প্রেরিত্‌ 12:3 - Chakma Bible

³ যেক্কে তে দেগিলো যিহূদীগুনে সিয়েন্দোই হুজী ওইয়োন্ সেক্কে তে পিতররেয়ো ধুরিবাত্যে গেলঅ। এ ঘটনাগান সদানেইয়্যে রুটি পরবর্ সময়োত্ ওইয়্যে।

প্রেরিত্‌ 12:3 Iomraidhean Croise

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

যাত্রা 23:15

তুমি সদাছাড়া পিদের্‌ পরব্‌ পালেবা। মুই তমারে যে উগুমানি দুয়োং সেধোক্ক্যেনগুরি তুমি সাত দিন সং সদাছাড়া পিদে হেবা। আবীব মাজর্‌ ঠিগ্ সময়োত্‌ ইবে পালেবা, কিত্তে সেই মাজত্‌ তুমি মিসর্‌ দেজত্তুন্‌ নিগিলি এচ্চ্য। কনজনে যেনে সেক্কে সুদো আত্তোই‌ মইদু ন-এজন্‌।

মথি লেখ্যে গম্ হবর্ 26:17

সদানেইয়্যে রুটি পরবর্ পত্তম্ দিনোত্ শিচ্চ্যগুনে যীশু ইধু এইনে কলাক্, “তত্তে উদ্ধোর্-পরবর্ হানা আমি কুদু যুক্কোল্ গুরিবোং?”

যোহন 12:43

তারা গোজেনত্তুন্ বাঈনী পানাত্তুন্ মান্‌জ্যত্তুন্ বাঈনী পানাগান্ বেশ্ গম্ পেদাক্।

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

যোহন 21:18

মুই তরে ঘেচ্চ্যেক্‌গুরি কঙর্, তুই যেক্কে গাবুর্ এলে সেক্কে তুই নিজে তর্ ফার্‍বো বানিদ্যে আর যিধু মনে কয় সিধু যেদে। মাত্তর্ যেক্কে তুই বুড়ো অবে সেক্কে তুই তঅ আঢ্‌তান্ বাবেই দিবে আর অন্য একজনে তরে বানিবো আর তুই যিধু যেবার্ ন-চাজ্ সিধু নেযেব।”

প্রেরিত্‌ 12:4

তে পিতররে ধুরিনে জেলোত্ দিলো। চের্‌জন চের্‌জন গুরি চের্ দল সৈন্য উগুরে পিতররে চুগি দিবার ভারান্ দিয়্যে অলঅ। হেরোদে ঠিগ্ গুরিলো, উদ্ধোর্-পরবর্ পরেদি বিচের্ গুরিবাত্যে পিতররে মানুচ্চুনো ইধু নিগিলেই আনিবো।

প্রেরিত্‌ 2:14

সেক্কে পিতরে সেই এগারজন শিচ্চ্য সমারে থিয়্যেইনে দাঙর্ রঅ গুরিনে সিয়েনি বেক্কানি মানুচ্চুনোরে কলঅ, যিহূদীগুন আর যিগুনে তুমি যিরূশালেমত্ বজত্তি গরর্, তুমি জানি রাগঅ আর মন দিইনে মঅ কধাগান শুনো।

প্রেরিত্‌ 20:6

সদানেইয়্যে রুটি পরবর্ পরেদি আমি পানি পধেদি ফিলিপীত্তুন্ লদ্ দিলোং আর পাচ্ দিন পরেদি ত্রোয়াত তারা সমারে মিজেলং। ত্রোয়াত আমি সাত দিন সং এলং।

প্রেরিত্‌ 24:27

দ্বি বজর্ পার্ ওই গেলে পরেদি ফীলিক্স জাগানত্ পর্কীয় ফীষ্ট এলঅ। ফীলিক্সে যিহূদীগুনোরে হুজী গুরিবাত্যে পৌলরে জেল্‌খানাত্ থোই গেলঅ।

প্রেরিত্‌ 25:9

ফীষ্ট যিহূদীগুনোরে হুজী গুরিবাত্যে পৌলরে কলঅ, “এ বেক্‌ দুষ্‌চানির্ বিচের্ মুই যেন যিরূশালেমত্ গুরি পারং সেনত্তে তুই কি সিধু যেবাত্তে রাজী আঘচ্?”

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

১ থিষলনীকীয় 2:4

বরং যগাজ্জ্যে মনে গুরিনে গম হবর্ জানেবার ভারান্ গোজেনে আমা উগুরে দিয়্যে বিলিনে আমি সে ইজেবে কধা কোর্। মান্‌জ্যরে হুজী গুরিবাত্যে আমি এ কধানি ন-কোর্, মাত্তর্ যিবে আমার রিবেঙানি যাচাই গুরি চায় সেই গোজেনরে হুজি গুরিবাত্যে কোর্।