প্রেরিত্‌ 1:5 - Chakma Bible

⁵ যোহনে পানিত্ বাপ্তিষ্ম দিদো, মাত্তর্ কয়েক দিনো ভিদিরে বাবর্ সেই এগেম্ মজিম পবিত্র আত্মালোই তমার্ বাপ্তিষ্ম অবঅ।”

প্রেরিত্‌ 1:5 Iomraidhean Croise

যোয়েল 3:18

“সেদিন্যে দাঙর্ দাঙর্ মুড়োগুনোত্তুন্ বোউত্ আংগুর-রস পাহ্ যেবঅ আর চিগোন চিগোন মুড়োগুনোত্তুন্ বোউত্ দুধ পাহ্ যেবঅ। যিহূদার বেক্ পানি গাঢ্‌‌‌‌তুনোদি পানি বেঈ যেবঅ। লগেপ্রভুর ঘরত্তুন্ এক্কো পয়নালা উদিনে শিটীমোর কলগ্‌‌‌‌কানরে পানি দান গুরিবো।

মথি লেখ্যে গম্ হবর্ 3:11

মনান্ ফিরেয়ো বিলি মুই তমারে পানিত্ বাপ্তিষ্ম দুয়োঙর্, মাত্তর্ মঅ পরেদি যিবে এজের্ তে মত্তুন্অ বেশ্ খেমতাবলা। মুই তার জদানি বুয়োবার্ যগাজ্যে নয়। তে পবিত্র আত্মা আর আগুনোত্ তমারে বাপ্তিষ্ম দিবো।

মথি লেখ্যে গম্ হবর্ 3:6

এই মানুচ্চুনে নিজোর্ পাপ্‌‌পানি স্বীগের্ গুরিলাক্ আর সেক্কে যোহনে যর্দন গাঙত্ তারারে বাপ্তিষ্ম দিলো।

মার্ক 1:8

মুই তমারে পানিত্ বাপ্তিষ্ম দুয়োঙর্ মাত্তর্ তে পবিত্র আত্মালোই তমারে বাপ্তিষ্ম দিবো।”

লূকে লেখ্যে গম্ হবর্ 3:16

এমন্ সময়োত্ যোহনে তারারে বেক্কুনোরে কলঅ, “মুই তমারে পানিত্ বাপ্তিষ্ম দুয়োঙর্, মাত্তর্ যিবে মত্তুন্ বেশ্ খেমতাবলা তে এজের্। মুই তার্ জদার্ ফিতেগানি খুলিবার্‌অ যগাজ্যে নয়। তে পবিত্র আত্মা আর আগুনোত্ তমারে বাপ্তিষ্ম দিবো।

যোহন 1:26

যোহনে জোবত্ কলঅ, “মুই পানিত্ বাপ্তিষ্ম দুয়োঙর্ ঠিগ্, মাত্তর্ তমা ভিদিরে এমন্‌ একজন আঘে যিবেরে তুমি ন-চিনো।

যোহন 1:31

মুই তারে ন-চিনিদুং, মাত্তর্ তে যেন ইস্রায়েলীয়গুনো ইধু ফগদাং পায় সেনত্তে মুই এইনে পানিত্ বাপ্তিষ্ম দোঙর্।”

যোহন 1:33

মুই তারে ন-চিনিদুং, মাত্তর্ যে মরে পানিত্ বাপ্তিষ্ম দিবাত্তে পাধেয়্যে তেয়ই মরে কোই দিয়্যে, ‘যা উগুরে পবিত্র আত্মারে লামি এইনে থাদে দেগিবে, তেয়ই সে মানুচ্চো যিবে পবিত্র আত্মালোই বাপ্তিষ্ম দিবো।’

প্রেরিত্‌ 10:45

যে যিহূদী বিশ্বেজিগুনে পিতর সমারে এচ্চ্যন্ তারা অযিহূদীগুনো উগুরেয়ো পবিত্র আত্মাগানরে দান ইজেবে ঢালি দিয়্যে অলঅ দেগিনে আমক্ ওই গেলাক্।

প্রেরিত্‌ 19:4

পৌলে কলঅ, “পাপত্তুন্ মন ফিরেইনে যে বাপ্তিষ্ম লনা, সিয়েনই এলঅ যোহনর্ বাপ্তিষ্ম। যোহনে মানুচ্চুনোরে কোইয়্যেদে, তা পরেদি যিবে এজের্ তা উগুরে, অত্তাৎ যীশু উগুরে বিশ্বেজ্ গরা পড়িবো।”

১ করিন্হীয় 12:13

আমি যিহূদী কি অযিহূদী, চাগর্ কি স্বাধীন, বেক্কুনোর্ একই পবিত্র আত্মালোই একই কিয়্যে ভিদিরে বাপ্তিস্ম ওইয়্যে। আমি বেক্কুনে সেই একই পবিত্র আত্মাগানরে পেইয়্যেই।

তীত 3:5

কনঅ গম কামত্যে তে আমারে উদ্ধোর্ ন-গরে; তার্ দোয়্যের্ কারনে সিয়েন গোজ্জ্যে। পবিত্র আত্মালোই নুয়ো জর্ম দান গুরিনে আর নুয়ো গুরি বানেইনে তে আমা মনানি ধোইনে সাব্ গুরিলো, আর এবাবোত্যে গুরি তে আমারে উদ্ধোর্ গুরিলো।