প্রেরিত্‌ 13:6 - Chakma Bible

⁶ গোদা দ্বিপ্পো ঘুরিনে যেরেদি তারা পাফোত্ এলাক্ আর সিধু বর-যীশু নাঙে এক্কো যিহূদী যাদুকর্ আর ভন্ড-ভাববাদীর্ দেগা পেলাক্।

প্রেরিত্‌ 13:6 Iomraidhean Croise

১ রাজাবলী 22:22

লগেপ্রভু পুযোর্‌ গুরিলো, ‘কেধোক্ক্যেন্ গুরি গুরিবে?’ তে কলঅ, ‘মুই যেইনে তার্‌ বেক্‌ ভাববাদীগুনোর্‌ মুয়োত্‌ মিজে কধা কবার্‌ আত্মা ওম্‌।’ লগেপ্রভু কলঅ, ‘তুই তারে ভুলেইনে নেযেই পারিবে। তুই যেইনে সিয়েন গর্‌।’

১ বংশধর 10:13

লগেপ্রভু উগুরে অবিশ্বেজি ওইয়্যে বিলিনে শৌল মুরি গেলঅ। তে লগেপ্রভুর কধানি মানি ন-চলে; এন্‌ কি, লগেপ্রভু ইত্তুন্‌ সল্লা ন-চেইনে তে বজং আত্মা সমারে মিজেয়্যে মান্‌জ্যত্তুন্‌ সল্লা নেযেয়্যে। সেনত্তে লগেপ্রভু তা মরণ ঘোদেল আর রেজ্যগান্‌ যিশয় পুয়ো দায়ূদ আদত্‌ তুলি দিলো।

যাত্রা 22:18

কনঅ যাদুগুরিয়্যে মিলেরে বাঁজি থেবাত্তে ন-দিবা।

লেবীয় 20:6

যে মানুচ্চো মঅ উগুরে অবিশ্বেজী ওইনে ভূত্তুনো মাধ্যম ইদু বা ভান্ন্যেই আত্মাগুনো সমারে মিজেই এবাবোত্যে মান্‌জ্য ইদু নিজোরে গোজেই দে মুই তাত্তুন্‌ মুয়োন্‌ ফিরেই নিম আর তা জাদত্তুন্‌ তারে তুলি ফেলেম।

সখরিয় 13:3

তো যুনি কনজনে ভাববাদী ইজেবে কধা কন্ সালে তা নিজোর্ মা-বাবে তারে কবাক্, তত্তুন্ মরা পুরিবো, কিত্যে তুই লগেপ্রভুর নাঙে মিজে কধা কোইয়োচ্। তে ভাববাদী ইজেবে কধা কলে পরেদি তা নিজো মা-বাবে তারে আত্যের্‌লোই মারে ফেলেবাক্।‌‌‌

মথি লেখ্যে গম্ হবর্ 16:17

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

মথি লেখ্যে গম্ হবর্ 7:15

ভণ্ড ভাববাদীগুনো পৌইদ্যেনে উজিয়ার্ অ। তারা তমা ইধু ভেড়া ছাগল চেঙেরালোই এজন্, অদচ ভিদিরেদি তারা রেক্ষস হোক্ক্যে বাঘ ধোক্ক্যেন্।

মার্ক 10:46

পরেদি যীশু আর তা শিচ্চ্যগুনে যিরীহো শঅরত্ গেলাক্। যেক্কে তে শিচ্চ্যগুনো সমারে আর ভালোক্কুন্ মান্‌‌‍জ্য সমারে শঅরত্তুন্ যার্ সেক্কে তীময়র পুয়ো বরতীময় নাঙে এক্কো চোগ্ কান্ ভিখেরী পধ পাজারাত্ বুয়োই এল।

প্রেরিত্‌ 13:13

ইয়েনর্ পরেদি পৌল আর তা সমাজ্যেগুনে পাফো ফেলেইনে জাহাজত্ গুরি পাম্‌ফুলিয়া রেজ্যর্ পর্গা শঅরত্ গেলাক্। যোহনে সেক্কে তারারে ফেলেইনে যিরূশালেমত্ ফিরি গেলঅ।

২ করিন্হীয় 11:13

আসলে সেবাবোত্যে মানুচ্চুনে দঅ ভন্ড প্রচারক আর দগাবাজ্। নিজোরে খ্রীষ্টর্ প্রচারক বিলিনে দেগেবার আজায় তারা নিজোরে বুদুলি ফেলান্।

২ তীমথিয় 3:8

যেধোক্ক্যেন গুরি যান্নি আর যাম্ব্রি মোশি বিরুদ্ধে থিয়্যেয়োন্ ঠিগ্ সেবাবোত্যে গুরি এ মানুচ্চুনেয়ো সেই সত্যগানর্ বিরুদ্ধে থিয়্যেয়োন্। ইগুনোর্ মনানি কুজুরো আর খ্রীষ্টীয় ধর্ম-বিশ্বেজর্ কনঅ প্রমাণ তারা ইধু পাহ্ ন-যায়।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।