প্রেরিত্‌ 16:6 - Chakma Bible

⁶ পবিত্র আত্মাগানে পৌল আর তা সমাজ্যেগুনোরে এশিয়া রেজ্যত্ প্রচার গুরিবাত্তে ন-দিলো। সেক্কে তারা ফরুগিয়া আর গালাতিয়া রেজ্যর্ বেক্‌ জাগানিত্ গেলাক্।

প্রেরিত্‌ 16:6 Iomraidhean Croise

যিশাইয় 30:21

ডেনে বা বাঙে কনকিত্ত্যে যেবার্ সময় তুমি পিজেত্তুন্ তার এ কধানি শুনিবা, “ইয়েনই পথ; তুমি এ পধেদি যঅ।”

প্রেরিত্‌ 10:19

পিতরে সেক্কেয়ো দর্শনর্ কধা ভাবের্, এমন্ সময়োত্ পবিত্র আত্মাগানে তারে কলঅ, “চাহ্, তিনজন মান্‌জ্যে তরে তোগাদন্।

প্রেরিত্‌ 11:12

সেক্কে পবিত্র আত্মাগানে মরে কনঅ সন্দেহ ন-গুরিনে তারা সমারে যেবাত্তে কলঅ। এ ছঅজন ভেইয়ো মঅ সমারে যেয়োন্। পরেদি আমি সে মানুচ্চো ঘরত্ সোমেলং যিবে মরে ডাগিনে পাধেয়্যে।

প্রেরিত্‌ 16:7

পরেদি মুশিয়ার দুযিত্ লুমিনে তারা বিথুনিয়া রেজ্যত্ যেবাত্তে চেষ্টা গুরিলাক্, মাত্তর্ যীশুর আত্মাগানে তারারে যেবাত্তে ন-দিলো।

প্রেরিত্‌ 18:23

আন্তিয়খিয়াত্ কয়েক দিন কাদানার্ পরেদি তে সিধু লদ্ দিলো আর গালাতিয়া আর ফরুগিয়া রেজ্যর্ এক জাগাত্তুন্ অন্য জাগাত্ ঘুরি ঘুরি শিচ্চ্যগুনোরে বিশ্বেজ্ বাড়েইনে তারারে দরমর গুরিলো।

প্রেরিত্‌ 19:10

দ্বিবজর এবাবোত্যেগুরি বিদি গেলঅ। সেক্কে যে যিহূদী আর গ্রীক্‌‌কুনে এশিয়া রেজ্যত্ থেদাক্ তারা বেক্কুনে প্রভুর্ কধা শুনিলাক্।

প্রেরিত্‌ 20:16

এশিয়া রেজ্যত্ পৌলর্ যাতে দেরি গরা ন-পরে সেনত্তে তে ঠিগ্ গোজ্জ্যেদে, তে ইফিষত্ ন-থামেইনে তা কায়-কুরেদি যেবগোই। যিরূশালেমত্ লুমিবাত্যে তে হিজেহিচ্চ্যে গুরিলো যেন সম্ভব অলে পঞ্চাশত্তমী দিনোত্ সিধু থেই পারে।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

প্রেরিত্‌ 20:4

বিরয়াত্তুন্ পুর্হর পুয়ো সোপাত্র, থিষলনীকীত্তুন্ আরিষ্টার্খ আর সিকুন্দ, দর্বীত্তুন্ গাইয়, তীমথিয় আর এশিয়াত্তুন্ তুখিক আর ত্রফিমোত্ পৌল সমারে গেলাক্।

প্রেরিত্‌ 21:27

সিজি অনার্ সেই সাত দিনো শেজত্ এশিয়া রেজ্যর্ কয়েক্কো যিহূদী পৌলরে উবোসনা-ঘরত্ দেগিলাক্। তারা সিধুগোর্ বেক্ মানুচ্চুনোরে ভেজেই দিলাক্ আর পৌলরে ধুরিলাক্।

প্রেরিত্‌ 6:9

যে সমাজ ঘরানরে উদ্ধোর্-গোজ্যে মানুচ্চুনোর সমাজ-ঘর কুয়ো অদঅ সেই সমাজ-ঘরর্ কয়েক্কো মান্‌জ্যে স্তিফানর্ পিজেদি লাগিলাক্। তারা এলাক্ কুরীণী আর আলেক্‌জান্দ্রিয়া শঅরর্ আর কিলিকিয়া আহ্ এশিয়া রেজ্যর্ কয়েক্কো যিহূদী।

প্রেরিত্‌ 8:29

সেক্কে পবিত্র আত্মাগানে ফিলিপরে কলঅ, “সে রথ্‌তান কুরে যাহ্ আর সিয়েন সমারে সমারে যাহ্।”

রোমীয় 16:5

তারা ঘরত্ যিগুনে মন্ডলী ইজেবে এক সমারে এগত্তর্ অন্, তারারেয়ো ভালেদি জানেয়ো। এশিয়া রেজ্যত্ পত্তম্ যিবে খ্রীষ্টরে মানি লোইয়্যে মর্ সেই পরাণর্ দাংগু ইপেনিতরে ভালেদি জানেয়ো।

১ করিন্হীয় 12:11

এ বেক্‌ কামানি সেই একই পবিত্র আত্মাগানে গুরি থায়। তে যেবাবোত্যেগুরি আওজ্ গরে সেবাবোত্যেগুরি এই বেক্ দানানি পত্তিজনরে যুদো যুদো গুরি দে।

১ করিন্হীয় 16:1

এবেরা মুই গোজেন মানুচ্চুনোর্ সাহায্যত্যে চান্দা তুলোনা পৌইদ্যেনে কঙর্। গালাতিয়া রেজ্যর্ মন্ডলীগুনোর্ মানুচ্চুনোরে মুই যে উগুমান দুয়োং তুমিয়ো সেবাবোত্যে গরঅ।

১ করিন্হীয় 16:19

এশিয়া রেজ্যর্ মন্ডলীগুনোর্ মানুচ্চুনে তমারে ভালেদি জানাদন্। আকিলা, প্রিষ্কিাল্লা আর তারার্ ঘরর্ মন্ডলী মানুচ্চুনে প্রভুর কোচ্‌পানার্ নাঙে তমারে মনত্তুন্ ভালেদি জানাদন্।

২ করিন্হীয় 1:8

এশিয়া রেজ্যত্ আমি যে দুঘোত্ পোজ্জ্যেই, আমি চেই সিয়েন যেন তুমি কোই পারঅ। সিয়েনত্ সোজ্জ্যর্ বারেদি এমন্‌ চাপ্ আমা উগুরে পোজ্জ্যে, বাঁজিবার্ আজা আমি ছাড়ি দিয়্যেই।

গালাতীয় 1:2

মুই আর মঅ লগে যিদুক্কুন্ বিশ্বেজি ভেই আঘন, আমি বেক্কুনে গালাতিয়া মন্ডলীগুনো ইধু লিগির্।

গালাতীয় 3:1

ও অবুঝ্ গালাতীয়গুন! কন্না তমারে যাদু গোজ্জ্যে? তমা ইধু দঅ গমেদালে প্রচার গরা ওইয়্যেদে যে, যীশু খ্রীষ্টরে ক্রুশোত্ দিয়্যে ওইয়্যে।

২ তীমথিয় 1:15

তুই হবর্ পাজ্ এশিয়া রেজ্যত্ বেক্কুনে মরে ফেলে যেয়োন। তারাত্তুন্ আঘন্ ফুগিল্ল আর হর্মগিনি।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

ইব্রীয় 11:8

গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।

১ পিতর 1:1

গোজেনর্ যিদুক্কুন বেঈ লোইয়্যে মানুচ্ পন্ত, গালাতিয়া, কাপ্পাদকিয়া, এশিয়া আর বিথুনিয়া রেজ্যত্ ছিদি পড়িনে বিদেশী ইজেবে বজত্তি গত্তন্, তারা ইধু মুই যীশু খ্রীষ্টর দূত পিতরে এ চিধিগান লেগঙর্।

ফগদাং পেইয়্যে 1:11

তে মরে কলঅ, “যিয়েন দেগিবে সিয়েন এক্কো বোইয়োত্ লেখ্, আর সিয়েন ইফিষ, স্মুর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আর লায়দিকেয়া-এ সাত্‌টো শঅরর্ সাত্‌টো মন্ডলী ইধু পাধেই দে।”

ফগদাং পেইয়্যে 1:4

মুই যোহন এশিয়া রেজ্যর্ সাত্‌টো মন্ডলী ইধু লেগঙর্। যিবে আঘে, যিবে এলঅ আর যিবে এজের্ তে আর তা সিংহাসনান মুজুঙোত্ যে সাত্‌টো আত্মা থায় সিগুনে আর যীশু খ্রীষ্ট তমারে দোয়্যে গোরোক্ আর শান্তি দান গোরোক্। যীশুই বিশ্বেজি-সাক্ষী আর মরণত্তুন্ তেয়ই পত্তমে জেদা ওই উঠ্যে, আর তেয়ই পিত্‌থিমীর রাজাগুনোর শাসনগুরিয়্যে। তে আমারে কোচ্‌পায় আর নিজোর্ লো-গান্দোই পাপত্তুন্ আমারে উদ্ধোর্ গোজ্জ্যে।