প্রেরিত্‌ 12:6 - Chakma Bible

⁶ যেদিন্ন্যে হেরোদে বিচেরত্যে পিতররে নিগিলেই আনিবো তা আগ রেদোত্ দ্বিজন সৈন্যর্ সংমধ্যে পিতরে ঘুম যার্। তারে দ্বিআন্ শিগোল্লোই বানি থুয়ো ওইয়্যে আর চুগিদারুনে দুয়োরত্ চুগি দেদন্।

প্রেরিত্‌ 12:6 Iomraidhean Croise

পত্থম 22:14

তে সে জাগায়ান নাঙান্‌ দিলো যিহোবা-যিরি (যিয়েনর ভেদ্‌তান্ “লগেপ্রভু যুগেই দে”)। সেনত্তে ইক্কিনিয়ো মান্‌জে কন্‌, “লগেপ্রভুর্‌ মুড়োবোত্‌ লগেপ্রভুই যুগেই দে।”

গীতসংহিতা 4:8

ও লগেপ্রভু, তুয়ই মরে দর্‌বুগ্ নেইয়্যে গুরি রাগেয়োচ্, সেনত্তে মুই বিচ্ছোনত্ পড়িনে গমেডালে ঘুম্ যেম্।

যিরমিয় 40:1

যিরূশালেম আর যিহূদার বেক বন্ধীগুনোরে বাবিলত্ নেযেবার অক্তত্ বাবিল রাজার সেনাপতি নবূষরদনে তারা সমারে যিরমিয়রেয়ো শিগোল্লোই বানিনে নেযার্। পদথ্ তে রামাত্তুন্ যিরমিয়রে ইরি দিলো। ইয়েনর্ পরেদি লগেপ্রভু যিরমিয় ইধু কধা কোইয়্যে।

যিরমিয় 40:4

মাত্তর্ এচ্চ্যে মুই তঅ আঢ শিগলত্তুন্ তরে উদ্ধোর গুরিলুং। তুই যুনি চাজ্ সালে মঅ সমারে তুই বাবিলোত্ যেই পারচ্, মুই তরে দেগাশুনো গুরিম; মাত্তর্ যুনি যেবাত্তে ন-চাজ্ সালে ন-যেচ্। চাহ্, পুরো দেজ্‌চান তঅ মুজুঙোত্ পড়ি আঘে; তুই যিয়েনত্ হুজি যেই পারচ্।”

মথি লেখ্যে গম্ হবর্ 28:4

চুগিদারুনে এদক্ দোরেয়োন যে তারা গির্‌গিরা ধুরিলাক্ আর মরা ধোক্ক্যেন্ অলাক্।

প্রেরিত্‌ 12:5

ইয়েনত্যে পিতররে জেলখানাত্ আক্‌সোই রাগা অলঅ। মাত্তর্ মন্ডলী মানুচ্চুনে গোজেন ইধু পিতরত্যে কোজোলী গুরিনে তবনা গত্তন্।

প্রেরিত্‌ 21:33

সেক্কে আজল্ সেনাপতিবো এইনে পৌলরে বন্দী গুরিলো আর দ্বিয়েন শিগোল্লোই তারে বানিবার্ উগুম্ দিলো। সে পরেদি তে পুযোর্ গুরিলো, মানুচ্চো কন্না?

প্রেরিত্‌ 28:20

ইয়েনত্যে মুই তমা সমারে দেগা গুরিবাত্তে আর কধা কবাত্তে চেইয়োং। ইস্রায়েল জাদর্ যে আজা আঘে সেই আজাগানত্তে মরে এ শিগোলান্দোই বানা ওইয়্যে।”

প্রেরিত্‌ 5:23

সেক্কে তারা ফিরি যেইনে এ হবরান্ দিলাক্, “আমি দেগিলোং জেলো দোরানত্ দরমর গুরিনে তালা মাজ্জ্যে আঘে আর দোরোত্ চুগিদার থিয়্যেই আঘন্, মাত্তর্ দোরান্ খুলিনে কাররে ভিদিরে ন-দেগিলোং।”

ইফিষীয় 6:20

এই গম্ হবরান্ প্রচারত্যে মুই শিগোলত্ বান্যে খেলেয়ো খ্রীষ্টর দূতোর্ কাম গরঙর্। তবনা গরঅ যেন জেলো ভিদিরে থেইনে যেবাবোত্যে গুরি সেই গম্ হবরান মর্ প্রচার গরানা উচিত সেবাবোত্যেগুরি সাহচ্ গুরিনে সিয়েন গুরি পারং।

দ্বি’লম্বর বিররণ 32:26

মুই কোইয়োং, মুই তারারে কট্টা কট্টা গুরি ফেলেম, তারার কধানি মান্‌জ্যর মনত্তুন পুঝি ফেলেম্‌।

২ তীমথিয় 1:16

অনীষিফর ঘোর্‌‌‌‌‌বোগুনো উগুরে প্রভু দোয়্যে গোরোক্; তে ভালোক্ বার্ মরে তচ্‌তাজা গুরি তুল্যে, আর মুই জেল্ খাট্যে ওইয়োং বিলিনে তে ন-লাজায়।

ইব্রীয় 13:6

ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?