প্রেরিত্‌ 12:4 - Chakma Bible

⁴ তে পিতররে ধুরিনে জেলোত্ দিলো। চের্‌জন চের্‌জন গুরি চের্ দল সৈন্য উগুরে পিতররে চুগি দিবার ভারান্ দিয়্যে অলঅ। হেরোদে ঠিগ্ গুরিলো, উদ্ধোর্-পরবর্ পরেদি বিচের্ গুরিবাত্যে পিতররে মানুচ্চুনো ইধু নিগিলেই আনিবো।

প্রেরিত্‌ 12:4 Iomraidhean Croise

ইষ্টের 3:13

রাজার পুরো চাগালাগানিত্‌ হবর্‌ বোইয়্যেগুনোরে দিইনে চিদি পাদা অলঅ। সে চিদিগানিত্‌ উগুম্‌ দিয়্যে অলঅ যেনে অদর নাঙে বার মাজর্ তের দিনোত্‌ যিহূদীগুনোর বেক্‌ পূঅগুন-বুড়োগুন-চিগোন গুরোগুন-মিলেগুনোরে, অত্তাৎ বেক্কুনোরে ভস্ত গরা অয়, অত্তাৎ মারে ফেলা অয়, এক্কুবারে শেজ্‌ গুরি দিয়্যে অয়। ইয়েনিবাদেয়ো তারার্‌ পযাপিরানি যেনে লুদো অয়।

যাত্রা 12:1

পরেদি লগেপ্রভু মিসর দেজত্‌ মোশি আর হারোণরে কলঅ,

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

গম্ উপদেজ্ 27:1

এজেত্তে কেল্যে পৌইদ্যেনে বাড়্‌বো ন-গোজ্য, কিত্তে কন্ দিন কি অবঅ সিয়েন তুই হবর্ ন-পাজ্।

আবিলেচ্ 3:37

যুনি লগেপ্রভু উগুম ন-দে সালে কন্না মুয়োদি কোইনে কিজু ঘোদেই পারে?

মথি লেখ্যে গম্ হবর্ 24:9

সে পরেদি তমারে বানি থবাক্ আর সাজা দিবাত্যে ধুরিবাক্ আর তমারে খুন্ গুরিবাক্। মত্তে বেক্ মানুচ্চুনে তমারে ঘিনেবাক্।

মথি লেখ্যে গম্ হবর্ 26:5

মাত্তর্ তারা কলাক্, “পরবর্ সময়োত্ নয়; সেক্কে মানুচ্চুনো ইধু অয়ত কোল্-কোজ্যে আরাম্ভ অবঅ।”

মার্ক 14:1

সেক্কেনে উদ্ধোর-পরব্ আর সদানেইয়্যে রুটি পরবর্ বানা আর দ্বিদিন বাগি। আজল্ ধর্মগুরুগুনে আর ধর্ম-মাষ্টরুনে ভিদিরে ভিদিরে যীশুরে ধুরিনে মারে ফেলেবার্ পথ্‌‌তান্ তগাদন্।

লূকে লেখ্যে গম্ হবর্ 21:12

ইয়েনি বেক্কানি অবার্ আগেদি মানুচ্চুনে তমারে ধুরিবাক্ আর তমা উগুরে অত্যেচার্ গুরিবাক্। বিচেরত্যে তারা তমারে সমাজ-ঘরত্ নেযেবাক্ আর জেলোত্ দিবাক্। মত্তে রাজাগুনোর্ আর শাসনগুরিয়্যেগুনো মুজুঙোত্ তমারে নেযা অবঅ,

লূকে লেখ্যে গম্ হবর্ 22:33

পিতর যীশুরে কলঅ, “প্রভু, তঅ সমারে মুই জেলোত্ যাদে আর মুরিবাত্তেয়ো যুক্কোল্ আঘং।”

যোহন 19:23

যীশুরে ত্রুুশোত্ দেনার্ পরেদি সৈন্যগুনে তা কাবড়-চুগোড়ানি লোইনে নিজো ভিদিরে চের্ ভাগ্ গুরিলাক্। পরেদি তারা যীশুর্ সুলুম্মোয়ো নেযেলাক্। সেই সুলুম্মোত্ কনঅ সিলেই ন-এলঅ, উগুরেত্তুন্ ধুরি তলেদি সং বেক্কান্ বুন্ন্যে এলঅ।

যোহন 21:18

মুই তরে ঘেচ্চ্যেক্‌গুরি কঙর্, তুই যেক্কে গাবুর্ এলে সেক্কে তুই নিজে তর্ ফার্‍বো বানিদ্যে আর যিধু মনে কয় সিধু যেদে। মাত্তর্ যেক্কে তুই বুড়ো অবে সেক্কে তুই তঅ আঢ্‌তান্ বাবেই দিবে আর অন্য একজনে তরে বানিবো আর তুই যিধু যেবার্ ন-চাজ্ সিধু নেযেব।”

প্রেরিত্‌ 12:3

যেক্কে তে দেগিলো যিহূদীগুনে সিয়েন্দোই হুজী ওইয়োন্ সেক্কে তে পিতররেয়ো ধুরিবাত্যে গেলঅ। এ ঘটনাগান সদানেইয়্যে রুটি পরবর্ সময়োত্ ওইয়্যে।

প্রেরিত্‌ 12:5

ইয়েনত্যে পিতররে জেলখানাত্ আক্‌সোই রাগা অলঅ। মাত্তর্ মন্ডলী মানুচ্চুনে গোজেন ইধু পিতরত্যে কোজোলী গুরিনে তবনা গত্তন্।

প্রেরিত্‌ 4:28

তর্ খেমতালোই আর আওজ্‌সোই যিয়েনি ঘুদিবো বিলি তুই আগে ঠিগ্ গুরি থোইয়োচ্ তারা সিয়েনই গোজ্যন্।

প্রেরিত্‌ 4:3

তারা পিতর আর যোহনরে ধুরিলাক্ আর সাজোন্যে ওই যেয়্যে বিলি তার্ কেল্ল্যে সং আজদত্ থলাক্।

প্রেরিত্‌ 5:18

তারা দিপাধেয়্যে প্রচারক্কুনোরে ধুরিনে সরকারী জেলোত্ দিলাক্।

প্রেরিত্‌ 8:3

মাত্তর্ শৌলে সেই মন্ডলীবোরে ভস্ত গুরিবাত্তে ঘরে ঘরে যেইনে সেই মন্ডলীর মরদ্ আর মিলেগুনোরে টানি আনিনে জেলোত্ দিয়্যে ধল্ল।