প্রেরিত্‌ 16:13 - Chakma Bible

¹³ আমি জিরেবার্ দিনোত্ শঅরর্ গেদো বারেদি গাঙান ইধু গেলং; মনে গুরিলোং সিধু যিহূদীগুনোর তবনা গুরিবার জাগা আঘে। সিধু যে মিলেগুনে এগত্তর্ ওইয়োন আমি তারা ইধু বৈইনে কধা কুয়ো ধল্লং।

প্রেরিত্‌ 16:13 Iomraidhean Croise

মথি লেখ্যে গম্ হবর্ 13:2

তাইদু বোউত্ মানুচ্ এইনে তুবেলাক্, তে এক্কান্ নৌকোত্ উদিনে বুজিলো, আর বেক্ মানুচ্চুনে সাগর পারত্ থিয়্যেই রলাক্।

মার্ক 16:15

যীশু সে শিচ্চ্যগুনোরে কলঅ, “তুমি পিত্‌থিমীর বেক্ জাগাইধু যঅ আর বেক্ মানুচ্চুনো ইধু গোজেনর্ দিয়্যে গম্ হবরান্ ফগদাং গরঅ।

লূকে লেখ্যে গম্ হবর্ 13:10

কনঅ এক জিরেবার্ দিনোত্ যীশু এক্কান্ সমাজ-ঘরত্ শিক্ষ্যে দের্।

যোহন 8:2

তার্ কেল্যে বেন্ন্যেপোত্যে যীশু আরঅ উবোসনা-ঘরত্ যানার্ পরেদি বেক্‌ মানুচ্চুনে তা ইধু এলাক্। সেক্কে যীশু বুজিনে তারারে শিক্ষ্যে দিয়্যে ধুরিলো।

প্রেরিত্‌ 13:14

যেরেদি তারা পর্গাত্তুন্ পিষিদিয়া রেজ্যর্ আন্তিয়খিয়া শঅরত্ গেলাক্ আর জিরেবার দিন্নোত্ সমাজ-ঘরত যেইনে বলাক্।

প্রেরিত্‌ 13:42

পৌল আর বার্ণবা সমাজ-ঘরত্তুন্ নিগিলি যেবার সময়োত্ মানুচ্চুনে তারারে কোজোলি গুরিলাক্ যেন তারা এজেত্তে জিরেবার দিনোত্ এ পৌইদ্যেনে আরঅ কিজু কন্।

প্রেরিত্‌ 16:16

একদিন্ন্যে যেক্কে আমি সেই তবনা গুরিবার্ জাগানত্ যেইর্ সেক্কে এক্কো চাগরাণীর্ লগে আমার্ দেগা অলঅ। তারে এক্কো ভান্ন্যেই আত্মায় পেইয়্যে যিয়েনত্তে তে আগাম্ কধা কোই পাত্ত। সিয়েন্দোই তা গিরোজ্‌সোর্ লাভ্ অদঅ।

প্রেরিত্‌ 16:6

পবিত্র আত্মাগানে পৌল আর তা সমাজ্যেগুনোরে এশিয়া রেজ্যত্ প্রচার গুরিবাত্তে ন-দিলো। সেক্কে তারা ফরুগিয়া আর গালাতিয়া রেজ্যর্ বেক্‌ জাগানিত্ গেলাক্।

প্রেরিত্‌ 17:2

পৌল তার্ সুদোম্ মজিম সেই সমাজ-ঘরত্ গেলঅ আর পর পর তিন পল্লা জিরেবার্ দিনোত্ মানুচ্চুনো সমারে পবিত্র বোইবোত্তুন্ কলঅ।

প্রেরিত্‌ 18:4

পত্তি জিরেবার্ দিনোত্ পৌলে সমাজ-ঘরত্ যেইনে যীশু পৌইদ্যেনে কধা কদঅ আর গ্রীক আহ্ যিহূদীগুনোরে যীশুর্ পধত্ আনিবার্ চেষ্টা গত্ত।

প্রেরিত্‌ 20:7

সাপ্তার্ পত্তম্ দিনোত্ প্রভুর্ ভোজ্ গুরিবাত্তে আমি একসমারে এগত্তর্ অলং। সেক্কে পৌলে মানুচ্চুনো ইধু ফগদাং গরা ধুরিলো। তার্ কেল্যে তার্ যেবার্ কধা এলঅ বিলি তে রেদ্ সংভাগ্ সং কধা কনাত্ থেলঅ।

প্রেরিত্‌ 21:5

মাত্তর্ সেই দিনুন্ বিদি গেলে পরেদি আমি তারারে ফেলেইনে আমা পধ্‌থানদি লদ্ দিলোং। বেক্ শিচ্চ্যগুন আর তারা মোগ্‌কুন আহ্ ঝি-পুয়োগুনে আমা লগে লগে শঅর বারেদি এলাক্। যেরেদি সাগর পারত্ আমি আঢু পাড়িনে তবনা গুরিলোং।

প্রেরিত্‌ 9:20

সে পরেদি সময় বর্‌বাদ ন-গুরিনে তে নানান্ সমাজ-ঘরত্ এ কধাগান ফগদাং গরা ধুরিলো যে, যীশুই গোজেনর্ পুয়ো।

গালাতীয় 3:28

যিহূদী আর অযিহূদী ভিদিরে, চাগর্ আর গিরোজ ভিদিরে, মিলে আর মরদ ভিদিরে কনঅ ফারক্ নেই, কিয়া খ্রীষ্ট যীশু সমারে মিজেইনে তুমি বেক্কুনে এক ওইয়ো।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।