প্রেরিত্‌ 13:13 - Chakma Bible

¹³ ইয়েনর্ পরেদি পৌল আর তা সমাজ্যেগুনে পাফো ফেলেইনে জাহাজত্ গুরি পাম্‌ফুলিয়া রেজ্যর্ পর্গা শঅরত্ গেলাক্। যোহনে সেক্কে তারারে ফেলেইনে যিরূশালেমত্ ফিরি গেলঅ।

প্রেরিত্‌ 13:13 Iomraidhean Croise

প্রেরিত্‌ 12:12

এ কধাগান বুঝি পারিনে তে যোহনর মা মরিয়ম ঘরত্ গেলঅ। এই যোহনরে মার্ক বিলিনেয়ো ডাগা অদঅ। সেই ঘরত্ ভালোকজনে এক সমারে এগত্তর্ ওইনে তবনা গত্তন্।

প্রেরিত্‌ 15:36

কয়েক দিন বাদে পৌল বার্ণবারে কলঅ, “যেদক্কানি জাগাত্ আমি প্রভুর কধা ফগদাং গোজ্যেই, যেই, ইক্কিনে সেই বেক্‌ জাগানিত্ ফিরি যেইনে বিশ্বেজি ভেইয়ুনো সমারে দেগা গুরিই আর তারা কেধোক্ক্যেন্ আগন্ সিয়েন চেইয়োই।”

প্রেরিত্‌ 15:38

মাত্তর্ পৌলে তারে সমারে নেযানা গম্ বিলিনে মনে ন-গুরিলো, কিয়া মার্কে পাম্‌ফুলিয়াত্ তারারে ফেলেইনে যেয়্যেগোই আর তারা সমারে আর্ কাম্ ন-গরে।

প্রেরিত্‌ 2:10

ফরুগিয়া আর পাম্‌ফুলিয়া, মিসর আর কুরীণীর কায়কুরে লিবিয়ার কয়েক্কান জাগার মানুচ্চুন, রোম শঅরত্তুন্ যে যিহূদীগুন আর যিহূদী ধর্ম বিশ্বেজি অযিহূদীগুন এচ্চ্যন্ তারা,

প্রেরিত্‌ 27:13

পরেদি যেক্কে লারে লারে দোগিণো বৈয়্যের্ বাহ্ ধুরিলো সেক্কে তারা মনে গুরিলাক্ তারা যিয়েন চেয়োন্ সিয়েনই ওইয়্যে। ইয়েনত্তে তারা জাহাজর্ নোংগর্ তুলিনে ক্রীট দ্বীপর্ পারেদি গেলাক্।

প্রেরিত্‌ 27:5

যেরেদি আমি কিলিকিয়া আর পাম্‌ফুলিয়া মুজুঙোত্ যে সাগরান্ এলঅ সেই সাগরান্ পার্ ওইনে লুকিয়া রেজ্যর্ মুরা শঅরত্ লুমিলোং।

কলসীয় 4:10

মঅ সমারে বন্দী ভেই আরিষ্টার্খ আর বার্ণবার কুদুম্মো মার্কয়ো তমারে পাত্তুরু তুরু জানার্। মার্কর পৌইদ্যেনে তুমি দঅ আগেদি উগুম পেয়ো, তে যুনি তমা ইধু এজে সালে তারে আদর্ গুরিনে মানি লোইয়ো।

২ তীমথিয় 4:11

বানা লুকে মঅ কায়কুরে আঘে। তুই মার্করে সমারে গুরি আনিচ্, কিয়া মঅ কামত্ তারে ভারী দরকার।