প্রেরিত্‌ 15:4 - Chakma Bible

⁴ যেক্কে পৌল আর বার্ণবা যিরূশালেমত্ এলাক্ সেক্কে মন্ডলীর মানুচ্চুনে, নেতাগুনে আর প্রচারক্কুনে আওজ্ গুরিনে তারারে মানি ললাক্। তারারে দিইনে গোজেনে যিয়েনি গোজ্জ্যে সিয়েনি বেক্কানি তারা বেক্কুনোরে কলাক্।

প্রেরিত্‌ 15:4 Iomraidhean Croise

মথি লেখ্যে গম্ হবর্ 10:40

“যে তমারে ভালেদি জানায় তে মরে ভালেদি জানায়; আর যে মরে ভালেদি জানেইনে যিবে পাধেয়্যে তে তারে ভালেদি জানায়।

প্রেরিত্‌ 11:30

তারা বার্ণবা আর শৌল আঢত্ যিহূদিয়া মন্ডলীগুনোর বুড়ো নেতাগুনো ইধু সেই সাহায্যগানি পাধেই দিলাক্।

প্রেরিত্‌ 14:27

আন্তিয়খিয়াত্ লুমিনে মন্ডলীর বেক্কুনোরে তারা এক জাগাত্ থুবেলাক্ আর গোজেনে তারা মাধ্যমে যিয়েনি গোজ্জ্যে সিয়েনি বেক্কানি কলাক্। গোজেনে কেধোক্ক্যেন্ গুরি অযিহূদীগুনোরে সুযোগ গুরি দিয়্যে যাতে তারা খ্রীষ্ট উগুরে বিশ্বেজ্ গুরি পারন্ সিয়েনিয়ো কলাক্।

প্রেরিত্‌ 15:12

সেক্কে তেম্মাঙত্ বেক্কুনে জুরো ওই গেলাক্ আর পৌল আহ্ বার্ণবার মাধ্যমে গোজেনে অযিহূদীগুনো ভিদিরে যেদক্কানি আমক্ কাম্ গোজ্যে সিয়েনি তারা মুয়োদি শুনো ধুরিলাক্।

প্রেরিত্‌ 15:2

সেক্কে পৌল আর বার্ণবা সমারে এ মানুচ্চুনোর্ জদবদে কধা তর্কাতর্কি অলঅ। যেরেদি থিগ্ অলঅ যে, পৌল আর বার্ণবা আন্তিয়খিয়ার কয়েক্কো বিশ্বেজিরে সমারে লোইনে যিরূশালেমত্ যেবাক্ আর দিপাধেয়্যেগুনো সমারে আর মন্ডলী নেতাগুনো সমারে এ পৌইদ্যেনে কধাবাত্তা কবাক্।

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 15:3

আন্তিয়খিয়া মন্ডলী তারার্ যেবার্ বেবস্থা গুরি দিলাক্। ফৈনিকিয়া আর শমরিয়া রেজ্যর্ ভিদিরেদি যেবার্ অক্তত্ পৌল আর বার্ণবা মানুচ্চুনোরে জানেলাক্, অযিহূদীগুনে কেধোক্ক্যেন গুরি গোজেন ইন্দি ফিজ্জ্যন্। এ হবরান্ শুনিনে বিশ্বেজি ভেইয়ুন বেক্কুনে অমকদ হুজি অলাক্।

প্রেরিত্‌ 15:6

সেক্কে প্রচারক্কুনে আর মন্ডলীর নেতাগুনে এ পৌইদ্যেনে চিন্তে গুরিবাত্তে এক জাগাত্ এগত্তর্ অলাক্।

প্রেরিত্‌ 16:4

পরেদি তারা সেই শঅরানি ভিদিরেদি গেলাক্ আর যিরূশালেমর প্রচারক্কুনে আহ্ মন্ডলীর নেতাগুনে যে কয়েক্কান সুদোম ঠিগ্ গোজ্যন্ সিয়েন মানুচ্চুনোরে জানেলাক্ আর সেই বেক্‌ সুদোমানি পালেবাত্তে কলাক্।

প্রেরিত্‌ 18:27

যেরেদি আপল্লো যেক্কে আখায়াত্ যেবাত্তে চেলঅ সেক্কে ইফিষ বিশ্বেজি ভেইয়ুনে তারে উচ্চোমি তুলি দিলাক্। আখায়ার শিচ্চ্যগুনে যেন আপল্লোরে মানি লন্ ইয়েনত্তে ইফিষীয় ভেইয়ুনে আখায়াত্ চিধি লিগিলাক্। গোজেনর্ দোয়্যেই আখায়াত্ যিগুনে বিশ্বেজি ওইয়োন আপল্লো সিধু লুমিনে তারারে বল্ দিলো।

প্রেরিত্‌ 21:17

যিরূশালেমত্ লুমোনার্ পরেদি বিশ্বেজি ভেইয়ুনে হুজি ওইনে আমারে মানি ললাক্।

প্রেরিত্‌ 21:19

পৌলে তারারে ভালেদি জানেল আর তা প্রচারর্ মাধ্যমে গোজেনে কিবাবোত্যেগুরি অযিহূদীগুনো ইধু কাম্ গোজ্যে সিয়েনি এক্কান্ এক্কান্ গুরি কলঅ।

রোমীয় 15:18

খ্রীষ্ট মঅ মাধ্যমে যিয়েনি গোজ্জ্যে সিয়েনির বারেদি কনঅ কধা কবার্ সাহস মুই ন-গুরিম। তে মর্ কধা আর কামর্ মাধ্যমে, আমক্ অবার্ কাম আহ্ চিহ্নো কামর্ মাধ্যমে আর পবিত্র আত্মার খেমতালোই অযিহূদীগুনোরে গোজেনর্ বাধ্য গোজ্জ্যে। সিয়েনর্ কারনে মুই যিরূশালেমত্তুন্ আরাম্ভ গুরিনে ইল্লুরিকা সং বেক্ জাগানিত্ খ্রীষ্ট পৌইদ্যেনে গম্ হবর্ পুরোপুরি গুরিনে প্রচার গোজ্জ্যং।

রোমীয় 15:7

গোজেনর্ বাঈনী যাতে ফগদাং অয়, সেনত্তে খ্রীষ্ট যেধোক্ক্যেন তমারে আপন গুরি নেযেয়্যে সেবাবোত্যে তুমিয়ো একজন আরেক্ জনরে আপন গুরি লঅ।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

২ করিন্হীয় 5:19

ইয়েনর্ অত্তগান অলঅ, গোজেনে মান্‌জ্যর্ পাপ্পানি ন-ধুরিনে খ্রীষ্টর্ মাধ্যমে নিজো সমারে মান্‌জ্যরে মিলেই দিয়্যে, আর সেই মিজেনার্ হবরান্ জানেবার ভারান্ তে আমা উগুরে দিয়্যে।

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

কলসীয় 4:10

মঅ সমারে বন্দী ভেই আরিষ্টার্খ আর বার্ণবার কুদুম্মো মার্কয়ো তমারে পাত্তুরু তুরু জানার্। মার্কর পৌইদ্যেনে তুমি দঅ আগেদি উগুম পেয়ো, তে যুনি তমা ইধু এজে সালে তারে আদর্ গুরিনে মানি লোইয়ো।

২ যোহন 1:10

কেঅ যুনি তমা ইধু এইনে সেই শিক্ষ্যে ন-দুয়োন্ সালে তমা ঘরত্ তারে মানি ন-লোইয়ো আর ভালেদিয়ো ন-জানেয়ো।