প্রেরিত্‌ 16:1 - Chakma Bible

¹ পরেদি পৌল দর্বী আর লুস্ত্রা শঅরত্ গেলাক্। সিয়েনত্ তীমথিয় নাঙে এক্কো শিচ্চ্য থেদঅ। তার মাবো এলঅ খ্রীষ্ট উগুরে বিশ্বেজি এক্কো যিদূদী মিলে, মাত্তর্ তা বাবে জাদে গ্রীক এলঅ।

প্রেরিত্‌ 16:1 Iomraidhean Croise

ইষ্রা 9:2

তারা নিজোরে আর তারার্ পুয়োগুনোত্যে মোক্ ইজেবে সেই জাদর্ মিলেগুনোরে মানি লোইয়োন, আর এবাবোত্যেগুরি তারার্‌ সুদ্ধো-সাংগ জাদরে সেই জাদ্‌‌তুনো সমারে মিজেই ফেল্যন্। এন্ কি, নেতাগুনে আর দাঙর্ পোজিশনর্ কামগুরিয়্যেগুনে পত্তমে এই অবিশ্বেজর্ পথ্‌‌তান্ দেখ্যন।”

প্রেরিত্‌ 14:1

ইকনিয় শঅরত্ পৌল আর বার্ণবা তারার্ সুদোম মজিম যিহূদীগুনোর সমাজ-ঘরত্ গেলাক্। সিধু তারা এমন্‌ গুরি কধা কলাক্ যে, যিহূদী আর অযিহূদী ভালোক্ জনে বিশ্বেজ্ গুরিলাক্।

প্রেরিত্‌ 14:21

দর্বী শঅরত্ গম্ হবর্ ফগদাং গুরিনে পৌল আর বার্ণবা ভালোকজনরে শিচ্চ্য গুরিলাক্। সে পরেদি তারা লুস্ত্রা, ইকনিয় আর পিষিদিয়া রেজ্যর্ আন্তিয়খিয়াত্ ফিরি যেইনে সিধুগো শিচ্চ্যগুনোর্ বিশ্বেজ্ বাড়েইনে তারারে খেমতাবলা গুরিলাক্ আর বিশ্বেজে থির্ থেবাত্তে উচ্চোমি তুলি দিলাক্। তারা কলাক্, “গোজেন রেজ্যত্ সুমিবার্ আগেদি আমাত্তুন্ বোউত্ দুঘ্ সোজ্য গরানা দরকার।”

প্রেরিত্‌ 14:6

মাত্তর্ পৌল আর বার্ণবা সিয়েন কোই পারিনে লুকায়নিয়া রেজ্য ভিদিরে লুস্ত্রা আর দর্বী শঅরত্ আর তার্ কায়-কুরে জাগানিত্ ধেই ধেই বেড়া ধুরিলাক্।

প্রেরিত্‌ 17:14

বিশ্বেজি ভেইয়ুনে সেক্কে পৌলরে সাগর পারত্ পাধেই দিলাক্, মাত্তর্ সীল আর তীমথিয় বিরয়াত্ থেলাক্।

প্রেরিত্‌ 18:5

সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

প্রেরিত্‌ 19:22

পরেদি তে তীমথিয় আর ইরাস্ত নাঙে তার্ দ্বিজন বল্ দিয়্যেরে ম্যাসিডোনিয়াত্ পাধেই দিলো, আর ইন্দি তে আরঅ কয়েক দিন এশিয়া রেজ্যত্ থেলঅ।

রোমীয় 16:21

মঅ সমারে যিবে কাম্ গরে সেই তীমথিয় তমারে ভালেদি জানার্; লুকিয়, যাসোন আর সোষিপাত্রয়ো তমারে ভালেদি জানার্। তারায়ো মঅ ধোক্ক্যেন্ যিহূদী জাদর্ মানুচ্।

১ করিন্হীয় 16:10

তীমথিয় যুনি এজে সালে চেইয়ো যেন তে তমা ইধু গমেডালে থেই পারে, কিয়া মুই যেবাবোত্যে গুরি প্রভুর্ কাম গরঙর্ তেয়ো সেবাবোত্যে গুরি গরের্।

১ করিন্হীয় 4:17

আর ইয়েনত্তে মুই তীমথিয়রে তমা ইধু পাধেয়োং। বিশ্বেজি ইজেবে তে মর্ কোচ্‌পেইয়্যে আর বিশ্বেজি পুয়ো। যীশু সমারে এগত্তর্ ওইনে মর্ শিক্ষ্যে আর কামানি কিবাবোত্যে, তে সিয়েন তমারে ইদোত্ তুলি দিবো। পত্তি জাগাত্ পত্তি মন্ডলীত্ মুই সেই পৌইদ্যেনে এক্কুই শিক্ষ্যে দি থাং।

১ করিন্হীয় 7:14

কিয়া মোক্কোর্ মাধ্যমে সেই অবিশ্বেজি নেক্কোরে আর নেক্কোর্ মাধ্যমে সেই অবিশ্বেজি মোক্কোরে গোজেনে গমেডালে চায়। সিয়েন ন-অলে তমা পুয়ো-ঝিগুনে দঅ অসিজি অদাক্; মাত্তর্ আসলে গোজেনে তারারে গম্ চোগেদি চায়।

২ করিন্হীয় 1:1

মুই পৌল গোজেনর্ আওজে খ্রীষ্ট যীশুর এক্কো প্রচারক্ ওইয়োং। মুই আর আমা বিশ্বেজি ভেই তীমথিয় করিন্থ শঅরর্ গোজেন মন্ডলী আর আখায়া রেজ্যর্ গোজেনর্ বেক্‌ মানুচ্চুনো ইধু এ চিধিগান্ লেগঙর্।

২ করিন্হীয় 1:19

যিবের্ কধা সীলবান, তীমথিয় আর মুই তমা ইধু প্রচার গোজ্জ্যেই সেই যীশু খ্রীষ্ট, গোজেনর্ পুয়ো, একই সময়োত্ অয় আর নয়;

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

ফিলিপীয় 2:19

মুই আজা গরং, প্রভু যীশুর্ আওজ্ অলে মুই তীমথিয়রে যাদিমাদি তমা ইধু পাধেম, যেন তমার হবর্ পেইনে মুইয়ো উচ্চোমি পাং।

কলসীয় 1:1

মুই পৌল গোজেনর্ আয়োজে খ্রীষ্ট যীশুর্ এক্কো প্রচারক ওইয়োং। কলসী শঅরত্ যিগুনে গোজেনর্ মানুচ্‌ আর খ্রীষ্ট লগে মিজেয়্যে বিশ্বেজি ভেই, সিগুনো ইধু মুই আর ভেই তীমথিয় এ চিধিগান লেগঙর্। আমা বাবা গোজেনে তমারে বর্ দুয়োক আর শান্তি দান গোরোক্।

১ থিষলনীকীয় 1:1

বাবা গোজেন আর প্রভু যীশু খ্রীষ্ট লগে এগত্তর্ থিষলনীকীয় মন্ডলী ইধু সীল, তীমথিয় আর মুই পৌলে এ চিধিয়ান লিগির্। আমার বাবা গোজেন আর প্রভু যীশু খ্রীষ্ট তমারে দোয়্যে গোরোক্ আর শান্তি দান গোরোক্।

১ থিষলনীকীয় 3:6

ইক্কিনে তীমথিয় তমাত্তুন্ আমা ইধু ফিরি এইনে তমার কোচ্‌পানা আর বিশ্বেজ্ পৌইদ্যেনে গম হবরান্ দিয়্যে। তে কোইয়্যেদে, কোচ্‌পানার মনভাব্‌পোই তুমি নিত্য আমারে ইদোত্ তুলি থাগঅ, আর আমি যেধোক্ক্যেন তমারে চেবাত্যে চের্ সেধোক্ক্যেন তুমিয়ো আমারে চেবাত্যে চর্।

২ থিষলনীকীয় 1:1

বাবা গোজেন আর প্রভু যীশু খ্রীষ্ট সমারে মিজেয়্যে থিষলনীকীয় মন্ডলী ইধু সীলবান, তীমথিয় আর মুই পৌলে এ চিধিয়ান লেখ্যেই।

১ তীমথিয় 1:18

কোচ্‌পেইয়্যে পুয়ো তীমথিয়, তঅ পৌইদ্যেনে অন্যগুনে ভাববাদী ইজেবে যে কধানি কোইয়োন সেই কধা মজিম মুই তরে এ উগুমান দুয়োঙর্। সেই কধানি ইদোত্ রাগেইনে তুই খ্রীষ্টর পক্ষে মনেপরাণে যুদ্ধো গুরি যাহ্,

১ তীমথিয় 1:2

বিশ্বেজি ইজেবে মর্ আজল্ পুয়ো তীমথিয় ইধু মুই এ চিধিগান লেগঙর্। আমা বাবা গোজেন আর আমা প্রভু খ্রীষ্ট যীশু তরে দোয়্যে, মেয়্যে আর শান্তি-দান গোরোক্।

২ তীমথিয় 1:2

এ চিধিগান মুই মর্ কোচ্‌পেইয়্যে পুয়ো তীমথিয় ইধু লেগঙর্। বাবা গোজেন আর আমা প্রভু খ্রীষ্ট যীশু তরে দোয়্যে, বর্ আর শান্তি-দান গোরোক্।

২ তীমথিয় 1:5

তঅ মনত্ যে ঘেচ্চ্যেকগুরি বিশ্বেজ্ আঘে সে কধাগান্অ মঅ মনত্ আঘে। এ বিশ্বেজ্‌চান আগে তর্ নানু লোয়ীর আর তর্ মা উনীকীর মনত্ এলঅ, আর মুই ঘেচ্চ্যেকগুরি হবর্ পাং, এ বিশ্বেজ্‌চান তঅ মনত্‌অ আঘে।

২ তীমথিয় 3:11

ইয়েনিবাদে আন্তিয়খিয়াত, ইকনিয়ত আর লুস্ত্রাত মুই যেদক্কানি অত্যেচার আর দুঘ্ পেইয়োং সেই বেক্‌ অত্যেচারর্ কধায়ো তুই কোই পারচ্, মাত্তর্ প্রভু সিয়েনি বেক্কানিত্তুন্ মরে রোক্ষ্যে গোজ্জ্যে।

ফিলীমন 1:1

মুই পৌল খ্রীষ্ট যীশুর বন্দী ওইয়োং। মুই আর আমা বিশ্বেজি ভেই তীমথিয় আমার কোচ্‌‌পেইয়্যে সমাজ্জ্যে আর সমারে কাম গুরিয়্যে ফিলীমন ইধু,

ইব্রীয় 13:23

মুই তমারে জানেবাত্যে চাং, আমার্ ভেই তীমথিয় ছড়ান্ পেয়্যে। তে যুনি যাদিমাদি এজে সালে তারে সমারে লোইনে তমারে চেবাত্যে য়েম্।