প্রেরিত্‌ 10:22 - Chakma Bible

²² সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্‌ আর তে গোজেনরে ভোক্তি গরে। বেক্‌ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।”

প্রেরিত্‌ 10:22 Iomraidhean Croise

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

হবক্‌‌‌‌কূক 2:4

বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।

মথি লেখ্যে গম্ হবর্ 1:19

মরিয়ম নেক্কো যোষেফে গম্ মানুচ্ এলঅ, মাত্তর্ তে মান্‌জ্য মুজুঙোত্ মরিয়মরে লাজত্ ফেলেবাত্তে ন-চেলঅ; ইয়েনত্তে তে ভিদিরে ভিদিরে তারে ন-লবঅ বিলি ঠিগ্ গুরিলো।

মথি লেখ্যে গম্ হবর্ 2:12

পরেদি গোজেনে স্ববনত্ তারারে উজিয়ার্ গুরি দিলো যেন তারা হেরোদ ইধু ফিরি ন-যান্। সেক্কে তারা অন্য পধেদি নিজো দেজত্ ফিরি গেলাক্।

মার্ক 6:20

মাত্তর্ হেরোদে যোহনরে দোরেদ বিলি তে সিয়েন গুরি ন-পারে। যোহনে যে এক্কো গোজেন্‌ভক্ত আর পবিত্র মানুচ্ হেরোদে সিয়েন হবর্ পেদঅ, সেনত্তে তে যোহনরে দযাত্তুন্ রোক্ষ্যে গুরিদো। যোহনর্ কধা শুনিবার সলাত্ মনত্ খুব দুঘ্ পেলেয়ো হেরোদে তা কধানি শুনিবাত্তে গম্ পেদঅ।

মার্ক 8:38

এই কালর্ অবিশ্বেজি আর পাপী মানুচ্চুনো ভিদিরে যুনি কেঅ মরে নিইনে আর মঅ কধানিলোই লাজান্, সালে মান্‌‌জ্য পুয়োবো যেক্কে পবিত্র দূত্‌‌তুনো সমারে গুরি তা বাব মহিমালোই এবঅ, সেক্কে তেয়ো সেই মানুচ্চুনো পৌইদ্যেনে লাজেব।”

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

লূকে লেখ্যে গম্ হবর্ 23:50

যোষেফ নাঙে এক্কো গম্ আর ধার্মিক মানুচ্‌ বড়সভার্ মেম্বার্ এলঅ। তে অরিমাথিয়া নাঙে যিহূদীগুনোর্ এক্কান আদামর মানুচ্‌।

লূকে লেখ্যে গম্ হবর্ 9:26

যুনি কেঅ মরে নিইনে আর মঅ কধালোই লাজান্, সালে মান্‌জ্য পুয়োবো যেক্কে নিজোর্ মহিমালোই, বাপর্ আর পবিত্র স্বর্গদূত্তুনোর্ মহিমালোই এবঅ সেক্কে তেয়ো সেই মানুচ্চো পৌইদ্যেনে লাজেব।

যোহন 13:20

মুই তমারে ঘেচ্চ্যেক্‌গুরি কঙর্, মুই যিবেরে দিপাদাং, যে তারে মানি লয় তে মরেয়ো মানি লয়, আর যে মরে মানি লয়, যিবে মরে পাধেয়্যে তে তারেয়ো মানি লয়।”

যোহন 17:20

মুই যে বানা ইগুনোত্তে কোজোলি গরঙর্ সিয়েন নয়, মাত্তর্ যিগুনে ইতারা কধালোই মঅ উগুরে বিশ্বেজ্ গুরিবাক্ তারাত্যেয়ো কোজোলি গরঙর্, যেন তারা বেক্কুনে এক অন্।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:63

মান্‌জ্যর্ কিয়্যেগান্ কনঅ কামর্ নয়; পবিত্র আত্মাগানে জিংকানি দে। মুই তমারে যে কধাগানি কোইয়োং সিয়েনি আত্মিক জিংকানি দান্ গরে,

যোহন 6:68

শিমোন-পিতর যীশুরে কলঅ, “প্রভু, আমি কা ইধু যেবং? উমর জিংকানির্ কধা দঅ তইধু আঘে।

প্রেরিত্‌ 10:2

যিহূদী ন-অলেয়ো তে গোজেনভক্ত এলঅ আহ্ তে আর তা পরিবারর্ বেক্কুনে গোজেনর্ উবোসনা গুরিদাক্। তে নাঢাগুনোরে বোউত্ টেঙা-পৌইজ্যে দান গুরিদো আর গোজেন ইধু পেরায় তবনা গুরিদো।

প্রেরিত্‌ 10:21

সেক্কে পিতরে লামি এইনে সেই মানুচ্চুনোরে কলঅ, “তুমি যিবেরে তগর্ মুয়ই সে মানুচ্চো। তুমি কিত্ত্যেই এচ্ছো?”

প্রেরিত্‌ 10:30

সেক্কে কর্ণীলিয় কলঅ, “চের্ দিন আগে ঠিগ্ এ সময়োত্ বেল্যেমাদান্ তিন্নো বাজদে মুই মঅ ঘরত্ তবনা গরঙর্। এমন সময়োত্ আদিক্ক্যে গুরি জ্বোল্‌জোল্ল্যা কাবড় উজ্যে এক্কো মানুচ্‌ মঅ মুজুঙোত্ এইনে থিয়্যেইনে কলঅ,

প্রেরিত্‌ 10:33

সেনত্তে মুই সেক্কে তরে ডাগি আনিবাত্যে মানুচ্‌ পাধেলুং, আর তুমি এইনে গম্ ওইয়্যে। ইধু আমি বেক্কুনে ইক্কিনে গোজেন মুজুঙোত্ আঘিই। প্রভু তরে আমা ইধু যিয়েনি কবাত্তে উগুম দিয়্যে আমি সিয়েনি বেক্কানি শুনিবোং।”

প্রেরিত্‌ 10:6

তে চামড়্ কাম্ গরে। পিতরে সেই শিমোন ঘরত্ আঘে।

প্রেরিত্‌ 11:14

তে তঅ ইধু যে কধাগান্ কবঅ সেই কধাগান্দোই তুই আর তঅ পরিবারর্ বেক্‌ মানুচ্চুন্ পাপত্তুন্ উদ্ধোর্ পেবাক্।

প্রেরিত্‌ 22:12

পরেদি অননিয় নাঙে এক্কো মানুচ্‌ মইধু এলঅ। তে মোশির্ রীতি-সুদোমানি ভোক্তি গুরিনে পালেদ, আর সিধুগোর্ বেক্‌ যিহূদীগুনে তারে ভারি সর্মান গুরিদাক্।

প্রেরিত্‌ 24:15

তারা যেবাবোত্যে আজা গরন্ সেবাবোত্যে আমার্‌অ গোজেন উগুরে এ আজাগান্ আগেদে যে, গম্ বা বজং বেক্কুনোরে আরঅ জেদা গরা অবঅ।

প্রেরিত্‌ 6:3

ভেইলগ, তমা ভিদিরেত্তুন্ এমন্‌ সাতজন্ মান্‌জ্যরে তুমি বেঈ লঅ যিগুনোরে বেক্কুনে সর্মান গরন্ আর যিগুনে পবিত্র আত্মালোই আর জ্ঞানে পরিপূরোন। আমি তারা উগুরে এ সেবা কামর ভারান্ দিইনে নিজে তবনা আর গোজেনর্ কধা ফগদাঙত্ মনান্ দিবোং।”

রোমীয় 1:17

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

২ করিন্হীয় 5:18

ইয়েনি বেক্কানি গোজেনত্তুন্ অয়। তে খ্রীষ্টর্ মাধ্যমে তার্ নিজো সমারে আমারে এগত্তর্ গোজ্জ্যে, আর তা সমারে অন্যগুনোরে মিলেই দিবার্ কামান্ আমা উগুরে দিয়্যে।

দ্বি’লম্বর বিররণ 30:13

ইয়েন সাগর উপারর্‌ কনঅ জিনিসঅ নয় যে, তুমি কবাদে, কন্না বড়গাঙান পার ওই যেইনে সিয়েন আনিনে আমারে শুনেব যেনে আমি সিয়েন পালন গুরি পারিই?

১ তীমথিয় 3:7

বারেদি মানুচ্চুনো ইধু তার সুনাঙ্ থানা দরকার, যেন তে বদ্‌নাঙর্ ভাগী ন-অয় আর শদানর্ ফালত্ ন-পড়ে।

ইব্রীয় 10:38

আর যে মানুচ্চোরে মুই নিদ্দুজি বিলিনে মানি লোইয়োং তে বিশ্বেজর্ মাধ্যমে জিংকানি পেবঅ; মাত্তর্ কেঅ যুনি ফিরি যায় সালে তা উগুরে মুই হুজি ন-ওম্।”

ইব্রীয় 11:2

বিশ্বেজত্যে আমা পূরোণি মানুচ্চুনে গোজেনর্ বাঈনী পেইয়োন।

ইব্রীয় 12:23

পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

৩ যোহন 1:12

বেক্কুনে দীমীত্রিয়রে নাঙ্ গিনোদন্; এন্‌ কি, গোজেনর্ সত্যগানেয়ো সিয়েন গরের্। আমিয়ো তারে নাঙ্ গিনির্। তুই দঅ কোই পারচ্ আমি যিয়েন কোই সিয়েন সত্য।

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।