প্রেরিত্‌ 1:2 - Chakma Bible

² যে শিচ্চ্যগুনোরে তে বেঈ লোইয়্যে, তারে তুলি নিবার্ আগেদি সেই শিচ্চ্যগুনোরে তে পবিত্র আত্মালোই উগুম দিয়্যে।

প্রেরিত্‌ 1:2 Iomraidhean Croise

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

যিশাইয় 48:16

“তুমি মইদু এইনে এ কধানি শুনো। মুই পোইল্যেত্তুন্ ধুরি কনঅ কধা গুমরত্ রাগেবাত্তে ন-কং; সে কধানি পূরোণ অবার্ অক্তত্ মুই সিয়েনত্ থাং।” ইক্কিনে প্রভু লগেপ্রভু তা আত্মালোই মরে পাদেয়্যে।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

মথি লেখ্যে গম্ হবর্ 12:28

না, ইবে বেল্‌‌‌সবূলে নয়, মাত্তর্ গোজেনর্ আত্মা, যিবে মরে অসিজি আত্মাগুনোরে ধাবেবার্ খেমতা দিয়্যে, যিয়েন প্রমাণ ওইয়্যে যে গোজেন রেজ্যগান দঅ তমা কায়কুরে লুম্মেগি।

মথি লেখ্যে গম্ হবর্ 3:16

বাপ্তিষ্ম লনার্ পরেদি যীশু পানিত্তুন্ উদি এজানার লগে লগে তা মুজুঙোত্ আগাজ্‌চান খুলি গেলঅ। তে গোজেনর আত্মাগানরে কোদোর ধোক্ক্যেন্ ওইনে তা উগুরে লামি এত্তে দেগিলো আর পহর্ অলঅ।

মার্ক 6:30

যীশু যে বারজন শিচ্চ্যরে পাদেয়্যে তারা ফিরি এলাক্ আর যিয়েনি যিয়েনি গোজ্যন্ আহ্ শিক্ষ্যে দুয়োন বেক্কানি তারে জানেলাক্।

লূকে লেখ্যে গম্ হবর্ 24:51

বর্ দেদে দেদে তে তারারে ফেলেই গেলঅ আর তারে স্বর্গত্ তুলি নেযা অলঅ।

লূকে লেখ্যে গম্ হবর্ 9:51

যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো।

যোহন 1:16

আমি বেক্কুনে তার্ সেই পূরোণ অনাত্তুন্ দোইয়্যে উগুরে আরঅ দোয়্যে পেইয়্যেই।

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 13:18

“মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 16:28

ঘেচ্চ্যেক্‌গুরি মুই স্বর্গর্ বাবা ইত্তুন্ এ জগদত্ এচ্চ্যং, আরঅ মুই এ জগদ্‌তান্ ফেলেইনে বাবা ইধু যাঙর্।”

যোহন 17:13

ইক্কিনে মুই তঅ ইধু এজঙর্, আর মর্ হুজীয়ে যেন তারার্ মনানি ভুরি যায় সেনত্তে জগদত্ থাগদে এই বেক্ কধানি কঙর্।

যোহন 20:17

যীশু মরিয়মরে কলঅ, “মরে ধুরি ন-রাগেচ্, কিয়া মুই এজঅ উগুরে বাবা ইধু ন-যাং। তুই বরং ভেইয়ুনো ইধু যেইনে কঅ, যিবে মর্ আর তমার্ বাপ্, যিবে মর্ আর তমার্ গোজেন, মুই উগুরে তা ইধু যাঙর্।”

যোহন 20:21

যেরেদি যীশু আরঅ তারারে কলঅ, “তমার্ শান্তি ওক্‌। বাবা যেধোক্ক্যেনগুরি মরে পাধেয়্যে মুইয়ো সেধোক্ক্যেনগুরি তমারে পাধাঙর্।”

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

যোহন 6:62

সালে মান্‌জ্যপুয়োবো আগেদি যিধু এলঅ তারে সিধু উদি যাদে দেগিলে তুমি কি কবা?

যোহন 6:70

সেক্কে যীশু তারারে কলঅ, “মুই তমা বার জনরে কি বেঈ ন-নেযাং? অদচ তমা ভিদিরে এক্কো শত্রু আঘে।”

প্রেরিত্‌ 1:11

“গালীলো মানুচ্চুন, ইধু থিয়্যেইনে আগাজ ইন্দি কিত্ত্যেই রিনি চেই আঘঅ? যিবেরে তমাত্তুন্ তুলি নেযা অলঅ সেই যীশুরে যেবাবোত্যে গুরি তুমি স্বর্গত্ যাদে দেগিলা সেবাবোত্যেগুরি তে ফিরি এবঅ।”

প্রেরিত্‌ 1:13

শঅরত্ লুমিনে তারা উগুরে তলাত্ যে ঘরানত্ সেক্কে থেদাক্ সিয়েনত্ গেলাক্। এ শিচ্চ্যগুনো নাঙানি এলঅ-পিতর, যোহন, যাকোব আর আন্দ্রিয়, ফিলিপ আর থোমা, বর্‌‌থলময় আর মথি, আলফেয়র পুয়ো যাকোব আর একবুচ্চ্যে মানুচ্ শিমোন আর যাকোবর পুয়ো যিহূদা।

প্রেরিত্‌ 1:9

এ কধানি কনার্ পরেদি শিচ্চ্যগুনো চোগো মুজুঙোত্ যীশুরে তুলি নেযা অলঅ আর তে এক্কান্ মেঘঅ আন্দলে গেলগোই।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

গালাতীয় 1:1

মুই পৌল খ্রীষ্টর্ এক্কো প্রচারক। এ প্রচারক-পদ্‌তান কনঅ মান্‌জ্যত্তুন্ বা কনঅ মান্‌জ্যর্ ভিদিরেত্তুন্ মুই ন-পাং, বরং যীশু খ্রীষ্ট আর বাবা গোজেন, যিবে খ্রীষ্টরে মরণত্তুন্ জেদা গুরিনে তুল্ল্যে, তারার্ মাধ্যমে মুই সিয়েন পেয়োং।

ইফিষীয় 2:20

প্রচারক আর ভাববাদীগুনে অলাক্ গড়াগান্ আর সেই গড়াগানর্ আজল্ পাত্তর্‌বো খ্রীষ্ট যীশু নিজে। সেই গড়াগান উগুরে তমারে তুল ওইয়্যে।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।

ফগদাং পেইয়্যে 2:11

যিবের শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো দ্বি'পল্লা মরণ অলেয়ো কনবাবদে তার ক্ষতি ন-গুরিবো।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।

ফগদাং পেইয়্যে 2:29

যিবের্ শুনিবার কান্ আঘে তে শুনোক্, পবিত্র আত্মা মন্ডলীগুনোরে কি কর্!

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।

ফগদাং পেইয়্যে 21:14

সেই শঅরর্ দেবালানির্ বারবো খুদো গাড়েয়্যে এলঅ আর সিগুনো উগুরে ভেড়া-ছবোর্ বারজন দূতোর্ বারগান নাঙ্ লেগা এলঅ।

ফগদাং পেইয়্যে 3:13

যিবের শুনিবার কান আঘে তে শুনোক্, পবিত্র আত্মা মন্ডলীগুনোরে কি কর্।

ফগদাং পেইয়্যে 3:16

মাত্তর্ তুই নয় জুরো নয় গরম, সেনত্যে মুই তরে মঅ মুয়োনত্তুন্ চেফ ধোক্ক্যেন গুরি ফেলেই দিম।

ফগদাং পেইয়্যে 3:22

যিবের শুনিবার কান্ আঘে তে শুনোক্, পবিত্র আত্মা মন্ডলীগুনোরে কি কর্।”