প্রেরিত্‌ 10:2 - Chakma Bible

² যিহূদী ন-অলেয়ো তে গোজেনভক্ত এলঅ আহ্ তে আর তা পরিবারর্ বেক্কুনে গোজেনর্ উবোসনা গুরিদাক্। তে নাঢাগুনোরে বোউত্ টেঙা-পৌইজ্যে দান গুরিদো আর গোজেন ইধু পেরায় তবনা গুরিদো।

প্রেরিত্‌ 10:2 Iomraidhean Croise

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

১ রাজাবলী 8:43

সেক্কে তর্‌ থেবারঘর স্বর্গত্তুন্‌ তুই সিয়েনি শুনিচ্‌। তে যিয়েনি চায় তাত্তে সিয়েনি গুরিচ্‌ যেনে পিত্তিমীর বেক্‌ মানুচ্চুনে তরে হবর্ পান্‌ আর তঅ নিজোর মানুচ্‌ ইস্রায়েলীয়গুনো ধোক্ক্যেন তারায়ো তরে ভোক্তিগুরি দরান্‌ আর হবর্‌ পান, মর্‌ বানেয়্যে এ ঘরান্‌ তঅ ঘর্‌।

২ বংশধর 6:33

সেক্কে তর্‌ থাইদে জাগা স্বর্গত্তুন্‌ তুই সিয়েনি শুনিচ্‌। তে যিয়েন্‌ চায় তাত্তেই সিয়েন্‌ গুরিচ্‌ যেনে পিত্‌থিমীর বেক্‌ মানুচ্চুনে তরে জানি পারন্‌ আর তর্‌ নিজোর্‌ মানুচ্‌ ইস্রায়েলীয়গুনো ধোক্ক্যেন তারায়ো তরে ভোক্তিপূর্ণ দোরেই পারন্‌ আর জানি পারন্‌, মর্‌ বানেয়্যে এ ঘরান্‌ তর্‌ ঘর্‌।

ইয়োব 1:1

ঊষ দেজত্‌ ইয়োব নাঙে এক্কো মানুচ্‌ বজত্তি গুরিদো। তে এক্কো নিদ্দুজি আর গম্‌ মানুচ্‌ এলঅ‌। তে গোজেনরে ভোক্তি সহকারে দোরেদ আর ভান্ন্যেই কামত্তুন্‌ দূরোত্‌ থেদঅ।

ইয়োব 1:5

তারার্‌ হানার্‌ দিনুন্‌ থুম্‌ অলে পরেদি ইয়োবে তারারে ডাগি আনিনে সিজি গুরিদো। বেন্যেপোত্যে তে তারার্‌ পত্তি জনত্তে এক্কো গুরিনে পুজ্যে-উৎসর্বর পরব্‌ গুরিলো। তে মনে গুরিদো, “মঅ‌ ঝি-পূঅগুনে অয়ত পাপ গোজ্যন্‌ আর মনে মনে গোজেনরে অসর্মান গোজ্যন্‌।” ইয়োবে আমিঝে এবাবোত্যে গুরিদো।

গীতসংহিতা 102:15

সেক্কে লগেপ্রভুর নাঙান্ শুনিনে অন্য বেক জাদ্‌তুনে দোরেবাক্; তর্ বাঈনী দেগিনে পিত্‌থিমীর বেক রাজাগুনোর মনত্ দর্‌বুক্ লাগিবো।

গীতসংহিতা 119:2

বর্ পেইয়্যে সেই মানুচ্চুন, যিগুনে তা কধামজিম্ চলন্ আর মনযোগ দিইনে তার আওজ্ মজিম চলন্।

গীতসংহিতা 25:5

তর্ সত্যলোই মরে পরিচালনা গর্ আর মরে শিক্ষ্যে দে, কিত্যে তুয়ই মর্ উদ্ধোর্‌‍গুরিয়্যে গোজেন; নিত্য তঅ উগুরে মুই আজা রাগাং।

গীতসংহিতা 41:1

বর্‌পেইয়্যে সেই মানুচ্চো, যিবের মনানে নাঢা মানুচ্চুনোত্তে চিদে গরে; দুঘোর্ দিনোত্ লগেপ্রভু তারে উদ্ধোর্ গরে।

গীতসংহিতা 55:17

সাজোন্যে, বেন্যে আর দিবুজ্যে মুই কোজোলি গুরি মর্ আবিত্তিগান জানেম, আর তে মঅ রবো শুনিবো।

গীতসংহিতা 86:3

ও প্রভু, মঅ উগুরে দোয়্যে গর, কিত্তে মুই সারা দিন্নো তরে ডাগং।

গীতসংহিতা 88:1

ও লগেপ্রভু, মর্ উদ্ধোর গুরিয়্যে গোজেন, মুই দিনে-রেদে তইদু কানঙর্।

উপদেশক 7:18

এ দ্বিয়েন্ উবদেশ্ ধুরি রাগেচ্, কন গানরে ছাড়ি ন-দিচ্; যে মানুচ্চো গোজেনরে ভোক্তিগুরিনে দরায় তে কনকিজু বেশ্ ন-গরে।

যিশাইয় 59:19

পোজিমেদি মানুচ্চুনে লগেপ্রভুরে ভোক্তিগুরিনে দোরেবাক্ আর পূগেদি মানুচ্চুনে তার মহিমাগান দেগিনে গমেডালে দোরেবাক্, কিত্তে লগেপ্রভু তার নিজেজ্‌‌চোই গদা ভাঙেদে বান পানি ধোক্ক্যেন এবঅ।

দানিয়েল 6:10

উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

দানিয়েল 6:16

যেরেদি রাজা উগুম দিলো আর মানুচ্চুনে দানিয়েলরে আনিনে সিংহ গাদত্ ফেলেই দিলাক্। সেক্কে রাজা দানিয়েলরে কলঅ, “তুই নিত্য যিবেরে সেবা গরচ্ সেই গোজেনে যেন তরে রোক্ষ্যে গরে।”

দানিয়েল 6:20

গাদ ইধু যেইনে তে রঅ গির্‌‌‌‌গিজ্যে গুরি দানিয়েলরে ডাগিনে কলঅ, “ও গোজেনর চাগর্ দানিয়েল, তুই নিত্য যিবের্ সেবা গরচ্ তর্ সেই গোজেনে কি তরে সিংহ মুয়োত্তুন্ রোক্ষ্যে গুরি পাজ্যে?”

দানিয়েল 6:26

মুই উগুম দুয়োঙর্, মঅ রেজ্যর্ বেক মানুচ্চুন যেন দানিয়েলর গোজেনরে দরান্ আর ভক্তি গরন, কিত্যে তেয়ই জেদা গোজেন আর উমরত্যে থিদেবর্। তার রেজ্যগান ভস্ত ন-অবঅ, তার রাজাগিরি কনদিন্‌অ থুম্ ন-অবঅ।

মথি লেখ্যে গম্ হবর্ 25:17

যে দ্বি আজার্ দীনার্ পেলঅ তেয়ো সেবাবোত্যেগুরি আরঅ দ্বি আজার্ দীনার্ লাভ্ গুরিলো।

লূকে লেখ্যে গম্ হবর্ 18:1

শিচ্চ্যগুনে যেনে নিত্য তবনা গরন্ আর আজা ন-আড়ান্ সেই শিক্ষ্যেগান্ দিবাত্যে যীশু তারারে এ উদাহরনান্ দিলো: “কনঅ এক শঅরত্ এক্কো বিচেরক্ এলঅ। তে গোজেনরে ন-দোরেদ আর মান্‌জ্যরেয়ো গ্রাজ্য ন-গুরিদো।

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

প্রেরিত্‌ 10:22

সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্‌ আর তে গোজেনরে ভোক্তি গরে। বেক্‌ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।”

প্রেরিত্‌ 10:31

‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে।

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

প্রেরিত্‌ 10:4

কর্ণীলিয় দোরেইনে সেই স্বর্গদূত্‌তো ইন্দি রিনি চেইনে কলঅ, “কঅ, প্রভু।”

প্রেরিত্‌ 10:7

যে স্বর্গদূত্‌তো কর্ণীলিয় সমারে কধা কোইয়্যে তে যানার্ পরেদি কর্ণীলিয় দ্বিজন চাগর আর এক্কো সাহায্য গুরিয়্যে সৈন্যরে ডাগিলো। এ সৈন্যবো গোজেন ভক্ত এলঅ।

প্রেরিত্‌ 11:14

তে তঅ ইধু যে কধাগান্ কবঅ সেই কধাগান্দোই তুই আর তঅ পরিবারর্ বেক্‌ মানুচ্চুন্ পাপত্তুন্ উদ্ধোর্ পেবাক্।

প্রেরিত্‌ 13:16

সেক্কে পৌলে উদিনে থিয়েল আর আঢ্ তুলিনে কলঅ, ইস্রায়েলীয়গুন আর গোজেন ভক্ত অযিহূদীগুন, তুমি শুনো।

প্রেরিত্‌ 13:26

ভেইলগ্, অব্রাহাম গুট্টিগুন্ আর গোজেনভক্ত অযিহূদীগুন, পাপত্তুন্ উদ্ধোরর্ এই যে হবরান্ সিয়েন আমা ইধু দিপাদা ওইয়্যে।

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 18:8

সমাজ-ঘরর্ নেতা ক্রীষ্প আর তা ঘরর্ বেক্কুনে প্রভু উগুরে বিশ্বেজ্ গুরিলাক্। ইয়েন বাদে করিন্থীয়গুনো ভিদিরে ভালোকজনে পৌল কধা শুনিনে বিশ্বেজ্ গুরিলাক্ আর বাপ্তিষ্ম ললাক্।

প্রেরিত্‌ 2:5

সেক্কে পিত্‌থিমীর নানান্ দেজত্তুন্ গোজেন-ভক্ত যিহূদী মানুচ্চুনে এইনে যিরূশালেমত্ বজত্তি গত্তন্।

প্রেরিত্‌ 22:12

পরেদি অননিয় নাঙে এক্কো মানুচ্‌ মইধু এলঅ। তে মোশির্ রীতি-সুদোমানি ভোক্তি গুরিনে পালেদ, আর সিধুগোর্ বেক্‌ যিহূদীগুনে তারে ভারি সর্মান গুরিদাক্।

প্রেরিত্‌ 8:2

কয়েক্কো গোজেন ভক্ত মান্‌জ্যে স্তিফানরে গোর্ দিলাক্ আর তাত্যে অমকদ দুন্দুক্ খেলাক্।

প্রেরিত্‌ 9:11

প্রভু তারে কলঅ, “উজু নাঙে যে পধ্‌‌‌‌তান আঘে তুই সে পধ্‌‌‌‌তানত্ যাহ্। সিধু যিহূদার ঘরত্ শৌল নাঙে তার্ষ শঅরর্ এক্কো মান্‌জ্যরে তগাগোই। তে তবনা গরের্ আর দর্শনত্ দেক্ক্যে, অননিয় নাঙে এক্কো মানুচ্‌ এইনে তা কিয়্যেগানত্ আঢ্ বাজেয়্যে যেন তে আরঅ চোগেদি দেগে।”

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।

প্রেরিত্‌ 9:36

যাফো শঅরত্ টাবিথা নাঙে এক্কো মিলে শিচ্চ্য এলঅ। গ্রীক ভাষায় এ নাঙানর্ অত্ত দর্কা। তে আমিযে অন্যগুনোরে উপকার গুরিদো আর নাঢা মানুচ্চুনোরে সাহায্য গুরিদো।

কলসীয় 4:2

তুমি কৃতজ্ঞ আর সজাগ্ ওইনে তবনা গুরিনে নিজোরে কামত্ রাগেয়ো;

১ থিষলনীকীয় 5:17

নিত্য তবনা গরঅ,

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”