প্রেরিত্‌ 11:21 - Chakma Bible

²¹ গোজেনর্ খেমতা তারা উগুরে এলঅ বিলি বোউত্ মানুচ্ প্রভু উগুরে বিশ্বেজ্ গুরিনে তা ইধু ফিরিলাক্।

প্রেরিত্‌ 11:21 Iomraidhean Croise

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

ইষ্রা 8:18

আমা গোজেনর্ ভালেদির্ আঢ্ আমা উগুরে এলঅ বিলিনে তারা ইস্রায়েলর পুয়ো লেবি-গুট্টির মহলি বংশ ভিদিরেত্তুন্ শেরেবিয় নাঙে এক্কো কাবিদ্যেং মান্‌জ্যরে আর তা পুয়োগুনোরে আহ্ ভেইয়ুনোরে ব্ক্কেুনোরে মিলিনে আদারজনরে আমা ইধু আনিলাক্।

নহিমিয় 2:18

মঅ গোজেনে কেধোক্কেন্‌ গুরিনে মরে ভালেদি গোজ্যে আর রাজা মরে কি কোইয়্যে সিয়েন্‌অ মুই তারারে জানেলুঙ্‌। জোবত্‌ তারা কলাক্‌, “এজঅ্, আমি বানানা আরাম্ভ গুরিই।” ইয়েন কোইনে তারা সে গম্‌ কামান্‌ আরাম্ভ গুরিবাত্তে যুক্কোল্‌ অলাক্‌।

নহিমিয় 2:8

ইয়েনিবাদেয়ো তে যেনে তার্‌ ঝাড়-চুগিদিয়্যে আসফর ইদু এক্কান্‌ চিদি দে যেনে তে উবোসনা-ঘরর্‌ কায়-কুরে তাম্বুলানির গেদোর্‌ গাজ্‌ছানিত্তে আর শঅরর্‌ দেবাল আর মর্‌ থেবার্‌ ঘরত্তে মরে গাজ্‌ দে।”মঅ গোজেনর ভালেদির্ আঢ্‌তানি আমা উগুরে এলঅ বিলিনে রাজা মর্‌ বেক্‌ কোজোলিগানি রোক্ষ্যে গুরিলো।

যিশাইয় 53:1

আমার্ দিয়্যে হবরান্ কন্না বিশ্বেজ্ গোজ্যে? কাইদু বা লগেপ্রভুর্ খেমতাবলা আঢ্‌‌‌‌তান ফগদাং ওইয়্যে?

যিশাইয় 59:1

চঅ, লগেপ্রভুর আঢ্‌‍‌‌‌তান এদক্ বাদি নয়দে যে, তে উদ্ধোর্ গুরি ন-পারে; তা কানান্‌অ এদক্ গুয়োর্ নয় যে, তে ন-শুনে।

লূকে লেখ্যে গম্ হবর্ 1:66

যিগুনে এ কধানি শুনিলাক্ তারা পত্তিজনে মনে মনে সিয়েন ভাবদন্ আর কদন্, “দাঙর্ ওইনে এ পুয়োবো সালে কি অবঅ!” তারা এ কধাগান কলাক্, কিয়া প্রভুর খেমতা এ পুয়োবো উগুরে দেগা যেইয়্যে।

প্রেরিত্‌ 11:24

বার্ণবা এক্কো গম মানুচ্‌ এলঅ আর তে পবিত্র আত্মালোই আর বিশ্বাজে ঠিগ্ এলঅ। সেক্কে প্রভু ভালোক্ জনরে তার্ নিজো ইধু আন্যে।

প্রেরিত্‌ 15:19

যাকোবে আরঅ কলঅ, “ইয়েনত্যে মর্ মতে যে অযিহূদীগুনে গোজেন ইন্দি ফিজ্জ্যন্ তারারে দুঘ্ দেনা আমার্ উচিত্ নয়।

প্রেরিত্‌ 2:47

তারা নিত্য গোজেনরে বাঈনী গুরিদাক্ আর বেক্‌ মানুচ্চুনে তারারে সর্মান গুরিদাক্। যিগুনে পাপত্তুন্ উদ্ধোর্ পাদন্ প্রভু বিশ্বেজি দল সমারে পত্তিদিন তারারে যোগ গরা ধোল্ল্য।

প্রেরিত্‌ 4:4

মাত্তর্ যিগুনে পিতর কধা শুন্ন্যন্ তারাত্তুন্ ভালোকজনে বিশ্বেজ্ গুরিলাক্; সেক্কে বিশ্বেজিগুন বাড়িনে কমেদি পাঁচ আজার্ অলাক্।

প্রেরিত্‌ 5:14

সিয়েন অলেয়ো বোউত্ মরদ্ আর মিলে প্রভু উগুরে বিশ্বেজ্ গুরিলাক্ আর বিশ্বেজি দল সমারে মিজেলাক্।

প্রেরিত্‌ 6:7

এবাবোত্যেগুরি গোজেনর কধানি ছিদি পড়া ধল্ল, আর যিরূশালেমত্ শিচ্চ্যগুন্ জনেদি বোউত্ বাড়িলাক্ আর ধর্মগুরুগুনো ভিদিরে ভালোক্ জনে খ্রীষ্টীয় ধর্ম-বিশ্বেজ্‌চানরে মানি ললাক্।

প্রেরিত্‌ 9:35

সেক্কে লুদ্দা আর শারোণ আদামর্ বেক্‌ মানুচ্চুনে ঐনিয়রে দেগিনে প্রভু ইন্দি ফিরিলাক্।

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।