প্রেরিত্‌ 15:7 - Chakma Bible

⁷ বোউত্ তেম্মাং গরানার্ পরেদি পিতরে উদিনে তারারে কলঅ, “ভেইলগ্, তুমি দঅ কোই পারঅ যে, ভালোক্ দিন আগে তমা ভিদিরেত্তুন্ গোজেনে মরে বেঈ লোইয়্যে যাতে অযিহূদীগুনে মঅ মুয়োত্তুন্ গম্ হবরর্ কধা শুনিনে বিশ্বেজ্ গরন্।

প্রেরিত্‌ 15:7 Iomraidhean Croise

যাত্রা 4:12

তুই এবেরা যাহ্। মুই নিজেই তরে কধা কবাত্তে বল্‌ দিম আর যিয়ান্‌ কবার্‌ সিয়ান তরে শিগেই দিম।”

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 3:27

ইয়েনর্ জোবত্ যোহনে কলঅ, “স্বর্গত্তুন্ দিয়্যে ন-অলে কারঅ পক্ষে কনঅ কিজু পানা সম্ভব্ নয়।

প্রেরিত্‌ 1:16

“ভেইলগ্, পবিত্র আত্মা ভালোক্ দিন আগে রাজা দাযূদো মুয়োদি যিহূদা পৌইদ্যেনে যিয়েন কোইয়্যে পবিত্র বোইবোর সেই কধাগান পুরেবার্ দরকার এলঅ। যিগুনে যীশুরে ধোজ্যন্, এ যিহূদা তারারে পধ্ দেগেইনে নেযেয়্যে।

প্রেরিত্‌ 1:24

সে পরেদি তারা ইয়েন কোইনে তবনা গুরিলাক্, “প্রভু, তুই বেক্কুনো মনানি কোই পারচ্। যিহূদা তার পাওনা সাজা পেবাত্যে দিপাধেয়্যেগুনো পদ কামান্ ইরি দিয়্যে। ইক্ক্যে এ দ্বিজনত্তুন্ সেই পদ্‌তানত্তে যিবেরে তুই বেঈ লোইয়োচ্ সিবেরে আমারে দেগেই দে।”

প্রেরিত্‌ 10:19

পিতরে সেক্কেয়ো দর্শনর্ কধা ভাবের্, এমন্ সময়োত্ পবিত্র আত্মাগানে তারে কলঅ, “চাহ্, তিনজন মান্‌জ্যে তরে তোগাদন্।

প্রেরিত্‌ 10:20

উদিনে তলেদি যাহ্। কনঅ সন্দেহ ন-গুরিনে তারা সমারে যাহ্, কিয়া মুয়ই তারারে পাধেয়োং।”

প্রেরিত্‌ 13:2

তারা যেক্কে উবোচ্‌ থেইনে প্রভুর উবোসনা গত্তন্ সেক্কে পবিত্র আত্মাগানে তারারে কলঅ, “বার্ণবা আর শৌলরে মুই যে কামানত্যে ডাক্কোং মর্ সেই কামানত্যে ইক্কিনে তারারে জুদো গরঅ।”

প্রেরিত্‌ 15:14

গোজেনে তার্ নিজোর্ মানুচ্‌ অবাত্যে অযিহূদীগুনোত্তুন্ কয়েক্কো মান্‌জ্যরে বেঈ লোইনে দেগেয়্যেদে যে, অযিহূদীগুনোত্যেয়ো তার্ চিন্তে আঘে। এ কধাগান শিমোন-পিতরে আমারে কোইয়্যে।

প্রেরিত্‌ 15:2

সেক্কে পৌল আর বার্ণবা সমারে এ মানুচ্চুনোর্ জদবদে কধা তর্কাতর্কি অলঅ। যেরেদি থিগ্ অলঅ যে, পৌল আর বার্ণবা আন্তিয়খিয়ার কয়েক্কো বিশ্বেজিরে সমারে লোইনে যিরূশালেমত্ যেবাক্ আর দিপাধেয়্যেগুনো সমারে আর মন্ডলী নেতাগুনো সমারে এ পৌইদ্যেনে কধাবাত্তা কবাক্।

প্রেরিত্‌ 15:39

সেক্কে পৌল আর বার্ণবা ভিদিরে এমন্‌ কধার্ অমিল্ অলঅ যে, তারা একজন আরেক্ জনত্তুন্ ফারগ্ ওই গেলাক্। বার্ণবা মার্করে লোইনে জাহাজত্ গুরি সাইপ্রাস দ্বিপোত্ গেলঅ, আর পৌল সীলরে বেঈ নেযেল।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 21:16

কৈসরিয়ার্ কয়েক্কো শিচ্চ্য আমা সমারে গেলাক্ আর ম্নাসোন নাঙে সাইপ্রাস দ্বীপোর্ এক্কো মান্‌জ্য ঘরত্ নেযেলাক্। ইবে ঘরত্ আমার্ থেবার্ কধা এলঅ। ইতে অলদে পত্তম্ শিচ্চ্যগুনোত্তুন্ এক্কো।

প্রেরিত্‌ 3:18

মাত্তর্ গোজেনে ভালোক্ দিন আগে বেক্‌ ভাববাদীগুনোর মাধ্যমে কোইয়্যেদে তার মশীহর কষ্ট ভোগ গরা পুরিবো; আর সে কধাগান গোজেনে এবাবোত্যে গুরি পূরেই দিবো।

প্রেরিত্‌ 4:25

তুই পবিত্র আত্মালোই তঅ চাগর্ আমা পূরোণি মানুচ্ দায়ূদো মুয়োদি কোইয়োচ্, কিত্ত্যেই থিদেবর্ নেইয়্যে গুরি কিজিগ্-কাজাগ্ গরর্ বেক্ মানুচ্চুন? কিত্ত্যেই মানুচ্চুনে মিজে গুরিনে কুজুরোমি গত্তন্?

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

ফিলিপীয় 2:14

তুমি কনঅ আবিত্তি আর তর্ক ন-গুরিনে বেক্কানি গরঅ, যেন তুমি নিদ্দুজি আর খাটি ওই পারঅ আর এই কালর্ বিবেক-নেইয়্যে আর বজং খাচ্চ্যদর্ মানুচ্চুনো মুজুঙোত্ গোজেনর্ থুদোনেইয়্যে মানুচ্ ওই পারঅ। সে মানুচ্চুনো মুজুঙোত্ তুমি দঅ জিংকানি দান গুরিয়্যে কধা তুলি ধুরিনে এ জগদত্ তারা ধোক্ক্যেন জ্বোল্‌জোল্যে ওই আঘঅ, সালে খ্রীষ্ট যেদিন্যে এবঅ সেদিন্যে মুই ইয়েনিলোই দেমাগ্ গুরি পারিম যে, মর্ চেষ্টা আর কামানি নিষ্ফল ন-অয়।