প্রেরিত্‌ 14:1 - Chakma Bible

¹ ইকনিয় শঅরত্ পৌল আর বার্ণবা তারার্ সুদোম মজিম যিহূদীগুনোর সমাজ-ঘরত্ গেলাক্। সিধু তারা এমন্‌ গুরি কধা কলাক্ যে, যিহূদী আর অযিহূদী ভালোক্ জনে বিশ্বেজ্ গুরিলাক্।

প্রেরিত্‌ 14:1 Iomraidhean Croise

মার্ক 7:26

মিলেবো এলদে অযিহূদী আর সুর-ফৈনীকীত জোর্মেয়্যে। তে যীশু ইধু কোজোলী গরা ধুরিলো যেন তে তা ঝিবোত্তুন্ ভান্ন্যেই আত্মাগান্ দূর্ গুরি দে।

যোহন 12:20

সেই পরবত্ যিগুনে উবোসনা গুরিবাত্যে এচ্চ্যন্ তারা ভিদিরে কয়েক্কো গ্রীকঅ এলাক্।

যোহন 7:35

যীশুর এ কধাগান্দোই যিহূদী নেতাগুনে নিজো ভিদিরে কুয়ো কি গরা ধুরিলাক্, “এ মানুচ্চো কুধু যেবঅ যে, আমি তারে তোগেই ন-পেবং? অযিহূদীগুনো ভিদিরে যে যিহূদীগুন্ ছিদি পোজ্যে আগন্, তে কি সিধু যেইনে অযিহূদীগুনোরে শিক্ষ্যে দিবো?

প্রেরিত্‌ 11:21

গোজেনর্ খেমতা তারা উগুরে এলঅ বিলি বোউত্ মানুচ্ প্রভু উগুরে বিশ্বেজ্ গুরিনে তা ইধু ফিরিলাক্।

প্রেরিত্‌ 13:43

মানুচ্চুনে সমাজ ঘরত্তুন্ যানার্ পরেদি বোউত্ যিহূদী আর যিহূদী ধর্ম বিশ্বেজি গোজেনভক্ত অযিহূদী পৌল আর বার্ণবা সমারে সমারে গেলাক্। সেক্কে সেই মানুচ্চুনো সমারে পৌল আর বার্ণবা কধা কলাক্ আর তারারে উচ্চোমি তুলি দিলাক্ যেন তারা গোজেনর্ দোয়্যে ভিদিরে থির্ থান্।

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 13:5

সালামীত্ লুমিনে তারা যিহূদীগুনোর সমাজ-ঘরত্ গোজেনর্ কধা ফগদাং গুরিলাক্। সেক্কে সাহায্যগুরিয়্যে ইজেবে যোহনে তারা সমারে এলঅ।

প্রেরিত্‌ 13:51

সেক্কে পৌল আর বার্ণবা সেই মানুচ্চুনো বিরুদ্ধে তারার্ টেঙর্ ধূল্যেগানি ঝাড়িনেই ইকনিয় শঅরত্ গেলাক্‌‌কোই।

প্রেরিত্‌ 14:19

পরেদি আন্তিয়খিয়া আর ইকনিয়ত্তুন্ কয়েক্কো যিহূদী এইনে পৌল আর বার্ণবা বিরুদ্ধে মানুচ্চুনোরে ভেজেই দিলাক্। সেক্কে মানুচ্চুনে পৌলরে পাত্তর্ মারিলাক্ আর তে মুরি যেইয়্যে মনে গুরিনে শঅরর্ বারেদি তারে টানি নেযেলাক্।

প্রেরিত্‌ 14:2

মাত্তর্ যে যিহূদীগুনে বিশ্বেজ্ ন-গরন তারা অযিহূদীগুনোরে ভেজেই দিইনে তারার্ মনানি বিশ্বেজি ভেইয়ুনো বিরুদ্ধে রাগেই তুলিলাক্।

প্রেরিত্‌ 14:21

দর্বী শঅরত্ গম্ হবর্ ফগদাং গুরিনে পৌল আর বার্ণবা ভালোকজনরে শিচ্চ্য গুরিলাক্। সে পরেদি তারা লুস্ত্রা, ইকনিয় আর পিষিদিয়া রেজ্যর্ আন্তিয়খিয়াত্ ফিরি যেইনে সিধুগো শিচ্চ্যগুনোর্ বিশ্বেজ্ বাড়েইনে তারারে খেমতাবলা গুরিলাক্ আর বিশ্বেজে থির্ থেবাত্তে উচ্চোমি তুলি দিলাক্। তারা কলাক্, “গোজেন রেজ্যত্ সুমিবার্ আগেদি আমাত্তুন্ বোউত্ দুঘ্ সোজ্য গরানা দরকার।”

প্রেরিত্‌ 16:1

পরেদি পৌল দর্বী আর লুস্ত্রা শঅরত্ গেলাক্। সিয়েনত্ তীমথিয় নাঙে এক্কো শিচ্চ্য থেদঅ। তার মাবো এলঅ খ্রীষ্ট উগুরে বিশ্বেজি এক্কো যিদূদী মিলে, মাত্তর্ তা বাবে জাদে গ্রীক এলঅ।

প্রেরিত্‌ 16:2

লুস্ত্রা আর ইকনিয় শঅরর্ বিশ্বেজি ভেইয়ুনে তীমথিয়রে অমকদ বাঈনী গুরিদাক্।

প্রেরিত্‌ 17:12

বোউত্ যিহূদী যীশু উগুরে বিশ্বেজ্ গুরিলাক্; ইগুন্ বাদে বোউত্ নামিদামী গ্রীক মিলে আর মরদ্অ বিশ্বেজ্ গুরিলাক্।

প্রেরিত্‌ 17:17

তে সমাজ-ঘর ভিদিরে যিহূদীগুনো সমারে আর গোজেন-ভক্ত গ্রীক্‌‌কুনো সমারে তেম্মাং গরা ধুরিলো। ইগুন বাদে যিগুনে বাজারত্ এদাক্ তারা সমারেয়ো তে দিনোর্ পর্ দিন তেম্মাং গরা ধুরিলো।

প্রেরিত্‌ 17:4

এ কধাগান্ শুনিনে কয়েক্কো যিহূদী বিশ্বেজ্ গুরিনে পৌল আর সীল সমারে মিজেলাক্। ইগুন্ বাদে গোজেন-ভক্ত বোউত্ গ্রীক আর বোউত্ বিশেষ বিশেষ মিলেয়ো তারা সমারে মিজেলাক্।

প্রেরিত্‌ 18:4

পত্তি জিরেবার্ দিনোত্ পৌলে সমাজ-ঘরত্ যেইনে যীশু পৌইদ্যেনে কধা কদঅ আর গ্রীক আহ্ যিহূদীগুনোরে যীশুর্ পধত্ আনিবার্ চেষ্টা গত্ত।

প্রেরিত্‌ 18:8

সমাজ-ঘরর্ নেতা ক্রীষ্প আর তা ঘরর্ বেক্কুনে প্রভু উগুরে বিশ্বেজ্ গুরিলাক্। ইয়েন বাদে করিন্থীয়গুনো ভিদিরে ভালোকজনে পৌল কধা শুনিনে বিশ্বেজ্ গুরিলাক্ আর বাপ্তিষ্ম ললাক্।

প্রেরিত্‌ 19:10

দ্বিবজর এবাবোত্যেগুরি বিদি গেলঅ। সেক্কে যে যিহূদী আর গ্রীক্‌‌কুনে এশিয়া রেজ্যত্ থেদাক্ তারা বেক্কুনে প্রভুর্ কধা শুনিলাক্।

প্রেরিত্‌ 19:17

এ হবরান্ যেক্কে ইফিষত্ বজত্তি গুরিয়্যে যিহূদী আর গ্রীক্‌‌কুনে জানি পারিলাক্ সেক্কে তারা বেক্কুনে অমকদ দোরেলাক্, আর প্রভু যীশু নাঙানর্ জদবদে বাঈনী অলঅ।

প্রেরিত্‌ 19:8

ইয়েনর্ পরেদি পৌলে সমাজ-ঘরত্ গেলঅ আর তিন মাস সং জদবদে সাহচ্‌ গুরিনে কধা কলঅ। গোজেন রেজ্য পৌইদ্যেনে তে যুক্তি-তর্কলোই মানুচ্চুনোরে বিশ্বেজ্ গুরিবার চেষ্টা গরা ধুরিলো।

প্রেরিত্‌ 2:47

তারা নিত্য গোজেনরে বাঈনী গুরিদাক্ আর বেক্‌ মানুচ্চুনে তারারে সর্মান গুরিদাক্। যিগুনে পাপত্তুন্ উদ্ধোর্ পাদন্ প্রভু বিশ্বেজি দল সমারে পত্তিদিন তারারে যোগ গরা ধোল্ল্য।

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

প্রেরিত্‌ 21:28

যেরেদি তারা রঅ ছাড়িনে কুয়ো ধুরিলাক্, ইস্রায়েলীয়গুন, উজেই এজঅ। গোদা পিত্‌থিমীর্ মানুচ্চুনো ইধু আমা জাদ্‌ আর আমা রীতি-সুদোম আহ্ উবোসনা-ঘর বিরুদ্ধে যে মানুচ্চো শিক্ষ্যে দিইনে বেড়ায়, ইবে সেই মানুচ্চো। ইয়েন বাদে তে উবোসনা-ঘরত্ গ্রীক্‌কুনোরে আনিনে এই পবিত্র জাগায়ান্ অপবিত্র গোজ্জ্যে।

প্রেরিত্‌ 9:20

সে পরেদি সময় বর্‌বাদ ন-গুরিনে তে নানান্ সমাজ-ঘরত্ এ কধাগান ফগদাং গরা ধুরিলো যে, যীশুই গোজেনর্ পুয়ো।

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 10:12

যিহূদী আর অযিহূদীগুনো ভিদিরে কনঅ বেচ্‌কম্ নেই, কিয়া বেক্কুনোর্ এক্কো প্রভু। যিগুনে তারে ডাগন্ তে তারা উগুরে জদবদে বর্ দে।

গালাতীয় 2:3

মাত্তর্ অযিহূদী অলেয়ো মঅ সমাজ্যে তীতরে চুনু মাঢা কাবিবাত্যেই বাধ্য গরা ন-অয়।

গালাতীয় 3:28

যিহূদী আর অযিহূদী ভিদিরে, চাগর্ আর গিরোজ ভিদিরে, মিলে আর মরদ ভিদিরে কনঅ ফারক্ নেই, কিয়া খ্রীষ্ট যীশু সমারে মিজেইনে তুমি বেক্কুনে এক ওইয়ো।

কলসীয় 3:11

এ অবস্থায় অযিহূদী বা যিহূদী ভিদিরে, চুনু মাঢা কাপ্যে বা চুনু মাঢা-ন-কাপ্যে মান্‌জ্য ভিদিরে, ব-কলম, নিচুজাদ্, চাগর্ বা গিরোজ মোধ্যে কনঅ ফারগ্ নেই; সিয়েনত্ খ্রীষ্ট আজল্ আর তে পত্তিজন ভিদিরে আঘে।

২ তীমথিয় 3:11

ইয়েনিবাদে আন্তিয়খিয়াত, ইকনিয়ত আর লুস্ত্রাত মুই যেদক্কানি অত্যেচার আর দুঘ্ পেইয়োং সেই বেক্‌ অত্যেচারর্ কধায়ো তুই কোই পারচ্, মাত্তর্ প্রভু সিয়েনি বেক্কানিত্তুন্ মরে রোক্ষ্যে গোজ্জ্যে।