোদা ইস্রায়েল জাদ্‌‌তো এ কধাগান ঘেচ্চ্যেকগুরি জানদোক্ যে, যিবেরে তুমি ক্রুশোত্ দুয়ো গোজেনে সেই যীশুরে প্রভু আর মশীহ এ দ্বিয়েন পোজিশনত্ নেযেয়্যে।”

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

প্রেরিত্‌ 20:23

মুই বানা এ কধাগান্ হবর্ পাং, পবিত্র আত্মাগানে পত্তি শঅরত্ মরে এ কধাগান্ জানেই দেত্তে, মত্তুন্ জেলোত্ যাহ্ পড়িবো আর দুঘ্ পাহ্ পড়িবো।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 4:20

আমি যিয়েন দেক্ক্যেই আর শুন্ন্যেই সিয়েন ন-কোইনে দঅ থেই ন-পারির্।”

প্রেরিত্‌ 9:22

মাত্তর্ শৌলে আরঅ খেমতাবলা ওই উদিলো আর যীশুই যে মশীহ সিয়েন প্রমাণ গুরিলো। ইয়েন্দোই দামেস্কর্ যিহূদীগুনে বেদমা ধোক্ক্যেন ওই গেলাক্।

২ করিন্হীয় 1:19

যিবের্ কধা সীলবান, তীমথিয় আর মুই তমা ইধু প্রচার গোজ্জ্যেই সেই যীশু খ্রীষ্ট, গোজেনর্ পুয়ো, একই সময়োত্ অয় আর নয়;

২ করিন্হীয় 11:9

তমা ইধু থেবার্ অক্তত্ যেক্কে মর্ অভাব ওইয়্যে সেক্কেয়ো মুই কারঅ লবাদোস্যে ন-অং, কিয়া যে ভেইয়ুনে ম্যাসিডোনিয়াত্তুন্ এচ্চ্যন্ সিগুনে মর্ অভাব্‌পান পূরোণ গোজ্জ্যন। কনঅ পৌইদ্যেনে মুই তমার্ কাঙেলেত্যে ন-অং আর ন-য়ো ওম্।

২ করিন্হীয় 5:14

খ্রীষ্টর্ কোচ্‌পানাগানে আমারে পুচ্ মানিনে চালার্, কিয়া আমি ঘেচ্চ্যেকগুরি বুঝ্‌চেই যে, বেক্কুনোর্ ওইনে একজনে মুরিলো, আর সেনত্যে বেক্কুনে মুরিলাক্।

ফিলিপীয় 1:23

দ্বিয়োকিত্ত্যেদি মরে টানদন্। মুই মুরি যেইনে খ্রীষ্ট সমারে থেবাত্যে চাং, কিয়া সিয়েন বোউত্ গম।

১ থিষলনীকীয় 3:6

ইক্কিনে তীমথিয় তমাত্তুন্ আমা ইধু ফিরি এইনে তমার কোচ্‌পানা আর বিশ্বেজ্ পৌইদ্যেনে গম হবরান্ দিয়্যে। তে কোইয়্যেদে, কোচ্‌পানার মনভাব্‌পোই তুমি নিত্য আমারে ইদোত্ তুলি থাগঅ, আর আমি যেধোক্ক্যেন তমারে চেবাত্যে চের্ সেধোক্ক্যেন তুমিয়ো আমারে চেবাত্যে চর্।

১ পিতর 5:12

সীল, যিবেরে মুই মর্ বিশ্বেজি ভেই মনে গরং, তারে দিইনে এই চিধিগান মুই কম কধালোই তমা ইধু লিগিলুং, যেন মুই তমারে উচ্চোমি দি পারং আর গোজেনর্ ঘেচ্চ্যেকগুরি দোয়্যের্ সাক্ষি দি পারং। তুমি গোজেনর্ এই দোয়্যেলোই থির্ থেইনে বজত্তি গরঅ।