প্রেরিত্‌ 13:2 - Chakma Bible

² তারা যেক্কে উবোচ্‌ থেইনে প্রভুর উবোসনা গত্তন্ সেক্কে পবিত্র আত্মাগানে তারারে কলঅ, “বার্ণবা আর শৌলরে মুই যে কামানত্যে ডাক্কোং মর্ সেই কামানত্যে ইক্কিনে তারারে জুদো গরঅ।”

প্রেরিত্‌ 13:2 Iomraidhean Croise

১ বংশধর 16:4

লগেপ্রভুর সুন্দুক্কো মুজুঙোত্‌ সেবা-কামত্তে দায়ূদে কয়েক্কো লেবীয়রে নেযেল যেনে তবনা গরানা, ভালেদি জানানা আর ইস্রায়েল গোজেন লগেপ্রভুরে বাঈনী গুরি পারন্‌।

দানিয়েল 9:3

সেনত্তে মুই উবোস্ থেইনে, বস্তা পাদা পিনিনে আর ছেই মিগিনেই কোজোলী আর আওজে প্রভু গোজেন ইধু তবনা গুরিলুং।

মথি লেখ্যে গম্ হবর্ 17:21

তবনা আর উবোস্ বাদে এবাবোত্যে ভুদোরে নিগিলে দি ন-পারে।

মথি লেখ্যে গম্ হবর্ 6:16

তুমি যেক্কে উবোস্ থাগঅ সেক্কে ফক্করুনো ধোক্ক্যেন্ মুয়োন্ কালা গুরি ন-রাগেয়ো। তারা যে উবোস্ থাদন্ সিয়েন মান্‌জ্যরে দেগেবাত্তে তারা মাঢাবোত্ আর মুয়োনত্ ছেই গুলিনে বেড়ান্। মুই তমারে ঘেচ্চেকগুরি কঙর্, তারা তারার্ বক্‌শিজ্‌চানি পেইয়োন।

মথি লেখ্যে গম্ হবর্ 9:38

সেনত্তে খেত্-খেত্তি গিরোজ্‌সো ইধু কোজোলী গরঅ যেন তে তার খেত্-খেত্তিগানি কাবিবাত্তে মানুচ্ পাধেই দে।”

লূকে লেখ্যে গম্ হবর্ 10:1

ইয়েনর্ পরেদি প্রভু যীশু আরঅ সত্তুর্‌জন শিচ্চ্যরে প্রচারত্ পাধেবাত্তে বেঈ নেযেল। তে নিজে যে আদামত্ আর যে জাগাত্ যেবঅ বিলি ঠিগ্ গোজ্যে সেই বেক্ জাগানিত্ যেবার্ আগেদি শিচ্চ্যগুনোরে দ্বিজন্ দ্বিজন্ গুরি পাধেই দিলো।

প্রেরিত্‌ 10:19

পিতরে সেক্কেয়ো দর্শনর্ কধা ভাবের্, এমন্ সময়োত্ পবিত্র আত্মাগানে তারে কলঅ, “চাহ্, তিনজন মান্‌জ্যে তরে তোগাদন্।

প্রেরিত্‌ 10:30

সেক্কে কর্ণীলিয় কলঅ, “চের্ দিন আগে ঠিগ্ এ সময়োত্ বেল্যেমাদান্ তিন্নো বাজদে মুই মঅ ঘরত্ তবনা গরঙর্। এমন সময়োত্ আদিক্ক্যে গুরি জ্বোল্‌জোল্ল্যা কাবড় উজ্যে এক্কো মানুচ্‌ মঅ মুজুঙোত্ এইনে থিয়্যেইনে কলঅ,

প্রেরিত্‌ 13:3

সেক্কে তারা উবোচ্‌ থেইনে আর তবনা গুরিনে সেই দ্বিজন উগুরে আঢ্‌তানি রাগেলাক্ আর তারারে পাধেই দিলাক্।

প্রেরিত্‌ 13:4

পবিত্র আত্মাগানে এবাবোত্যেগুরি বার্ণবা আর শৌলরে দিপাধেলে যেরেদি সেই দ্বিজনে সিলূকিয়াত্ গেলাক্। যেরেদি সিয়োত্তুন তারা জাহাজত্ গুরিনে সাইপ্রাস দ্বীপোত্ গেলাক্।

প্রেরিত্‌ 14:26

পরেদি অত্তালিয়াত্তুন্ জাহাজত্ গুরি সিরিয়া দেজর্ আন্তিয়খিয়াত্ ফিরি এলাক্। যে কামান্ তারা ইক্কিনে থুম্ গুরিলাক্ সেই কামানত্যে এই আন্তিয়খিয়াত্ গোজেনর্ দোয়্যের্ আঢত্ তারারে তুলি দিয়্যে ওইয়্যে।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

প্রেরিত্‌ 22:21

সেক্কে প্রভু মরে কলঅ, তুই যাহ্, মুই তরে দূরোত্ অযিহূদীগুনো ইধু পাধেম্।

প্রেরিত্‌ 4:36

যোষেফ নাঙে লেবি গুট্টির্ এক্কো মানুচ্‌ এলঅ। সাইপ্রাস দ্বিপোত্ তার্ ঘর্ এলঅ। তারে প্রচারক্কুনে বার্ণবা, অত্তাৎ উচ্চোমী তুলি দিয়্যেবো বিলিনে ডাগিদাক্।

প্রেরিত্‌ 8:29

সেক্কে পবিত্র আত্মাগানে ফিলিপরে কলঅ, “সে রথ্‌তান কুরে যাহ্ আর সিয়েন সমারে সমারে যাহ্।”

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

রোমীয় 10:15

সিয়েন বাদে কেঅ দি ন-পাধেলে কেধোক্ক্যেন্ গুরিনে প্রচারগ্‌কুনে প্রচার গুরিবাক্? পবিত্র বোইবোত্ লেগা আঘে, “বর্ পেইয়্যে তারার্ টেঙানি যিগুনে ভালেদির্ গম্ হবর্ প্রচার গুরিবাত্তে এজন্।”

১ করিন্হীয় 12:11

এ বেক্‌ কামানি সেই একই পবিত্র আত্মাগানে গুরি থায়। তে যেবাবোত্যেগুরি আওজ্ গরে সেবাবোত্যেগুরি এই বেক্ দানানি পত্তিজনরে যুদো যুদো গুরি দে।

১ করিন্হীয় 7:5

একজন আরেকজন সমারে কিয়্যেদি মিজেবাত্তে মানা ন-গোজ্জ্য; মাত্তর্ বানা তবনা গুরিবার্ সুযোগ্ পেবাত্তে একমত ওইনে কিজু সময়োত্তে ফারগ্ থেই পারঅ। সে পরেদি আরঅ একসমারে মিজেয়ো, যেন নিজোরে দমনর্ অভাবে শদানে তমারে পাপ ইন্দি টানি ন-পারে।

২ করিন্হীয় 11:27

খ্রীষ্টর্ সেবা গুরিবাত্যে যেইনে মুই দুঘোত্অ জদবদে কাম গোজ্জ্যং। মুই ভালোক্ রেত্ জাগি রোইয়োং, পেট পরায় আর পানি তিরেজে দুঘ্ পেইয়োং, উবোস্ থেইয়োং, জারে আর কাবর-চুগরর্ অভাবে দুঘ্ পেইয়োং।

২ করিন্হীয় 6:5

কদক্ আমারে পিদে ওইয়্যে, কদক্ জেলোত্ দিয়্যে ওইয়্যে, কদক্ দাংগা-হাংগামা আমা উগুরেদি যেয়্যে, কদক্ কাম গোজ্জ্যেই, কদক্ রেত্ আমি ঘুম্ ন-যেইনে কাদেয়্যেই আর কদক্‌‌বার্ ন-হেইনে থেইয়্যেই।

গালাতীয় 1:15

মাত্তর্ গোজেনে মর্ জর্মর সময়ত্তুন্ ধুরি মরে বেঈ লোইনে থোইয়্যে আর তার্ দোয়্যেলোই প্রচারক অবাত্যে তে মরে ডাক্ক্যে।

ইফিষীয় 3:7

গোজেনে তার্ দাঙর্ খেমতা অনুসারে মরে যে দোয়্যে গোজ্জ্যে সেই দোয়্যের্ দান ইজেবে তে মরে গম্ হবর্ প্রচার গুরিবার কামান্ দিয়্যে।

দ্বি’লম্বর বিররণ 10:8

সে অক্তত্‌ লগেপ্রভু তার বেবস্থা-সুন্দুক্কো বুয়োই নেযেবাত্তে আর সেবা কামর্‌ নাঙে তা মুজুঙোত্‌ থিয়্যেবাত্তে আর তা নাঙে আশিদ্‌বাদ্ ফগদাং গুরিবাত্তে লেবীয়গুনোরে বেঈ লোইয়্যে। এ বেক্‌ কামানি তারা এজঅ গত্তন্‌।

কলসীয় 4:17

আর্খিপ্পরে এ কধাগান কঅ, “প্রভুর সেবা গুরিবাত্যে তরে যে কামান্ দিয়্যে ওইয়্যে সিয়েন থুম্ গরানা ইন্দি বিশেষ গুরি মনযোগ দুয়ো।”

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

২ তীমথিয় 1:11

আর এই গম্ হবরান জানেবাত্যে মরে প্রচারক, মাষ্টর ইজেবে নেযা ওইয়্যে।

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

২ তীমথিয় 4:11

বানা লুকে মঅ কায়কুরে আঘে। তুই মার্করে সমারে গুরি আনিচ্, কিয়া মঅ কামত্ তারে ভারী দরকার।

২ তীমথিয় 4:5

মাত্তর্ তুই বেক্কানিত্ নিজোরে দোঙেই রাগা, দুঘ্ সোজ্জ্য গর্ আর খ্রীষ্ট পৌইদ্যেনে গম হবর্ প্রচার গরানাত্ থাক্, আর গোজেনে তরে যে কাম গুরিবাত্যে দিয়্যে সিয়েন থুম্ সং গর্।

ইব্রীয় 5:4

দাঙর্ ধর্মগুরু অবার্ সর্মানান কেঅ নিজে লোই ন-পারে, মাত্তর্ গোজেনে যিবেরে ডাগে তেয়ই সেই সর্মানান পায়, যেধোক্ক্যেন দাঙর্ ধর্মগুরু অবাত্যে গোজেনে হারোণরে ডাক্ক্যে।

১ শমূয়েল 2:11

ইয়েনর্ পরেন্দি ইল্‌কানা রামাত্ তার নিজোর ঘরত্‌ ফিরি গেলঅ, মাত্তর্‌ শমূয়েলে ধর্মগুরু এলির অধীনোত্তুন্‌ লগেপ্রভুর সেবা গরা ধুরিলো।