প্রেরিত্‌ 10:9 - Chakma Bible

⁹ তার্ কেল্যে যেক্কে সেই মানুচ্চুনে যাফো শঅর ইন্দি এত্তন্ সেক্কে বেলান্ পেরায় দিবুজ্যে। পিতরে তবনা গুরিবাত্তে সেক্কে চালত্ উদিলো।

প্রেরিত্‌ 10:9 Iomraidhean Croise

২ শমূয়েল 11:2

সেক্কে একদিন্যে বেল্যেমাদান্ দায়ূদে তা বিচ্ছোনত্তুন্‌ উদিনে রাজঘরর্‌ ছালত্‌ বেড়ার্‌। এন্‌ সময়োত্‌ তে ছালঅ উগুরেত্তুন্‌ এক্কো মিলেরে গাদদে দেগিলো। মিলেবো চাদে অমকদ দোল্‌।

গীতসংহিতা 55:17

সাজোন্যে, বেন্যে আর দিবুজ্যে মুই কোজোলি গুরি মর্ আবিত্তিগান জানেম, আর তে মঅ রবো শুনিবো।

যিরমিয় 19:13

যিরূশালেমর বেক্ ঘরানি আর যিহূদার রাজাগুনোর ঘরানি, অত্তাৎ যেদক্কানি ঘরর্ ছাল উগুরে বেলান, চানান আর তারাগুনো নাঙে তারা আগর্‌বাট্টি জ্বালেদাক আরে দেব-দেবেদাগুনো নাঙে ঢালন-উৎসর্বর জিনিস ঢালি দিদাক্ সেই বেক ঘরানি তোফত ধোক্ক্যেন অসিজি অবঅ।’ ”

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

দানিয়েল 6:10

উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

সফনিয় 1:5

যিগুনে আগাজর্ বেক তারাগুনোরে পূজো গুরিবাত্তে ছালঅ উগুরে উদিনে জু জু গরন্ আর যিগুনে লগেপ্রভুর নাঙে জু জু গুরিনে শমক্ গরানার্ পরেদি মিল্‌কম দেবেদার নাঙেও শমক্ গরন তারারে মুই ভস্ত গুরি ফেলেম।

মথি লেখ্যে গম্ হবর্ 20:5

সেক্কে সে মানুচ্চুনেয়ো কাম্ গুরিবাত্তে গেলাক্। সে ঘর গিরোজ্‌সো আরঅ প্রায় বারটায় আহ্ তিনটায় বারেদি যেইনে তে আগ ধোক্ক্যেন্ গুরিলো।

মথি লেখ্যে গম্ হবর্ 24:17

যে ছাল উগুরে থেবঅ তে ঘরত্তুন্ পযাপিরা নিবাত্তে তলে ন-লামোক্।

মথি লেখ্যে গম্ হবর্ 27:45

সেদিন্ন্যে দিবুজ্যে বারটাত্তুন্ ধুরি বেল্যেমাদান্ তিন ঘন্টা সং গোদা দেজ্‌চান আন্ধারে ঢাক্যে এলঅ।

মথি লেখ্যে গম্ হবর্ 6:6

মাত্তর্ তুই যেক্কে তবনা গরচ্ সেক্কে ঘর ভিদিরে যেইনে দোরান্ বানিবে আর তঅ বাপ্পো, যিবেরে দেগা ন-গেলেয়ো মুজুঙোত্ আঘে, তাইধু তবনা গর্। তঅ বাপ্পো, যিবে গুমুরোত্ বেক্কানি দেগে, তেয়ই তরে বক্‌শিজ্ দিবো।

মার্ক 1:35

তার কেল্যে বেন্যেপোত্যে আন্ধার্ থাগদে যীশু উদিলো আর ঘরত্তুন্ নিগিলিনে এক্কান্ নিরিবিলি জাগাত্ যেইনে তবনা গরা ধুরিলো।

মার্ক 6:46

মানুচ্চুনোরে বিদেই দিইনে পরেদি তে তবনা গুরিবাত্তে মুড়ো উগুরে উদি গেলঅ।

প্রেরিত্‌ 10:3

এক দিন্ন্যে বেল্যেমাদান্ তিন্নো বাজদে তে এক্কান্ দর্শন পেলঅ। তে গমেদালে দেগিলোদে গোজেনর্ এক্কো দূত্ এইনে তারে ডাগের্, “কর্ণীলিয়”।

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

১ তীমথিয় 2:8

মুই চাং যেন বেক্‌ জাগানিত্ মরদ্‌তুনে রাগ বা কোজ্জ্যের্ মনভাব ন-রাগেইনে সাব্ মনে দ্বিয়েন আঢ্ তুলিনে তবনা গরন্।

১ শমূয়েল 9:25

ইয়েনর্ পরেন্দি তারা সেই উজু জাগানত্তুন্‌ শঅরত্‌ ফিরি এলাক্। সে পরেন্দি শমূয়েলে তা ঘরর্‌ ছালত্‌ শৌল সমারে কধাবাত্তা কলঅ।