প্রেরিত্‌ 15:1 - Chakma Bible

¹ যিহূদীয়া রেজ্যত্তুন্ কয়েক্কো মানুচ্‌ সিরিয়া দেজর্ আন্তিয়খিয়াত্ এলাক্ আর বিশ্বেজি ভেইয়ুনোরে ইয়েন কোইনে শিক্ষ্যে দিয়্যে ধুরিলাক্, “মোশির রীতি-সুদোম মজিম্ তমার চুনুগুলো মাঢাবো কাবা ন-অলে তুমি কনঅ বাবদে পাপত্তুন্ উদ্ধোর্ পেই ন-পারঅ।”

প্রেরিত্‌ 15:1 Iomraidhean Croise

লেবীয় 12:3

আস্‌টো দিনোত্‌ পূঅবোর্ চুনুগুলো মাদাগান্ কাবিদে পুরিবো।

যোহন 7:22

মোশি তমারে চুনু মাঢা কাবিবার্ সুদোম্ দিয়্যে, আর সেই সুদোমান তুমি জিরেবার্ দিনোত্-অ গুরি থাগঅ। খালিক্ এ সুদোমান্ মোশিত্তুন্ ন-এজে, পূরোণি মানুচ্চুনোত্তুন্ এচ্চ্যে।

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

প্রেরিত্‌ 15:22

সেক্কে প্রচারক্কুনে, মন্ডলী নেতাগুনে আর মন্ডলী অন্য বেক্‌ মানুচ্চুনে থিগ্ গুরিলাক্ যে, তারা নিজোর্ কয়েক্কো মান্‌জ্যরে বেঈ লোইনে পৌল আর বার্ণবা সমারে আন্তিয়খিয়াত্ পাধেই দিবাক্। তারা যিহূদী আর সীলরে বেঈ ললাক্। এই যিহূদারে বর্‌শাব্বা বিলি ডাগা অদঅ। বিশ্বেজি ভেইয়ুনো ভিদিরে এ দ্বিজনে নেতা এলাক্।

প্রেরিত্‌ 15:23

তারা সমারে এ চিধিগান পাধা অলঅ: আন্তিয়খিয়া, সিরিয়া আর কিলিকিয়ার অযিহূদী বিশ্বেজি ভেইয়ুনো ইধু আমি প্রচারক্কুনে আর মন্ডলী নেতাগুনে, অত্তাৎ তমা ভেইয়ুনে এ চিধিগান লিগির্। তমার্ ভালেদি ওক্‌।

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

প্রেরিত্‌ 15:3

আন্তিয়খিয়া মন্ডলী তারার্ যেবার্ বেবস্থা গুরি দিলাক্। ফৈনিকিয়া আর শমরিয়া রেজ্যর্ ভিদিরেদি যেবার্ অক্তত্ পৌল আর বার্ণবা মানুচ্চুনোরে জানেলাক্, অযিহূদীগুনে কেধোক্ক্যেন গুরি গোজেন ইন্দি ফিজ্জ্যন্। এ হবরান্ শুনিনে বিশ্বেজি ভেইয়ুন বেক্কুনে অমকদ হুজি অলাক্।

প্রেরিত্‌ 15:32

যিহূদা আর সীল নিজেয়ো এলাক্ ভাববাদী, সেনত্তে তারা ভালোক্কানি কধা কোইনে সিধুগোর্ ভেইয়ুনোরে উচ্চোমি তুলি দিলাক্ আর তারা বিশ্বেজ্‌চান বাড়েইনে তারারে দরমর গুরি তুলিলাক্।

প্রেরিত্‌ 15:5

ফরীশী দলর্ কয়েক্কো মানুচ্‌ বিশ্বেজি ওইয়োন। সেই বিশ্বেজিগুনে উদি থিয়েইনে কলাক্, “অযিহূদীগুনোরে চুনুগুলোগুনোর মাঢাগুন কাবি দেনা দরকার্ আর তারা যেন মোশির রীতি-সুদোমানি পালন গরন্ সেনত্তে তারারে উগুম্ দেনা দরকার্।”

প্রেরিত্‌ 21:20

এ কধানি শুনিনে সেই নেতাগুনে গোজেনরে বাঈনী গুরিলাক্ আর পৌলরে কলাক্, “ভেই, তুই দঅ দেগর্, কদক্ আজার্ আজার্ যিহূদী যীশু উগুরে বিশ্বেজ্ গোজ্জ্যন্ আর তারা বেক্কুনে মোশির রীতি-সুদোম পালেবাত্তে ভারী আওজি।

প্রেরিত্‌ 6:14

আমি তারে এ কধাগান কধে শুন্ন্যেই, সেই নাসরত্ আদামর যীশু এ উবোসনা-ঘরান ভাঙি ফেলেব আর মোশি যে চলেদে সুদোমানি আমারে দি যেয়্যে সিয়েনিয়ো বুদুলি ফেলেব।”

গালাতীয় 2:1

চৌদ্দ বজর্ পরে মুই বার্ণবা লগে আরঅ যিরূশালেমত্ গেলুং, আর তীতরেয়ো সমারে লোলুং।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

গালাতীয় 6:12

যিগুনে বারেদি নিজোরে গম্ দেগেবাত্যে চান্ সিগুনে চুনু মাঢা কাবিবাত্যে তমারে বাধ্য গত্তে চেষ্টা গত্তন্। খ্রীষ্টর্ ক্রুশোত্যে যেন তারা উগুরে অত্যেচার ন-এজে সেনত্যে তারা এধোক্ক্যেন্ গত্তন্।

কলসীয় 2:16

সেনত্যে হানা-দানা বা ধর্মীয় কনঅ পরব্ বা আঙোচ্চ্যা বা জিরেবার দিন্নোলোই তমারে দুষ্ দিবার্ অধিকার কারর্ নেই।

কলসীয় 2:8

তুমি উজিয়ার্ অ, যেন কেঅ মান্‌জ্যর পাম্‌দিয়্যে ছলনাবলা দর্শনর্ শিক্ষ্যেলোই তমারে বন্দী ইজেবে টানি নেযেই ন-পারে। খ্রীষ্ট লগে সেই শিক্ষ্যের্ কনঅ মিল্ নেই; মান্‌জ্যর্ বানেইয়্যে সুদোম আর জগদর্ নানান্ রীতিনীতি উগুরে সিয়েনি নির্ভর গরে।