প্রেরিত্‌ 1:18 - Chakma Bible

¹⁸ ভান্ন্যেই কাম্বোই যিহূদা যে টেঙাগুন্ পেয়্যে সিগুনদোই তে এক্কেনা ভুই কিনিলো আর সিয়েনত্ পড়িনে তা পেট্‌তো ফাদি গেলঅ আর আদুড়ি নিগিলি গেলঅ।

প্রেরিত্‌ 1:18 Iomraidhean Croise

গীতসংহিতা 55:15

মঅ শত্রুগুনো উগুরে আদিক্ক্যেন্‌গুরি মরন এজোক্; তারা জেদাবাদে পাদালত্ যাদোক্, কিত্তেই তারা ঘরত্ আর তারা মনানিত্ কুজুরোমি আঘে।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

সখরিয় 11:13

সেক্কে লগেপ্রভু মরে কলঅ, “আহ্, কি সেই দামান্ যিয়েন তারা মর্ মূল্য ইজেবে ঠিগ্ গোজ্যন! সিগুন কুমোর ইধু ফেলেই দুয়ো।” সে পরেদি মুই সেই ত্রিশছো রূবোর্ কট্টা নিইনে লগেপ্রভুর ঘরত্ কুমোর ইধু ফেলেই দিলুং।

গণাণা 22:17

তে তরে বোউত্‌ সর্মানর অধিকারী গুরিবো আর তুই যিয়েন্‌ কবে সিয়েনোই গুরিবো। তে চাইদে যেনে তুই যেইনে তার পক্ষত্তুন্‌ সেই মানুচ্চুনোরে অভিশাব্ দুয়োচ্‌।”

গণাণা 22:7

সেক্কে ভাগ্যগানি চাম্বা চেবার টেঙাগুন্ নেযেইনে মোয়াব আর মিদিয়নোর বুড়ো নেতাগুনে রওনা ওই গেলাক্। বালাকে যিয়েন্‌ কোইয়্যে সিয়েন্‌ তারা যেইনে বিলিয়ম ইদু কলাক্।

মথি লেখ্যে গম্ হবর্ 25:15

সেই চাগরুনোর্ খেমতা অনুসারে তে এক্কোরে পাচ্ আজার্, এক্কোরে দ্বি আজার্ আর এক্কোরে এক আজার্ দীনার্ দিলো। সে পরেদি তে বিদেজত্ গেলঅ।