প্রেরিত্‌ 10:41 - Chakma Bible

⁴¹ তো বেক্কুনে তারে ন-দেগন্, মাত্তর্ গোজেনে যে সাক্ষীগুনোরে আগেত্তুন্ ধুরি বেঈ থোইয়্যে সিগুনে তারে দেক্ক্যন্, অত্তাৎ তে মরণত্তুন্ জেদা ওই উদোনার পরেদি আমি যিগুনে তা সমারে হানা-দানা গোজ্জ্যেই আমিই তারে দেক্ক্যেই।

প্রেরিত্‌ 10:41 Iomraidhean Croise

লূকে লেখ্যে গম্ হবর্ 24:30

যেক্কে তে তারা সমারে হেবাত্যে বুজিলো সেক্কে রুটি লোইনে গোজেনরে ভালেদি জানেল আর সিয়েন্ কট্টা গুরিনে তারারে দিলো।

লূকে লেখ্যে গম্ হবর্ 24:48

তুমিই এ বেক্ বেপারানির্ সাক্ষী।

যোহন 14:17

সেই বল্ দিয়্যেবো সত্যর্ আত্মা। জগদ মানুচ্চুনে তারে মানি লোই ন-পারন্, কিয়া তারা তারে ন-দেগন্ আর তারে হবর্‌অ ন-পান্। মাত্তর্ তুমি তারে হবর্ পঅ, কিয়া তে তমা সমারে সমারে থায় আর তে তমা মনত্ বজত্তি গুরিবো।

যোহন 14:19

খানক্কন্ পরেদি জগদ মানুচ্চুনে আর মরে ন-দেগিবাক্, মাত্তর্ তুমি দেগিবা। মুই জেদা আঘং কিনেই তুমিয়ো জেদা থেবা।

যোহন 14:22

সেক্কে যিহূদা (ইষ্কারিয়োৎ নয়) তারে কলঅ, “প্রভু, কিত্ত্যে তুই বানা আমা ইধু নিজোরে ফগদাং গুরিবে, জগদ মানুচ্চুনো ইধু ন-গুরিবে?”

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 15:27

আর তুমিয়ো মঅ পৌইদ্যেনে সাক্ষি দিবা, কিয়া পৌইল্যাত্তুন্ ধুরি তুমি মঅ সমারে সমারে আঘঅ।

যোহন 21:13

পরেদি যীশু এইনে রুটি লোইনে তারারে দিলো, আর সেবাবোত্যেগুরি মাছ্অ দিলো।

প্রেরিত্‌ 1:4

সেক্কে এক দিনোত্ যীশু যেক্কে শিচ্চ্যগুনো সমারে এলঅ সেক্কে তারারে এ উগুমান দিয়্যে “তুমি যিরূশালেমান ফেলেই ন-যেইয়ো, মাত্তর্ মঅ বাপ্পোর্ এগেম্ গোজ্যে যে দানর্ কধা তুমি মত্তুন্ শুন্ন্য সিয়েনত্যে বাজ্জেই থাগঅ।

প্রেরিত্‌ 10:39

“যিহূদীগুনো দেজত্ আর যিরূশালেমত্ তে যিয়েনি গোজ্যে আমি সিয়েনির সাক্ষী। মানুচ্চুনে তারে ক্রুশোত্ টাঙেইনে মারে ফেল্ল্যন্।

প্রেরিত্‌ 13:31

গালীলত্তুন্ যিগুনে তা সমারে যিরূশালেমত্ এচ্চ্যন্ সিগুনে ভালোক্ দিন সং তারে দেক্ক্যন্। আমা মানুচ্চুনো ইধু তারা ইক্কিনে তা পৌইদ্যেনে সাক্ষি দেদন্।