প্রেরিত্‌ 15:2 - Chakma Bible

² সেক্কে পৌল আর বার্ণবা সমারে এ মানুচ্চুনোর্ জদবদে কধা তর্কাতর্কি অলঅ। যেরেদি থিগ্ অলঅ যে, পৌল আর বার্ণবা আন্তিয়খিয়ার কয়েক্কো বিশ্বেজিরে সমারে লোইনে যিরূশালেমত্ যেবাক্ আর দিপাধেয়্যেগুনো সমারে আর মন্ডলী নেতাগুনো সমারে এ পৌইদ্যেনে কধাবাত্তা কবাক্।

প্রেরিত্‌ 15:2 Iomraidhean Croise

যাত্রা 18:23

গোজেনর উগুম্‌ পেইনে যুনি তুই এধোক্ক্যেন গরচ্‌ সালে তুই এই কামর্‌ ভারান্‌ সোজ্য গুরি পারিবে আর মানুচ্চুনেয়ো মনর্‌ সুগে যে যার্‌ জাগাত্‌ ফিরি যেই পারিবাক্।”

প্রেরিত্‌ 10:23

সেক্কে পিতরে ঘরঅ ভিদিরে সেই মানুচ্চুনোরে ডাগি আনিলো আর তারার্ থেবার্ আহ্ হানা-দানার্ বেবস্থা গুরিলো।

প্রেরিত্‌ 11:12

সেক্কে পবিত্র আত্মাগানে মরে কনঅ সন্দেহ ন-গুরিনে তারা সমারে যেবাত্তে কলঅ। এ ছঅজন ভেইয়ো মঅ সমারে যেয়োন্। পরেদি আমি সে মানুচ্চো ঘরত্ সোমেলং যিবে মরে ডাগিনে পাধেয়্যে।

প্রেরিত্‌ 11:30

তারা বার্ণবা আর শৌল আঢত্ যিহূদিয়া মন্ডলীগুনোর বুড়ো নেতাগুনো ইধু সেই সাহায্যগানি পাধেই দিলাক্।

প্রেরিত্‌ 15:25

ইয়েনত্যে আমি বেক্কুনে একমত ওইনে কয়েকজনরে বেঈ লোইনে আমার কোচ্‌‌পেইয়্যে সমাজ্যে বার্ণবা আর পৌল সমারে তমা ইধু তারারে পাধেলুং।

প্রেরিত্‌ 15:27

আমি যিহূদা আর সীলরে পাধেলং যেন আমি যিয়েন লিগির্ সিয়েন তারা তমা ইধু মুয়োন্দিয়ো কন্।

প্রেরিত্‌ 15:4

যেক্কে পৌল আর বার্ণবা যিরূশালেমত্ এলাক্ সেক্কে মন্ডলীর মানুচ্চুনে, নেতাগুনে আর প্রচারক্কুনে আওজ্ গুরিনে তারারে মানি ললাক্। তারারে দিইনে গোজেনে যিয়েনি গোজ্জ্যে সিয়েনি বেক্কানি তারা বেক্কুনোরে কলাক্।

প্রেরিত্‌ 16:4

পরেদি তারা সেই শঅরানি ভিদিরেদি গেলাক্ আর যিরূশালেমর প্রচারক্কুনে আহ্ মন্ডলীর নেতাগুনে যে কয়েক্কান সুদোম ঠিগ্ গোজ্যন্ সিয়েন মানুচ্চুনোরে জানেলাক্ আর সেই বেক্‌ সুদোমানি পালেবাত্তে কলাক্।

প্রেরিত্‌ 21:18

তার্ কেল্যে পৌলে আমা লগে যাকোবরে চেবাত্যে গেলঅ। সিধু মন্ডলীর্ বেক্‌ নেতাগুন এলাক্।

১ করিন্হীয় 1:1

গোজেনর্ আওজে তার্ ভাত্যেনালোই মুই পৌল যীশু খ্রীষ্টর্ এক্কো প্রচারক্ ওইয়োং। মুই আর ভেই সোস্থিনি করিন্থ শঅরর্ গোজেন মন্ডলীর্ মানুচ্চুনো ইধু, অত্তাৎ তমা ইধু লেগঙর্। খ্রীষ্ট যীশু সমারে মিজেনার্ মাধ্যমে গোজেনে তা নিজোর্ নাঙে তমারে যুদো গুরি রাগেয়্যে আর তা নিজো মানুচ্ অবাত্তে ডাক্ক্যে। তমা ইধু আর অন্য বেক্‌ জাগানিত্ যিগুনে আমা প্রভু যীশু খ্রীষ্টরে প্রভু বিলিনে স্বিগের্ গরন্ তারা ইধু আমি এ চিধিগান্ লিগির্। তে তারার্-অ প্রভু, আমার্-অ প্রভু।

২ করিন্হীয় 11:5

মাত্তর্ মত্তুন্ দঅ মনে ন-অয় যে, মুই কন্ কিত্যেদি সেই “বিশেষ” প্রচারগ্‌কুনোত্তুন্ পিজেদি পড়ি আগং।

গালাতীয় 2:5

মাত্তর্ গম হবরানর্ সত্যগান যেন তমাত্যে রোক্ষ্যে গুরি পারং সেনত্যে এক মুহূত্তত্যেয়ো আমি তারার্ কধানি মানি ন-লোই।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।

১ শমূয়েল 8:7

সেক্কে লগেপ্রভু তারে কলঅ, “মানুচ্চুনে তরে যিয়েনি কদন্‌ তুই সিয়েনই গর্‌। তারা তরে এলাফেলা ন-গরন্‌, আজলে মরেই এলাফেলা গোজ্যন্‌ যেনে মুই তারা উগুরে রাজাগিরি ন-গরং।