প্রেরিত্‌ 13:16 - Chakma Bible

¹⁶ সেক্কে পৌলে উদিনে থিয়েল আর আঢ্ তুলিনে কলঅ, ইস্রায়েলীয়গুন আর গোজেন ভক্ত অযিহূদীগুন, তুমি শুনো।

প্রেরিত্‌ 13:16 Iomraidhean Croise

১ রাজাবলী 8:40

তুই সিয়েনি গুরিচ্‌ যেনে আমা পুরোণিমানুচ্চুনোরে তুই যে দেজ্‌ছান দুয়োচ্‌ সিয়েনত্‌ সারা জিংকানিবর্‌ তঅ মানুচ্চুনে তরে ভোক্তিবলা দোরেইনে চলন্‌।

গীতসংহিতা 135:20

ও লেবির বংশ, লগেপ্রভুরে বাঈনী গরঅ; ও লগেপ্রভুর ভক্তগুন্, তুমি গোজেনরে বাঈনী গরঅ।

গীতসংহিতা 67:7

গোজেনে আমারে আশিদ্‌বাদ গোজ্যে; সিয়েনি দেগিনে পিত্‌থিমীর বেগত্তুন দূর দেজর মানুচ্চুনেয়ো তার ভক্ত অবাক্।

গীতসংহিতা 85:9

যিগুনে তারে ভোক্তি গরন ঘেচ্চেক্‌গুরি তার উদ্ধোর্ গুরিবার অক্তবো তারা ইদু এচ্চ্যে; সেক্কে তা মহিমাগান আমা দেজত্ বজত্তি গুরিবো।

মথি লেখ্যে গম্ হবর্ 11:15

যিবের্ শুনিবার্ কান্ আঘে তে শুনোক্।”

লূকে লেখ্যে গম্ হবর্ 1:22

পরেদি সখরিয় যেক্কে নিগিলি এলঅ সেক্কে মানুচ্চুনো লগে কধা কোই ন-পারিলো। ইয়েন্দোই মানুচ্চুনে বুঝি পারিলাক্ পবিত্র জাগাত্ তে কনঅ দর্শন পেইয়্যে। তে মানুচ্চুনো ইধু ইজিরেদি কধা কুয়ো ধুরিলো আর ববা ওই রলঅ।

লূকে লেখ্যে গম্ হবর্ 1:50

যিগুনে তারে ভোক্তি গরন্ তারা উগুরে তে দোয়্যে গরে, গুট্টির্ পর্ গুট্টি ধুরি গরে।

লূকে লেখ্যে গম্ হবর্ 23:40

সেক্কে অন্য মানুচ্চো তারে গেইল্‌ দিইনে কলঅ, “তুই কি গোজেনরে ন-দরাচ্? তুই দঅ এক্কুই সাজা পর্।

প্রেরিত্‌ 10:2

যিহূদী ন-অলেয়ো তে গোজেনভক্ত এলঅ আহ্ তে আর তা পরিবারর্ বেক্কুনে গোজেনর্ উবোসনা গুরিদাক্। তে নাঢাগুনোরে বোউত্ টেঙা-পৌইজ্যে দান গুরিদো আর গোজেন ইধু পেরায় তবনা গুরিদো।

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

প্রেরিত্‌ 12:17

পিতরে তারারে জুরো অবাত্যে আঢ্‌তোই ইজিরে দিলো আর জেলখানাত্তুন্ প্রভু তারে কেধোক্ক্যেন্ গুরি নিগিলেই আন্ন্যে সিয়েন জানেল। যেরেদি তে কলঅ, “এ হবরান্ যাকোব আর অন্য ভেইয়ুনোরেয়ো দুয়ো।” এ কধাগান কোইনে তে নিগিলিনে অন্য জাগাত্ গেলগোই।

প্রেরিত্‌ 13:26

ভেইলগ্, অব্রাহাম গুট্টিগুন্ আর গোজেনভক্ত অযিহূদীগুন, পাপত্তুন্ উদ্ধোরর্ এই যে হবরান্ সিয়েন আমা ইধু দিপাদা ওইয়্যে।

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 19:33

যিহূদীগুনে আলেক্‌সান্দররে মুজুঙোত্ ঠিলি দিলে পরেদি কয়েক্কো মান্‌জ্যে তারে কোই দিলাক্ কি কুয়ো পরিবো। সেক্কে আলেক্‌সান্দরে মানুচ্চুনো মুজুঙোত্ নিজো পক্ষে কধা কবাত্যে আঢ ইজিরেলোই মানুচ্চুনোরে জুরো গুরিবাত্তে চেষ্টা গুরিলো।

প্রেরিত্‌ 2:14

সেক্কে পিতরে সেই এগারজন শিচ্চ্য সমারে থিয়্যেইনে দাঙর্ রঅ গুরিনে সিয়েনি বেক্কানি মানুচ্চুনোরে কলঅ, যিহূদীগুন আর যিগুনে তুমি যিরূশালেমত্ বজত্তি গরর্, তুমি জানি রাগঅ আর মন দিইনে মঅ কধাগান শুনো।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

প্রেরিত্‌ 21:40

আজল্ সেনাপতিবোর্ অনুমতি পেইনে পৌলে সিড়ি উগুরে থিয়্যেল আর আঢ্ তুলিনে মানুচ্চুনোরে জুরো অবাত্তে ইজিরে দিলো। মানুচ্চুনে জুরো অলে পরেদি পৌলে ইব্রীয় কধাদি তারারে কলঅ,

প্রেরিত্‌ 22:22

মানুচ্চুনে এদক্কন্ সং পৌল কধা শুনোদন্, মাত্তর্ যেক্কে তে অযিহূদীগুনো কধা কলঅ সেক্কে মানুচ্চুনে রঅ ছাড়িনে কুয়ো ধুরিলাক্, “তারে পিত্‌থিমীত্তুন্ দূর্ গুরি দুয়ো; তে বাঁজি থেবার্ মত নয়।”

প্রেরিত্‌ 3:12

শলোমন নাঙে যে বারান্দাগান এলঅ তারা সেক্কে সিয়েনত্ এলাক্। এ বেপারান্ দেগিনে পিতরে মানুচ্চুনোরে কলঅ, ইস্রায়েলীয়গুন, ইয়েন্দোই তুমি কিত্ত্যেই আমক্ অর্? আমা নিজো বল্লোই বা গোজেন উগুরে ভক্তির্ গুণে ইবেরে আঢিবার বলান্ দুয়োং মনে গুরিনে কিত্ত্যেই বা তুমি আমা ইন্দি রিনি চেই আঘঅ?

ফগদাং পেইয়্যে 2:11

যিবের শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো দ্বি'পল্লা মরণ অলেয়ো কনবাবদে তার ক্ষতি ন-গুরিবো।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।

ফগদাং পেইয়্যে 2:29

যিবের্ শুনিবার কান্ আঘে তে শুনোক্, পবিত্র আত্মা মন্ডলীগুনোরে কি কর্!

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।