প্রেরিত্‌ 17:10 - Chakma Bible

¹⁰ রেত্ অলে পরেদি বিশ্বেজি ভেইয়ুনে পৌল আর সীলরে বিরয়াত্ পাধেই দিলাক্। সিধু লুমিনে তারা যিহূদীগুনোর্ সমাজ-ঘরত গেলাক্।

প্রেরিত্‌ 17:10 Iomraidhean Croise

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 17:1

পৌল আর সীল আম্‌ফিপলি আর আপল্লোনিয়া শঅর ভিদিরেন্দি থিষলনীকী শঅরত্ গেলাক্। সিধু যিহূদীগুনোর এক্কান্ সমাজ-ঘর এলঅ।

প্রেরিত্‌ 17:2

পৌল তার্ সুদোম্ মজিম সেই সমাজ-ঘরত্ গেলঅ আর পর পর তিন পল্লা জিরেবার্ দিনোত্ মানুচ্চুনো সমারে পবিত্র বোইবোত্তুন্ কলঅ।

প্রেরিত্‌ 17:4

এ কধাগান্ শুনিনে কয়েক্কো যিহূদী বিশ্বেজ্ গুরিনে পৌল আর সীল সমারে মিজেলাক্। ইগুন্ বাদে গোজেন-ভক্ত বোউত্ গ্রীক আর বোউত্ বিশেষ বিশেষ মিলেয়ো তারা সমারে মিজেলাক্।

প্রেরিত্‌ 17:6

মাত্তর্ সিধু তারা তারারে ন-পেলাক্। সেক্কে তারা যাসোন আর কয়েক্কো বিশ্বেজি ভেইয়োরে টানি নেযেইনে শঅর-নেতাগুনো ইধু গেলাক্ আর রঅ ছাড়িনে কলাক্, “যে মানুচ্চুনে গোদা দুনিয়েগান্ উলোত্-পালত্ গোজ্জ্যন্ তারা ইক্কিনে ইধুয়ো লুম্মোন্দি;

প্রেরিত্‌ 20:4

বিরয়াত্তুন্ পুর্হর পুয়ো সোপাত্র, থিষলনীকীত্তুন্ আরিষ্টার্খ আর সিকুন্দ, দর্বীত্তুন্ গাইয়, তীমথিয় আর এশিয়াত্তুন্ তুখিক আর ত্রফিমোত্ পৌল সমারে গেলাক্।

প্রেরিত্‌ 9:20

সে পরেদি সময় বর্‌বাদ ন-গুরিনে তে নানান্ সমাজ-ঘরত্ এ কধাগান ফগদাং গরা ধুরিলো যে, যীশুই গোজেনর্ পুয়ো।

প্রেরিত্‌ 9:25

মাত্তর্ একদিন্ন্যে রেদোত্ শৌলর শিচ্চ্যগুনে এক্কো খারাঙত্ গুরিনে দেবালর এক্কান জানালা ভিদিরেদি তারে তলেদি লামেই দিলাক্।

১ থিষলনীকীয় 2:2

তুমি এ কধাগান্অ কোই পারঅ, ইয়েন্অ আগে ফিলিপী শঅরত্ আমি অত্যেচার ভুগ্ গোজ্জ্যেই আর অসর্মান্অ ওইয়্যেই। মাত্তর্ এ মানাগানি থেলেয়ো আমা গোজেনত্তুন্ সাহচ্‌ পেইনে তা গম হবরর্ কধানি আমি খুলোমেলা গুরি তমা ইধু কোইয়্যেই।

১ শমূয়েল 20:42

যোনাথনে দায়ূদোরে কলঅ, “তুই নিচিদেগুরি আদিচ্‌, কিত্যে আমি লগেপ্রভুর নাঙে একজন আরেকজন ইদু শমক্‌ গুরিনে কোইয়্যেই, ‘লগেপ্রভু তর্‌ আর মঅ ভিদিরে আর তর্‌ আহ্‌ মর্‌ বংশধরুনো ভিদিরে জিংকানিবর্‌ সাক্ষী থেবঅ।’ ” ইয়েনর পরেন্দি দায়ূদে বিদায় নেযেল আর যোনাথনে শঅরত্‌ যেইনে ফিরি গেলঅ।