প্রেরিত্‌ 12:8 - Chakma Bible

⁸ সেক্কে স্বর্গদূত্‌তো পিতররে কলঅ, “তঅ ফার্‌বোত্ কমর্-বিজোনিগান লাগা, টেঙত্ জদা পিন্।” পিতরে সিয়েন গুরিলো। স্বর্ঘদূত্‌তো তারে কলঅ, “তঅ কাবড়ান্ কিয়্যেত্ বেড়েইনে মঅ পিজে পিজে আয়।”

প্রেরিত্‌ 12:8 Iomraidhean Croise

মথি লেখ্যে গম্ হবর্ 3:11

মনান্ ফিরেয়ো বিলি মুই তমারে পানিত্ বাপ্তিষ্ম দুয়োঙর্, মাত্তর্ মঅ পরেদি যিবে এজের্ তে মত্তুন্অ বেশ্ খেমতাবলা। মুই তার জদানি বুয়োবার্ যগাজ্যে নয়। তে পবিত্র আত্মা আর আগুনোত্ তমারে বাপ্তিষ্ম দিবো।

মার্ক 6:9

তে তারারে সেন্ডেল্ পিনিবাত্তে কলঅ ঠিগ্, মাত্তর্ এক্কোত্তুন্ বেশ্ সিলুম উরিবাত্তে মানা গুরিলো।

লূকে লেখ্যে গম্ হবর্ 12:37

গিরোজে যে চাগরুনোরে জাগি থাগদে দেগিবো, সিগুনে বর্‌পেইয়্যে। মুই তমারে ঘেচ্চ্যেক্‌‌‌গুরি কঙর্, সেই গিরোজ্‌‌‌সো ফারত্ কাবর বেড়েইনে তারারে বোজেব আর এইনে নিজে তারারে খাবেব।

প্রেরিত্‌ 12:7

এমন্ সময়োত্ আদিক্ক্যেগুরি প্রভুর এক্কো দূত্ সিয়েনত্ এইনে থিয়েল। সেক্কে জেল্‌খানাত্ সেই ঘরান্ পহ্‌রে জ্বোল্‌জোল্যে ওই উদিলো। স্বর্গদূত্‌তো পিতর কিয়্যেত্ জোরে ঠেলা দিইনে তারে জাগেইনে কলঅ, “যাদিমাদি উদো।” ইয়েন্দোই পিতর দ্বি আঢত্তুন্ শিগোলান্ খুয়োই পড়ি গেলঅ।

প্রেরিত্‌ 12:9

পিতরে তা পিজে পিজে জেল্‌খানাত্তুন্ বারেদি এলঅ, মাত্তর্ স্বর্গদূত্‌তো যিয়েন্ গোজ্জ্যে সিয়েন যে ঘেচ্চ্যেক্ গুরি ঘোট্যে সিয়েনর্ কিচ্চু তে বুঝি ন-পারিলো। তে মনে গুরিলোদে দর্শন দেগের্।

প্রেরিত্‌ 27:23

মুই যিবের্ মানুচ্‌ আর মুই যিবেরে সেবা গরং সেই গোজেনর্ এক্কো দূত্ গেল্লে রেদোত্ মঅ কায়কুরে থিয়্যেইনে কলঅ,

প্রেরিত্‌ 8:26

এক দিন্ন্যে প্রভুর এক্কো দূত্ ফিলিপরে কলঅ, “উঠ্, দোগিণেদি যে পধ্‌তান যিরূশালেমত্তুন্ গাজা শঅর ইন্দি যেয়্যে সে পধ্‌তান ইন্দি যাহ্।” পধ্‌তান এলঅ ধূল্যেচর ভিদিরে।